ನೀನು ಹೋದ ಮೇಲೆ ಹೂವು ಪರಿಮಳ ಕಳೆದುಕೊಂಡಿದೆ
ಕೊಯ್ದ ಭತ್ತ ಹೊಲದಲ್ಲಿಯೇ ಬಿದ್ದಿದೆ ರಾಗಿಯೂ
ಸಮಾವೇಶಕ್ಕೆ ಬಂದಿರುವವರು
ಪ್ಲಾಸ್ಟಿಕ್ ಪಾಕೇಟಿನ ರೈಸಿಗಾಗಿ ಸಾಯುತ್ತಿದ್ದಾರೆ
ಒಬ್ಬರ ಮೇಲೆ ಬಿದ್ದು
ಊರು ಬಿಕೋ ಎನ್ನುತ್ತಿದೆ ಸ್ಮಶಾನವಾಗಿ
ಬದಲಾವಣೆಯಾಗುತ್ತಿರುವುದ ನೋಡುತ್ತಿವೆ ನಾಯಿಗಳು
ನಿನಗೆ ಬರೆದ ಸಾಲುಗಳ ಕದ್ದು
ಹೆಸರ ಬದಲಾಯಿಸಿಕೊಂಡಿದ್ದಾರೆ
ಹೂವು ಅರಳುವುದೇ ಈ ಮರದಲ್ಲಿ
ಹೆದ್ದಾರಿಯೋ ಅಥವಾ ಶಾಪಿಂಗ್ ಮಾಲೋ ಅದನ್ನು ನುಂಗಬಹುದು