ವಾಷಿಂಗ್ಟನ್(ಪಿಟಿಐ): ತನ್ನ ಉಳಿವಿಗಾಗಿ ಅಣ್ವಸ್ತ್ರಗಳ ಅಗತ್ಯವಿದೆ ಎಂದು ಭಾವಿಸಿರುವ ಪಾಕಿಸ್ತಾನವು, 2022ರಲ್ಲಿ ಅಣ್ವಸ್ತ್ರಗಳನ್ನು ಆಧುನೀಕರಣಗೊಳಿಸುವ ಮತ್ತು ಹೆಚ್ಚಿಸಿಕೊಳ್ಳುವ ಸಾಧ್ಯತೆಯಿದೆ ಎಂದು ಪೆಂಟಗನ್‌ನ ಹಿರಿಯ ಗುಪ್ತಚರ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
2019ರ ಫೆಬ್ರುವರಿಯಲ್ಲಿ ಕಾಶ್ಮೀರದಲ್ಲಿ ನಡೆದ ಭಯೋತ್ಪಾದಕರ ದಾಳಿಯ ಬಳಿಕ ಭಾರತ ಮತ್ತು ಪಾಕಿಸ್ತಾನದ ಮಧ್ಯೆ ಸಂಘರ್ಷದ ಸ್ಥಿತಿ ಮುಂದುವರಿದಿದೆ.ಭಾರತದ ಜೊತೆಗಿನ ಸಂಘರ್ಷದ ಸ್ಥಿತಿಯಿಂದಾಗಿ ಪಾಕಿಸ್ತಾನವು ಹೆಚ್ಚು ಶಸ್ತ್ರಾಸ್ತ್ರಗಳನ್ನು ಹೊಂದುವುದನ್ನು ಮುಂದುವರಿಸಲಿದೆ ಎಂದುಇತ್ತೀಚೆಗೆ ಸೇನಾ ಸೇವೆಗಳ ಸಮಿತಿಯ ಸದಸ್ಯರಿಗೆ ಭದ್ರತಾ ಗುಪ್ತಚರದ ನಿರ್ದೇಶಕ ಲೆಫ್ಟಿನೆಂಟ್‌ ಜನರಲ್‌ ಸ್ಕಾಟ್ ಬೆರಿಯರ್ ತಿಳಿಸಿದ್ದಾರೆ.
