ಸೋಮವಾರ, ಸೆಪ್ಟೆಂಬರ್ 26, 2022
22 °C

2ನೇ ಎಲಿಜಬೆತ್‌ ಅಂತ್ಯಕ್ರಿಯೆಗೆ 500 ವಿದೇಶಿ ಗಣ್ಯರು?

ಎಪಿ Updated:

ಅಕ್ಷರ ಗಾತ್ರ : | |

Prajavani

ಲಂಡನ್‌: ರಾಣಿ 2ನೇ ಎಲಿಜಬೆತ್‌ ಅವರ ಅಂತ್ಯಕ್ರಿಯೆಗೆ ಸುಮಾರು 500 ವಿದೇಶಿ ಗಣ್ಯರು ಸೇರುವ ನಿರೀಕ್ಷೆ ಇದೆ ಎಂದು ಬ್ರಿಟನ್‌ ಅಧಿಕಾರಿಗಳು ಹೇಳಿದ್ದಾರೆ.

ಆದರೆ ರಷ್ಯಾ, ಬೆಲಾರಸ್‌ ಹಾಗೂ ಮ್ಯಾನ್ಮಾರ್‌ನ ನಾಯಕರಿಗೆ ಆಹ್ವಾನ ಕಳಿಸಲಾಗಿಲ್ಲ.‌

ಅಂತ್ಯಕ್ರಿಯೆಗೆ, ತಮ್ಮ ಪತ್ನಿ ಜಿಲ್‌ ಬೈಡೆನ್‌ರೊಂದಿಗೆ ತೆರಳುವುದಾಗಿ ಅಮೆರಿಕ ಅಧ್ಯಕ್ಷ ಜೋ ಬೈಡೆನ್‌ ಈ ಮೊದಲೇ ಘೋಷಿಸಿದ್ದರು. ಆಸ್ಟ್ರೇಲಿಯಾ, ನ್ಯೂಜಿಲೆಂಡ್‌ ಕೆನಡಾ ದೇಶದ ಗಣ್ಯರು ಸೇರಿದಂತೆ ಕಾಮನ್‌ವೆಲ್ತ್‌ ದೇಶಗಳ ಗಣ್ಯರು ಆಗಮಿಸುವ ನಿರೀಕ್ಷೆ ಇದೆ.

ಫ್ರಾನ್ಸ್‌ನ ಎಮ್ಯಾನುಯೆಲ್ ಮ್ಯಾಕ್ರನ್, ಜರ್ಮನಿಯ ಫ್ರಾಂಕ್ ವಾಲ್ಟರ್ ಸ್ಟೈನ್‌ಮೈರ್‌, ಇಟಲಿಯ ಸೆರ್ಗಿಯೋ ಮಟ್ಟರೆಲ್ಲಾ, ಟರ್ಕಿಯ ರೆಸೆಪ್ ತಯ್ಯಿಪ್ ಎರ್ಡೊಗನ್ ಮತ್ತು ಬ್ರೆಜಿಲ್‌ನ ಜೈರ್ ಬೋಲ್ಸನಾರೊ ಅಂತ್ಯಕ್ರಿಯೆಯಲ್ಲಿ ಭಾಗವಹಿಸಲಿದ್ದಾರೆ.

ಜಪಾನ್‌ನ ಚಕ್ರವರ್ತಿ ನರುಹಿಟೊ ಮತ್ತು ಸ್ಪೇನ್‌ನ ರಾಜ 4ನೇ ಫಿಲಿಪ‍್‌ ಮತ್ತು ರಾಣಿ ಲೆಟಿಜಿಯಾ, ಸ್ಪ್ಯಾನಿಷ್ ಮಾಜಿ ದೊರೆ 1ನೇ ಜುವಾನ್ ಕಾರ್ಲೋಸ್ ಮತ್ತು ರಾಣಿ ಸೋಫಿಯಾ ಕೂಡ ಭಾಗವಹಿಸಲಿದ್ದಾರೆ.

 

 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು