ಶುಕ್ರವಾರ, ಸೆಪ್ಟೆಂಬರ್ 17, 2021
24 °C

ಕೊರೊನಾ ಲಸಿಕೆ ಮಿಶ್ರಣ ಪ್ರಯೋಗಕ್ಕೆ ಚೀನಾ ಒಪ್ಪಿಗೆ

ಎಎಫ್‌ಪಿ Updated:

ಅಕ್ಷರ ಗಾತ್ರ : | |

Prajavani

ಬೀಜಿಂಗ್‌: ಲಸಿಕೆ ಮಿಶ್ರಣ ಕುರಿತ ಪ್ರಯೋಗಕ್ಕೆ ಚೀನಾದ ಔಷಧ ನಿಯಂತ್ರಣ ಪ್ರಾಧಿಕಾರ ಬುಧವಾರ ಅನುಮೋದನೆ ನೀಡಿದೆ.

ಚೀನಾದ ‘ಸಿನೋವ್ಯಾಕ್‌’ ಮತ್ತು ಅಮೆರಿಕದ ಫಾರ್ಮಾಸ್ಯೂಟಿಕಲ್‌ ಕಂಪನಿ ಅಭಿವೃದ್ಧಿಪಡಿಸಿರುವ ‘ಇನೊವಿಯೊ’ ಲಸಿಕೆಯ ಮಿಶ್ರಣಗಳ ಸಾಮರ್ಥ್ಯದ  ಬಗ್ಗೆ ಪ್ರಯೋಗ ನಡೆಯಲಿದೆ.

ಕ್ಲಿನಿಕಲ್‌ ಪ್ರಯೋಗಕ್ಕೆ ಮುನ್ನ ನಡೆದ ಪ್ರಾಥಮಿಕ ಅಧ್ಯಯನ ಪ್ರಕಾರ ಎರಡು ವಿಭಿನ್ನ ಲಸಿಕೆಗಳನ್ನು ನೀಡುವುದರಿಂದ  ರೋಗ ನಿರೋಧಕ ಶಕ್ತಿ ಹೆಚ್ಚಾಗಿರುವುದು ಕಂಡು ಬಂದಿದೆ. ಈ ಬಗ್ಗೆ ಸಮಗ್ರವಾದ ಅಧ್ಯಯನ ಅಗತ್ಯವಿದೆ ಎಂದು ’ಇವೊನಿಯೊ’ ಲಸಿಕೆ ತಯಾರಿಕೆಯಲ್ಲಿ ಚೀನಾದ ಜತೆ ಸಹಭಾಗಿತ್ವ ಹೊಂದಿರುವ ಅಡ್ವಾಕ್ಸಿನ್‌ ಬಯೋಫಾರ್ಮಾಸ್ಯೂಟಿಕಲ್‌ ಸುಝೋಯು ಅಧ್ಯಕ್ಷ ವಾಂಗ್‌ ಬಿನ್‌ ತಿಳಿಸಿದ್ದಾರೆ.

ಎರಡು ವಿಭಿನ್ನ ಲಸಿಕೆಗಳ ಬಳಕೆ ಸುರಕ್ಷಿತ ಅಥವಾ ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತದೆ ಎನ್ನುವ ಬಗ್ಗೆ ಹೆಚ್ಚಿನ ಅಧ್ಯಯನ, ಪ್ರಯೋಗಗಳು ನಡೆಯಬೇಕಾಗಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ತಿಳಿಸಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು