ಗಾಳಿಯಿಂದ ಹರಡುವ ಸೋಂಕು ನಿಯಂತ್ರಿಸುವ ‘ಝ್ಯಾಪ್‌ಸಿ’
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು:ಅಲರ್ಜಿ, ಕೆಮ್ಮು, ಉಸಿರಾಟದ ಸಮಸ್ಯೆ ಇರುವವರಿಗಾಗಿ ಬೆಂಗಳೂರಿನ ಪವರ್ ಫ್ಯಾಕ್ಟರ್‌ ಎಂಬ ಸಂಸ್ಥೆಯು ಗಾಳಿಯಿಂದ ಹರಡುವ ಸೋಂಕು ತಡೆಯುವ ‘ಝ್ಯಾಪ್‌ಸಿ’ ಎಂಬ ಉಪಕರಣವನ್ನು ಅಭಿವೃದ್ಧಿ ಪಡಿಸಿದೆ.
‘ಸೋಂಕು ಗಾಳಿಯಿಂದಲೂ ಹರಡುತ್ತವೆ. ಅವುಗಳನ್ನು ನಿಯಂತ್ರಿಸುವ ಸಲುವಾಗಿ ಈ ಉಪಕರಣ ಅಭಿವೃದ್ಧಿಪಡಿಸಲಾಗಿದೆ. ಇದು, ನಕಾರಾತ್ಮಕ ಅಯಾನ್‌ಗಳನ್ನು ಹೊರಬಿಡುತ್ತದೆ. ಇದರಿಂದ ಸೋಂಕು ಹತ್ತಿರಕ್ಕೆ ಸುಳಿಯದು. ಈ ಸಣ್ಣದಾದ ಉಪಕರಣವನ್ನು ಕತ್ತಿನಲ್ಲಿ ಧರಿಸಬಹುದು’ ಎಂದು ಪವರ್ ಫ್ಯಾಕ್ಟರ್‌ ಸಂಸ್ಥೆಯ ಸ್ಥಾಪಕ ಶ್ರೀರಾಮ್ ಮೊಕಾಶಿ ತಿಳಿಸಿದರು.
‘ಧೂಳಿನ ಅಲರ್ಜಿ, ಅತಿಯಾದ ಕೆಮ್ಮು ಹಾಗೂ ಉಸಿರಾಟ ಸಮಸ್ಯೆ ಇರುವವರು ಈ ಉಪಕರಣ ಬಳಸಬಹುದು. ಇದನ್ನು ಕಳೆದ ಡಿಸೆಂಬರ್‌ನಲ್ಲಿ ಮಾರುಕಟ್ಟೆಗೆ ಪರಿಚಯಿಸಲಾಯಿತು. ದೇಶದಾದ್ಯಂತ ಈವರೆಗೆ 200ಕ್ಕೂ ಹೆಚ್ಚು ಮಂದಿ ಈ ಉಪಕರಣ ಖರೀದಿಸಿದ್ದು, ಉತ್ತಮ ಪ್ರತಿಕ್ರಿಯೆಗಳು ಬಂದಿವೆ. ಇದನ್ನು 20 ನಿಮಿಷದವರೆಗೆ ಚಾರ್ಜ್ ಮಾಡಿದರೆ 10 ಗಂಟೆ ಕೆಲಸ ಮಾಡುತ್ತದೆ. ಇದನ್ನು ಫ್ಲಿಪ್‌ಕಾರ್ಟ್‌ ಹಾಗೂ ಅಮೆಜಾನ್‌ ಮೂಲಕವೂ ಖರೀದಿಸಬಹುದು’ ಎಂದು ಮಾಹಿತಿ ನೀಡಿದರು.
ಸಂಪರ್ಕ:6360062061
ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
