ಲಂಡನ್‌: ಬ್ರಿಟನ್‌ ನೂತನ ಪ್ರಧಾನಿ ರಿಷಿ ಸುನಕ್‌ ಮತ್ತು ಅವರ ಕುಟುಂಬವು 10 ಡೌನಿಂಗ್ ಸ್ಟ್ರೀಟ್‌ ನಿವಾಸಕ್ಕೆ ಬದಲು ಈ ಮೊದಲಿನ ತಮ್ಮ ಸಣ್ಣ ಫ್ಲಾಟ್‌ಗೆ ಮರಳಲಿದೆ ಎಂದು ವಕ್ತಾರರು ತಿಳಿಸಿದ್ದಾರೆ.
ಮಾಜಿ ಪ್ರಧಾನಿ ಬೋರಿಸ್‌ ಜಾನ್ಸನ್‌ ಅವರಿಗೆ ಚಾನ್ಸಲರ್‌ ಆಗಿದ್ದ ಸಂದರ್ಭದಲ್ಲಿ ಸುನಕ್‌, ಅವರ ಪತ್ನಿ ಅಕ್ಷತಾ ಮೂರ್ತಿಮತ್ತು ಅವರ ಇಬ್ಬರು ಮಕ್ಕಳು ಇದೇ ನಿವಾಸದಲ್ಲಿ ವಾಸಿಸುತ್ತಿದ್ದರು. ಈ ನಿವಾಸ ಅವರಿಗೆ ಇಷ್ಟವಾಗಿದ್ದು ಅವರ ಕುಟುಂಬ ಇಲ್ಲಿ ಬಹಳ ಸಂತಸದಿಂದಿತ್ತು ಎಂದು ಡೌನಿಂಗ್ ಸ್ಟ್ರೀಟ್‌ ವಕ್ತಾರೆ ತಿಳಿಸಿದ್ದಾರೆ.
ನಂ. 10 ಡೌನಿಂಗ್ ಸ್ಟ್ರೀಟ್‌ 1735ರಿಂದ ಬ್ರಿಟನ್‌ ಪ್ರಧಾನಿಗಳ ನಿವಾಸವಾಗಿತ್ತು. ಪ್ರಧಾನಿಗಳ ಅಧಿಕೃತ ನಿವಾಸವಾಗಿ, ಕಚೇರಿಯಾಗಿ ಮತ್ತು ವಿಶ್ವದಾದ್ಯಂತ ಆಗಮಿಸುವ ನಾಯಕ ಆತಿಥ್ಯಕ್ಕಾಗಿ ಇದು ಬಳಕೆಯಾಗುತ್ತಿದೆ.
