ವಾಷಿಂಗ್ಟನ್: ಭಾರತದಲ್ಲಿ ಅಮೆರಿಕದ ರಾಜತಾಂತ್ರಿಕ ಅಧಿಕಾರಿಯಾಗಿ ಸೇವೆ ಸಲ್ಲಿಸಿರುವ ವಕೀಲ ರಿಚರ್ಡ್ ವರ್ಮಾ ಅವರನ್ನು ತಮ್ಮ ಗುಪ್ತಚರ ಸಲಹಾ ಮಂಡಳಿಯ ಸದಸ್ಯರನ್ನಾಗಿ ನೇಮಿಸಿಕೊಳ್ಳುವ ಇಂಗಿತವನ್ನು ಅಮೆರಿಕ ಅಧ್ಯಕ್ಷ ಜೋ ಬೈಡನ್ ವ್ಯಕ್ತಪಡಿಸಿದ್ದಾರೆ.
53 ವರ್ಷದ ವರ್ಮಾ ಅವರು ಸದ್ಯ ಜನರಲ್ ಕೌನ್ಸೆಲ್ (ವಕೀಲರು) ಆಗಿದ್ದು, ‘ಮಾಸ್ಟರ್ ಕಾರ್ಡ್‌’ಗಾಗಿ ಗ್ಲೋಬಲ್ ಪಾಲಿಸಿಯ ಮುಖ್ಯಸ್ಥರಾಗಿದ್ದಾರೆ. ಡೆಮಾಕ್ರಟಿಕ್ ಪಕ್ಷದ ಸದಸ್ಯರೂ ಆಗಿರುವ ಅವರು, 2014-17ರವರೆಗೆ ಭಾರತದಲ್ಲಿ ಅಮೆರಿಕದ ರಾಜತಾಂತ್ರಿಕ ಅಧಿಕಾರಿಯಾಗಿ ಸೇವೆ ಸಲ್ಲಿಸಿದ್ದರು.
