ಶುಕ್ರವಾರ, ಆಗಸ್ಟ್ 12, 2022
23 °C

ಮಂಕಿಪಾಕ್ಸ್‌: ಅಮೆರಿಕದಲ್ಲಿ ಆರೋಗ್ಯ ತುರ್ತುಸ್ಥಿತಿ ಘೋಷಣೆಗೆ ಸಿದ್ಧತೆ

ಎಪಿ Updated:

ಅಕ್ಷರ ಗಾತ್ರ : | |

ವಾಷಿಂಗ್ಟನ್: ದೇಶದಲ್ಲಿ ಮಂಕಿ ಪಾಂಕ್ಸ್‌ ರೋಗ ತೀವ್ರಗತಿಯಲ್ಲಿ ಹರಡಿದ್ದು, ಈಗಾಗಲೇ 6,600 ಪ್ರಕರಣಗಳು ವರದಿಯಾಗಿವೆ. ಇದರಿಂದಾಗಿ ದೇಶದಲ್ಲಿ ಸಾರ್ವಜನಿಕ ಆರೋಗ್ಯ ತುರ್ತು ಸ್ಥಿತಿ ಘೋಷಿಸಲು ಅಮೆರಿಕ ಮುಂದಾಗಿದೆ ಎಂದು ಇಬ್ಬರು ವಿಷಯ ತಜ್ಞರು ಹೇಳಿದ್ದಾರೆ.

ಈ ಘೋಷಣೆಯಿಂದ ವೈರಸ್ ವಿರುದ್ಧ ಹೋರಾಡಲು ಹಣ ಮತ್ತು ಇತರೆ ಸಂಪನ್ಮೂಲ ಲಭಿಸಲಿದೆ. ಚಳಿ, ಜ್ವರ, ಮೈ, ಕೈ ನೋವು, ಚರ್ಮದ ಮೇಲೆ ಗುಳ್ಳೆಗಳು, ಆಯಾಸ– ರೋಗದ ಲಕ್ಷಣಗಳಾಗಿವೆ.   

ಮಂಕಿಪಾಕ್ಸ್ ಲಸಿಕೆ ಲಭ್ಯತೆಯ ಬಗ್ಗೆ ಬೈಡನ್‌ ಆಡಳಿತ ಟೀಕೆ ಎದುರಿಸುತ್ತಿರುವ ಕಾರಣ ಈ ಘೋಷಣೆ ಬಂದಿದೆ. ಬೇಡಿಕೆಗೆ ತಕ್ಕಷ್ಟು ಲಸಿಕೆ ಪೂರೈಕೆಯಾಗಿಲ್ಲ ಎಂದು ನ್ಯೂಯಾರ್ಕ್ ಮತ್ತು ಸ್ಯಾನ್ ಫ್ರಾನ್ಸಿಸ್ಕೋದಂತಹ ಪ್ರಮುಖ ನಗರಗಳ ಕ್ಲಿನಿಕ್‌ಗಳು ಹೇಳಿದರೆ, ಮತ್ತೆ ‌‌ಕೆಲವು ಮೊದಲ ಡೋಸ್‌ ಪೂರೈಕೆ ಖಚಿತಪಡಿಸಿಕೊಳ್ಳಲು ಎರಡನೇ ಡೋಸ್ ನೀಡುವುದನ್ನು ನಿಲ್ಲಿಸಿವೆ. 

1.1 ಮಿಲಿಯನ್‌ಗಿಂತಲೂ ಹೆಚ್ಚು ಡೋಸ್‌ ಲಭ್ಯ ಇದೆ. ರೋಗ ನಿರ್ಣಯ ಸಾಮರ್ಥ್ಯವನ್ನು ವಾರಕ್ಕೆ 80 ಸಾವಿರ ಪರೀಕ್ಷೆಗಳಿಗೆ ಹೆಚ್ಚಿಸಲು  ಸಹಾಯ ಮಾಡಲಾಗಿದೆ ಎಂದು ಶ್ವೇತಭವನ ತಿಳಿಸಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು