ಬುಕರೆಸ್ಟ್ (ಎಪಿ): ಬೆಂಕಿಸುಲಭವಾಗಿ ವ್ಯಾಪಿಸುವ ವಸ್ತುಗಳನ್ನು ಹೊಂದಿದ್ದ ಸರಕು ಇದ್ದ ಕಾರೊಂದು ರೊಮಾನಿಯಾ ರಾಜಧಾನಿ ಬುಕರೆಸ್ಟ್ನಲ್ಲಿ ರಷ್ಯಾದ ರಾಜತಾಂತ್ರಿಕ ಕಚೇರಿ ಗೇಟಿಗೆ ಡಿಕ್ಕಿ ಹೊಡೆದಿದೆ. ಬೆಂಕಿ ಹೊತ್ತಿಕೊಂಡು ಕಾರು ಚಾಲಕ ಮೃತಪಟ್ಟಿದ್ದಾನೆ.
ಬುಧವಾರ ಬೆಳಿಗ್ಗೆ 6 ಗಂಟೆ ವೇಳೆ ಘಟನೆ ಸಂಭವಿಸಿದೆ. ಸ್ಥಳಕ್ಕೆ ದೌಡಾಯಿಸಿದಅಗ್ನಿಶಾಮಕ ಸೇವೆ, ಭದ್ರತಾ ಸಿಬ್ಬಂದಿ ಬೆಂಕಿಯನ್ನು ನಂದಿಸಿದರು. ಕಾರಿನಲ್ಲಿ ಹಲವು ಸರಕುಗಳು ಪತ್ತೆಯಾಗಿವೆ. ತನಿಖೆ ನಡೆಯುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಮತ್ತೊಂದೆಡೆ ಈ ಬಗ್ಗೆ ಹೇಳಿಕೆ ಬಿಡುಗಡೆ ಮಾಡಿದ ರಷ್ಯಾದ ರಾಯಭಾರ ಕಚೇರಿಯು, 'ಅವಘಡದಲ್ಲಿ ಸಿಬ್ಬಂದಿಗೆ ಗಾಯವಾಗಿಲ್ಲ. ಬುಕಾದಲ್ಲಿ ರಷ್ಯಾ ಯೋಧರು ನರಮೇಧ ನಡೆಸಿದ್ದಾರೆ ಎಂದು ಪ್ರಚೋದನೆಗೊಂಡು ಕೃತ್ಯ ಎಸಗಿರುವ ಶಂಕೆ ಇದೆ’ ಎಂದಿದ್ದಾರೆ.