ವಾಷಿಂಗ್ಟನ್‌ : ಡಿಸೆಂಬರ್ 11ರವರೆಗೆ ಸರ್ಕಾರ ನಡೆಸಲು ನೆರವಾಗುವ ತಾತ್ಕಾಲಿಕ ಧನಸಹಾಯ ಮಸೂದೆಗೆ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ಸ ಸಹಿ ಹಾಕಿದ್ದಾರೆ.
ಈ ಮೂಲಕ ಗುರುವಾರದಿಂದ ಹೊಸ ಆರ್ಥಿಕ ವರ್ಷ ಆರಂಭವಾಗಿ, ಸರ್ಕಾರದ ಕಾರ್ಯಚಟುವಟಿಕೆಗಳು ಸ್ಥಗಿತಗೊಳ್ಳುವ ಸಾಧ್ಯತೆಯನ್ನು ತಪ್ಪಿಸಿದಂತಾಗಿದೆ.
ಈ ತಾತ್ಕಾಲಿಕ ಉಭಯ ಪಕ್ಷೀಯ ಧನ ಸಹಾಯ ಮಸೂದೆ ಸೆನೆಟ್‌ನಲ್ಲಿ ಬುಧವಾರ 84–10 ಮತಗಳಿಂದ ಅಂಗೀಕೃತಗೊಂಡಿತ್ತು. ಇದನ್ನು ಅಧ್ಯಕ್ಷ ಟ್ರಂಪ್ ಅವರ ಸಹಿಗಾಗಿ ಕಳುಹಿಸಲಾಗಿತ್ತು. ಮಿನೆಸೊಟಾ ಚುನಾವಣಾ ಪ್ರಚಾರದಲ್ಲಿ ಪಾಲ್ಗೊಂಡಿದ್ದ ಅವರು ತುರ್ತಾಗಿ ವಾಷಿಂಗ್ಟನ್‌ಗೆ ವಾಪಾಸಾಗಿ ಗುರುವಾರ ಮಸೂದೆಗೆ ಸಹಿ ಹಾಕಿದರು.
