ನವದೆಹಲಿ: ಫೇಸ್ಬುಕ್ ಒಡೆತನದ ಮೆಟಾದ ಭಾರತದ ಸಾರ್ವಜನಿಕ ನೀತಿ ನಿರೂಪಣೆ ವಿಭಾಗದ ಮಾಜಿ ಮುಖ್ಯಸ್ಥ ರಾಜೀವ್ ಅಗರ್ವಾಲ್ ಅವರು ಸ್ಯಾಮ್‌ಸ್ಯಂಗ್‌ಗೆ ಸೇರಲಿದ್ದಾರೆ ಎಂದು ಎನ್‌ಡಿಟಿವಿ ವರದಿ ಮಾಡಿದೆ.
ಮಂಗಳವಾರವಷ್ಟೇ ಅವರು ಮೆಟಾವನ್ನು ತೊರೆದಿದ್ದರು. ಇದೀಗ ಸ್ಯಾಮ್‌ಸ್ಯಂಗ್ಲ್ಲಿ ಅದೇ ಜವಾಬ್ದಾರಿ ವಹಿಸಿಕೊಳ್ಳಲಿದ್ದಾರೆ ಎಂದು ತಿಳಿದು ಬಂದಿದೆ.
ಡಿಸೆಂಬರ್‌ನಲ್ಲಿ ಅವರು ಹೊಸ ಹುದ್ದೆ ವಹಿಸಿಕೊಳ್ಳಲಿದ್ದಾರೆ ಎಂದು ಗೊತ್ತಾಗಿದ್ದು, ಈ ಬಗ್ಗೆ ಸ್ಯಾಮ್‌ಸ್ಯಂಗ್‌ನಿಂದ ಅಧಿಕೃತ ಪ್ರಕಟಣೆ ಇನ್ನಷ್ಟೇ ಬರಬೇಕಿದೆ.
ಸರ್ಕಾರಿ ನೀತಿಗಳ ಬಗ್ಗೆ ಅಧಿಕಾರಿಗಳೊಂದಿಗೆ ಚರ್ಚೆ ಮಾಡುವುದು ಅವರ ನೂತನ ಹೊಣೆಗಾರಿಕೆಯಾಗಿರಲಿದೆ ಎಂದು ತಿಳಿದು ಬಂದಿದೆ.
ಮೆಟಾಗೂ ಮುನ್ನ ಅಗರ್ವಾಲ್, ಉಬರ್‌ನ ದಕ್ಷಿಣ ಏಷ್ಯಾ ನೀತಿ ನಿರೂಪಣಾ ಮುಖ್ಯಸ್ಥರಾಗಿದ್ದರು.
