ಮಾಸ್ಕೊ: ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಮತ್ತು ಜರ್ಮನಿ ಚಾನ್ಸೆಲರ್‌ ಓಲಾಫ್‌ ಸ್ಕೋಲ್ಜ್ ಅವರು ಉಕ್ರೇನ್‌ಗೆ ಹೆಚ್ಚಿನ ಶಸ್ತ್ರಾಸ್ತ್ರಗಳ ಪೂರೈಕೆ ಮಾಡಲು ಮುಂದಾಗಿರುವುದಕ್ಕೆ ರಷ್ಯಾ ಆಕ್ಷೇಪ ವ್ಯಕ್ತಪಡಿಸಿದೆ.
‘ಶಸ್ತ್ರಾಸ್ತ್ರ ವಿತರಣೆಯೂ ದೇಶಗಳ ಆರ್ಥಿಕತೆಯ ಮೇಲೆ ಗಮನಾರ್ಹವಾದ ಹೊರೆಯುಂಟು ಮಾಡುತ್ತದೆ ಮತ್ತು ಜರ್ಮನಿ ಸೇರಿದಂತೆ ಈ ದೇಶಗಳ ನಾಗರಿಕರ ಯೋಗಕ್ಷೇಮದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ‘ ಎಂದು ರಷ್ಯಾದ ವಕ್ತಾರ ಡಿಮಿಟ್ರಿ ಪೆಸ್ಕೋವ್ ತಿಳಿಸಿದ್ದಾರೆ.
‘ಇದು ಸಂಘರ್ಷವನ್ನು ಹೆಚ್ಚಿಸುವುದರ ಜತೆಗೆ ಉಕ್ರೇನ್‌ ಜನರಿಗೆ ದುಃಖದ ಪರಿಣಾಮಗಳನ್ನು ಉಂಟುಮಾಡುತ್ತದೆ ಎಂಬುದು ಸ್ಪಷ್ಟವಾಗಿದೆ’ ಎಂದು ಡಿಮಿಟ್ರಿ ಎಚ್ಚರಿಸಿದ್ದಾರೆ.
