ಡಾರ್ಕ್‌ವೆಬ್‌ನಲ್ಲಿ ಮಾರಾಟಕ್ಕಿದೆ 50 ಕೋಟಿ ಲಿಂಕ್ಡ್‌ಇನ್ ಬಳಕೆದಾರರ ಮಾಹಿತಿ!

ಮಾಹಿತಿ ಸೋರಿಕೆಯಾಗಿರುವ ಬಳಕೆದಾರರ ಸಂಖ್ಯೆ ಲಿಂಕ್ಡ್‌ಇನ್‌ನ ಸಕ್ರಿಯ ಬಳಕೆದಾರರ ಮೂರನೇ ಎರಡರಷ್ಟಿದೆ ಎಂದು ಹೇಳಿರುವ ಸೈಬರ್‌ನ್ಯೂಸ್, ಸೋರಿಕೆಯಾದ ಮಾಹಿತಿ ಡಾರ್ಕ್‌ವೆಬ್‌ನಲ್ಲಿ ಮಾರಾಟಕ್ಕಿದೆ ಎಂದು ತಿಳಿಸಿದೆ.

ಬಾಟ್‌ಗಳ ಮೂಲಕ ವೆಬ್‌ ಸ್ಕ್ರಾಪಿಂಗ್ ಮಾಡಿಕೊಂಡು ಬಳಕೆದಾರರ ಮಾಹಿತಿಯನ್ನು ಸೋರಿಕೆ ಮಾಡಲಾಗಿದೆ. ಅಲ್ಲದೆ, ದಿ ಥ್ರೆಟ್ ಆಕ್ಟರ್, 20 ಲಕ್ಷ ಬಳಕೆದಾರರ ಮಾಹಿತಿಯನ್ನು ಸೋರಿಕೆಯ ಸ್ಯಾಂಪಲ್ ಎಂದು ಪೋಸ್ಟ್ ಮಾಡಿದ್ದು, ಅದರಲ್ಲಿ ಲಿಂಕ್ಡ್‌ಇನ್ ಬಳಕೆದಾರರ ಐಡಿ, ಪೂರ್ತಿ ಹೆಸರು, ಇ ಮೇಲ್ ಐಡಿ, ಫೋನ್ ನಂಬರ್, ಸಾಮಾಜಿಕ ತಾಣಗಳ ಲಿಂಕ್ ಸಹಿತ ಕೆಲಸ ಮತ್ತು ವೈಯಕ್ತಿಕ ಮಾಹಿತಿ ಸೋರಿಕೆಯಾಗಿದೆ.

ಸಾಮಾಜಿಕ ಮಾಧ್ಯಮ: ಮಾರಾಟದ ಸರಕಾದ ವೈಯಕ್ತಿಕ ಮಾಹಿತಿ!

ಸೋರಿಕೆಯಾದ ಮಾಹಿತಿಯನ್ನು ಹ್ಯಾಕರ್ ಮಾರಾಟಕ್ಕೆ ಇರಿಸಿದ್ದು, ಡಾಲರ್ ಮೂಲಕ ಹಾಗೂ ಬಿಟ್‌ಕಾಯಿನ್ ಬಳಸಿ ವಹಿವಾಟು ನಡೆಸುವುದಾಗಿ ಹೇಳಿದೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಲಿಂಕ್ಡ್‌ಇನ್, ಈ ಬಗ್ಗೆ ತನಿಖೆ ಆರಂಭಿಸಿದೆ ಎಂದು ಹೇಳಿದೆ.

53.3 ಕೋಟಿ ಫೇಸ್‌ಬುಕ್ ಖಾತೆಗಳ ದತ್ತಾಂಶ ಸೋರಿಕೆ: ವರದಿ