ಮಡಗಾಸ್ಕರ್‌ ಅಪ್ಪಳಿಸಿದ ಬಾಟ್ಸಿರಾಯ್‌ ಚಂಡಮಾರುತ

ಪೂರ್ವ ಕರಾವಳಿ ಮಣಂಜರಿಯಾಕ್ಕೆ ಅಪ್ಪಳಿಸಿದ ಉಷ್ಣ ಚಂಡಮಾರುತ, ಹಿಂದೂ ಮಹಾಸಾಗರದತ್ತ ಬೀಸುತ್ತಿದ್ದಂತೆ ಹೆಚ್ಚು ವೇಗ ಪಡೆದುಕೊಂಡಿತು. ಇದು ಗಂಟೆಗೆ 235 ಕಿಲೋ ಮೀಟರ್‌ ವೇಗದಲ್ಲಿ ಬೀಸುತ್ತಿತ್ತು ಎಂದು ದ್ವೀಪ ರಾಷ್ಟ್ರದ ಹವಾಮಾನ ಇಲಾಖೆ ತಿಳಿಸಿದೆ. ಇದೀಗ ಚಂಡಮಾರುತ ಸ್ವಲ್ಪ ದುರ್ಬಲಗೊಂಡಿದ್ದರೂ, ಭಾರಿ ಮಳೆಯಿಂದ ಉಂಟಾಗುವ ಪ್ರವಾಹ ಸಾಕಷ್ಟು ಹಾನಿ ಮಾಡುವ ನಿರೀಕ್ಷೆ ಇದೆ.

ಶೋನಾ ಭಾಷೆಯಲ್ಲಿ ಬಾಟ್ಸಿರಾಯ್‌ ಎಂದರೆ ಅಪಾಯಕಾರಿ ಚಂಡಮಾರುತ ಎಂದು ಹೆಸರಿಸಲಾಗಿದೆ.

ಮುನ್ನೆಚ್ಚರಿಕೆಯಾಗಿ 22 ಸಾವಿರ ಜನರನ್ನು ಸುರಕ್ಷಿತ ಸ್ಥಳಗಳಿಗೆ ಕಳುಹಿಸಲಾಗಿದೆ. ಶುಕ್ರವಾರದಿಂದಲೇ ಭಾರಿ ಗಾಳಿ ಬೀಸಲಾರಂಭಿಸಿದ್ದು, ಹಲವಾರು ಕಡೆಗಳಲ್ಲಿ ಮರಗಳು ಉರುಳಿಬಿದ್ದಿವೆ. 2.8 ಕೋಟಿ ಜನಸಂಖ್ಯೆಯ ದೇಶದಲ್ಲಿ ಚಂಡಮಾರುತ 6 ಲಕ್ಷದಷ್ಟು ಜನರಿಗೆ ತೊಂದರೆ ಉಂಟುಮಾಡುವ ಸಾಧ್ಯತೆ ಇದೆ.