<p>ಇದು ನೋಡಲು ಟೊಮೇಟೊವನ್ನು ಹೋಲದಿದ್ದರೂ, ರುಚಿ ಮಾತ್ರ ಅಪ್ಪಟ ಟೊಮೇಟೊದಂತೆಯೇ ಇದೆ. ಹೀಗಾಗಿಯೇ ಈ ಹಣ್ಣನ್ನು ಟ್ರೀ ಟೊಮೇಟೊ ಎಂದು ಕರೆಯಲಾಗುತ್ತದೆ.<br /> <br /> ಸೋಲಾನಾಸಿಯೇ ಸಸ್ಯ ಕುಟುಂಬಕ್ಕೆ ಸೇರಿದ ಇದರ ವೈಜ್ಞಾನಿಕ ಹೆಸರು ಸೋಲಾನಿಯ ಬಿಟಾಸಿಯಾ. ಪೆರು, ಚಿಲಿ, ಈಕ್ವೆಡಾರ್, ಕೊಲಂಬಿಯಾ, ಬೊಲಿವಿಯಾ ದೇಶಗಳಲ್ಲಿ ವಾಣಿಜ್ಯ ಉದ್ದೇಶಕ್ಕಾಗಿ ಹೆಚ್ಚಾಗಿ ಬೆಳೆಯುತ್ತಾರೆ. ಈಗೀಗ ಮಲೆನಾಡಿನ ಕಾಫಿ ತೋಟಗಳಲ್ಲಿಯೂ ಕಂಡು ಬರುತ್ತದೆ. <br /> <br /> ಏಳೆಂಟು ಅಡಿಗಳ ಪೊದೆಯಾಕಾರದ ಮರದ ತುಂಬಾ ಬಿಡುವ ಹಳದಿ, ಕೆಂಪು ಟೊಮೇಟೊಗಳು ಮೊಟ್ಟೆ ಆಕಾರದಲ್ಲಿ ಇರುತ್ತವೆ. ಎಲ್ಲಾ ಬಗೆಯ ಮಣ್ಣಿಗೂ ಹವಾಮಾನಕ್ಕೂ ಹೊಂದಿಕೊಂಡು ಬೆಳೆಯುತ್ತವೆ.<br /> <br /> ಸಸಿ ನೆಟ್ಟ ಒಂದು ವರ್ಷದ ನಂತರ ಫಲ ನೀಡಲಾರಂಭಿಸುತ್ತದೆ. ಬಿಳಿ, ಗುಲಾಬಿ ಬಣ್ಣದ ಹೂ ಸಹ ಆಕರ್ಷಕವಾಗಿರುತ್ತವೆ. ಹೆಚ್ಚಿನ ಆರೈಕೆಯೇನೂ ಬೇಕಿಲ್ಲ. ಕೀಟ- ರೋಗದ ಬಾಧೆ ಕಡಿಮೆ. <br /> <br /> ಹಣ್ಣುಗಳು ಹಕ್ಕಿಗಳನ್ನು ಬಹುವಾಗಿ ಸೆಳೆಯುತ್ತವೆ. ಸಹಜವಾಗಿ ಹಕ್ಕಿಗಳಿಂದಲೇ ಬೀಜ ಪ್ರಸಾರವಾಗುವುದರಿಂದ ತೋಟದ ತುಂಬೆಲ್ಲಾ ಗಿಡಗಳು ಹುಟ್ಟುತ್ತವೆ. ಗಾತ್ರದಲ್ಲಿ ಚಿಕ್ಕದಾದರೂ ಸಾಧಾರಣ ಟೊಮೇಟೊಗಿಂತ ಇದರಲ್ಲಿ ತಿರುಳು, ಬೀಜಗಳು ಹೆಚ್ಚು. ಇದು ವಿಟಮಿನ್ ಎ, ಸಿ, ಕ್ಯಾಲ್ಷಿಯಂ, ಕಬ್ಬಿಣ, ಮೆಗ್ನೇಷಿಯಂ ಸತ್ವಗಳನ್ನು ಹೊಂದಿದೆ. <br /> <br /> ವಿದೇಶಗಳಲ್ಲಿ ಟ್ರೀ ಟೊಮೇಟೊ ಕತ್ತರಿಸಿ ಉಪ್ಪು, ಕಾಳುಮೆಣಸಿನ ಪುಡಿ ಉದುರಿಸಿ, ತಿರುಳನ್ನು ಮುಂಜಾವಿನ ಉಪಹಾರಕ್ಕೆ ಬಳಸುತ್ತಾರೆ. ಪ್ಯೂರಿ ತಯಾರಿಕೆಯಲ್ಲೂ ಬಳಕೆಯಾಗುತ್ತದೆ. <br /> <br /> ಪಾನೀಯ, ಸಾಂಬಾರು, ಚಟ್ನಿ, ಸಲಾಡ್, ಉಪ್ಪಿನಕಾಯಿ ತಯಾರಿಸಬಹುದು. ಆಹಾರ ಪದಾರ್ಥಗಳು ಹೆಚ್ಚು ದಿನ ಕೆಡದಂತೆ ಇಡಲು ಇದರ ಅಂಶವನ್ನು ಉಪಯೋಗಿಸುತ್ತಾರೆ. <br /> <br /> ಎಲ್ಲಕ್ಕಿಂತ ಹೆಚ್ಚಾಗಿ ಸದಾ ಹಕ್ಕಿಗಳಿಂದ ಕೂಡಿರುವ ಟ್ರೀ ಟೊಮೇಟೊ ಗಿಡ ಕೈತೋಟಕ್ಕೆ ವಿಶೇಷ ಕಳೆ ನೀಡುತ್ತದೆ. ಇದರ ಬಿತ್ತನೆ ಬೀಜಗಳಿಗಾಗಿ ಸಿ. ಜಯರಾಂ ಅವರನ್ನು 94487 92731 ಸಂಪರ್ಕಿಸಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಇದು ನೋಡಲು ಟೊಮೇಟೊವನ್ನು ಹೋಲದಿದ್ದರೂ, ರುಚಿ ಮಾತ್ರ ಅಪ್ಪಟ ಟೊಮೇಟೊದಂತೆಯೇ ಇದೆ. ಹೀಗಾಗಿಯೇ ಈ ಹಣ್ಣನ್ನು ಟ್ರೀ ಟೊಮೇಟೊ ಎಂದು ಕರೆಯಲಾಗುತ್ತದೆ.<br /> <br /> ಸೋಲಾನಾಸಿಯೇ ಸಸ್ಯ ಕುಟುಂಬಕ್ಕೆ ಸೇರಿದ ಇದರ ವೈಜ್ಞಾನಿಕ ಹೆಸರು ಸೋಲಾನಿಯ ಬಿಟಾಸಿಯಾ. ಪೆರು, ಚಿಲಿ, ಈಕ್ವೆಡಾರ್, ಕೊಲಂಬಿಯಾ, ಬೊಲಿವಿಯಾ ದೇಶಗಳಲ್ಲಿ ವಾಣಿಜ್ಯ ಉದ್ದೇಶಕ್ಕಾಗಿ ಹೆಚ್ಚಾಗಿ ಬೆಳೆಯುತ್ತಾರೆ. ಈಗೀಗ ಮಲೆನಾಡಿನ ಕಾಫಿ ತೋಟಗಳಲ್ಲಿಯೂ ಕಂಡು ಬರುತ್ತದೆ. <br /> <br /> ಏಳೆಂಟು ಅಡಿಗಳ ಪೊದೆಯಾಕಾರದ ಮರದ ತುಂಬಾ ಬಿಡುವ ಹಳದಿ, ಕೆಂಪು ಟೊಮೇಟೊಗಳು ಮೊಟ್ಟೆ ಆಕಾರದಲ್ಲಿ ಇರುತ್ತವೆ. ಎಲ್ಲಾ ಬಗೆಯ ಮಣ್ಣಿಗೂ ಹವಾಮಾನಕ್ಕೂ ಹೊಂದಿಕೊಂಡು ಬೆಳೆಯುತ್ತವೆ.<br /> <br /> ಸಸಿ ನೆಟ್ಟ ಒಂದು ವರ್ಷದ ನಂತರ ಫಲ ನೀಡಲಾರಂಭಿಸುತ್ತದೆ. ಬಿಳಿ, ಗುಲಾಬಿ ಬಣ್ಣದ ಹೂ ಸಹ ಆಕರ್ಷಕವಾಗಿರುತ್ತವೆ. ಹೆಚ್ಚಿನ ಆರೈಕೆಯೇನೂ ಬೇಕಿಲ್ಲ. ಕೀಟ- ರೋಗದ ಬಾಧೆ ಕಡಿಮೆ. <br /> <br /> ಹಣ್ಣುಗಳು ಹಕ್ಕಿಗಳನ್ನು ಬಹುವಾಗಿ ಸೆಳೆಯುತ್ತವೆ. ಸಹಜವಾಗಿ ಹಕ್ಕಿಗಳಿಂದಲೇ ಬೀಜ ಪ್ರಸಾರವಾಗುವುದರಿಂದ ತೋಟದ ತುಂಬೆಲ್ಲಾ ಗಿಡಗಳು ಹುಟ್ಟುತ್ತವೆ. ಗಾತ್ರದಲ್ಲಿ ಚಿಕ್ಕದಾದರೂ ಸಾಧಾರಣ ಟೊಮೇಟೊಗಿಂತ ಇದರಲ್ಲಿ ತಿರುಳು, ಬೀಜಗಳು ಹೆಚ್ಚು. ಇದು ವಿಟಮಿನ್ ಎ, ಸಿ, ಕ್ಯಾಲ್ಷಿಯಂ, ಕಬ್ಬಿಣ, ಮೆಗ್ನೇಷಿಯಂ ಸತ್ವಗಳನ್ನು ಹೊಂದಿದೆ. <br /> <br /> ವಿದೇಶಗಳಲ್ಲಿ ಟ್ರೀ ಟೊಮೇಟೊ ಕತ್ತರಿಸಿ ಉಪ್ಪು, ಕಾಳುಮೆಣಸಿನ ಪುಡಿ ಉದುರಿಸಿ, ತಿರುಳನ್ನು ಮುಂಜಾವಿನ ಉಪಹಾರಕ್ಕೆ ಬಳಸುತ್ತಾರೆ. ಪ್ಯೂರಿ ತಯಾರಿಕೆಯಲ್ಲೂ ಬಳಕೆಯಾಗುತ್ತದೆ. <br /> <br /> ಪಾನೀಯ, ಸಾಂಬಾರು, ಚಟ್ನಿ, ಸಲಾಡ್, ಉಪ್ಪಿನಕಾಯಿ ತಯಾರಿಸಬಹುದು. ಆಹಾರ ಪದಾರ್ಥಗಳು ಹೆಚ್ಚು ದಿನ ಕೆಡದಂತೆ ಇಡಲು ಇದರ ಅಂಶವನ್ನು ಉಪಯೋಗಿಸುತ್ತಾರೆ. <br /> <br /> ಎಲ್ಲಕ್ಕಿಂತ ಹೆಚ್ಚಾಗಿ ಸದಾ ಹಕ್ಕಿಗಳಿಂದ ಕೂಡಿರುವ ಟ್ರೀ ಟೊಮೇಟೊ ಗಿಡ ಕೈತೋಟಕ್ಕೆ ವಿಶೇಷ ಕಳೆ ನೀಡುತ್ತದೆ. ಇದರ ಬಿತ್ತನೆ ಬೀಜಗಳಿಗಾಗಿ ಸಿ. ಜಯರಾಂ ಅವರನ್ನು 94487 92731 ಸಂಪರ್ಕಿಸಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
