<div> ‘ಏಯ್’<div> ‘ಏನ್?’</div><div> </div><div> ‘ನಾವ್ ಹಕ್ಕಿಯಾಗಿದ್ರೆಷ್ಟ್ ಚೆನಾಗಿರ್ತಿತ್ತು ಅನ್ಸಲ್ವಾ?’</div><div> ‘ಯಾಕೆ ನಾವೂ ಆಕಾಶದಲಿ ಹಾರಬೋದೂಂತನಾ?’ </div><div> ‘ಅಲ್ವಾ? ಹಾರುತ್ತಾ... ಹಾರುತ್ತಾ... ಹಾರುತ್ತಾ’</div><div> </div><div> ‘ಕೊನೆಗಾದ್ರೂ ಎಲ್ಲಾದ್ರೂ ಇಳೀಬೇಕಲ್ವಾ?’</div><div> ‘ಯಾರೂ ಕಂಡಿರ್ದ, ಕೇಳಿರ್ದ, ನೋಡಿರ್ದ ನಿಗೂಢ ಜಾಗದಲ್ಲಿ, ನಾನೂ ನೀನೂ ಇಬ್ರೇ’.</div><div> </div><div> ‘ಇಳಿದ್ಮೇಲೇನ್ ಮಾಡೋದ್? ಊಟಕ್ಕೇ?’</div><div> ‘ಊಟಯಿಲ್ದೇ ನಿಂಗ್ ಬದ್ಕೋಕಾಗೋದಿಲ್ವೇನ್?’</div><div> ‘ನೀ ಬದ್ಕುತೀಯೇನ್?’</div><div> ‘ಏನೋ ಒಂದಪಾ... ಅಲ್ಲೇನಿರುತ್ತೋ ಅದನ್ನ್ ತಿನ್ನೋದ್! ಹಣ್ಣು ಹಂಪಲು... ಜೊತ್ಗೆ ನೀ ಇರಬೇಕಾದ್ರೆ ಅವೆಲ್ಲಾ ಏನ್ ಮಹಾ?’</div><div> ‘ಒಳ್ಳೇ ಕಾಡ್ ಮನುಷ್ಯರಂಗೆ! ಬ್ಯಾಕ್ ಟು ಸ್ಟೋನ್ ಏಜ್!’</div><div> </div><div> ‘ಹಣ್ಣ್ ತಿನ್ನೋರೆಲ್ಲಾ ಸ್ಟೋನ್ ಏಜವ್ರಾ?’</div><div> ‘ಹಾಗೆಲ್ಲೆಂದೆ? ಬದುಕೋಕ್ಕೇನ್ ದುಡ್ಡ್ ಬೇಡ್ವಾ?’</div><div> ‘ಅಯ್ಯೋ, ನಿಮ್ಮನೇಲಿರೋದ್ ನೀ ಎತ್ತಾಕ್ಕೊಂಬಾ. ನಮ್ಮನೇಲಿರೋದ್ ನಾನು!’</div><div> </div><div> ‘ವಾರಕ್ಕೆ ಇಪ್ಪತ್ತನಾಲ್ಕ್ ಸಾವ್ರವಷ್ಟೇ. ಹಾರಕ್ಕೇನ್ ವಿಂಗ್ಸ್ ಇದ್ಯಾ?’ </div><div> ‘ಒಂದ್ ಏರೋಪ್ಲೇನ್ ಹತ್ತ್ಬಿಡೋಣ. ಸುಯ್ಯ...ಂತಾ..’</div><div> </div><div> ‘ಯಾರ್ದು? ನಿಮ್ಮಜ್ಜಂದಾ?’</div><div> ‘ಕಿಂಗ್ಫಿಷರ್ರೇ ಮುಳುಗೋದ್ ಮೇಲ್ ನಮ್ಮಜ್ಜನ್ ಕತೆಯೇನ್ ಬಿಡು... ಬದುಕ್ ಪೂರಾ ಬೀದಿ ಗುಡ್ಸ್ದಾ..! ಏರೋಪ್ಲೇನಿಲ್ಲಾಂದ್ರೆ ಶಿಪ್ನಲ್ಲಿ?’</div><div> ‘ಮುಂದಿನ್ ಜನ್ಮಕ್ಕ್ ತಲ್ಪತೀವಿ‘.</div><div> ’ಸೋ ನೈಸ್. ಶಿಪ್ನಲ್ ಕೂತ್ ಮುಂದಿನ್ ಜನ್ಮದ್ವರ್ಗೂ ನೀರ್ನಲ್ಲಿ ತೇಲ್ತಾ...’</div><div> </div><div> ‘ಮುಂದಿನ್ ಜನ್ಮದಲ್ಲಾದ್ರೂ ದಡ ಸೇರ್ತೀವಾ?’</div><div> ‘ಏಯ್ ಕಟುಕಿ, ಯಾಕ್ ಕನಸ್ನ ರೆಕ್ಕೆ ಕತ್ತರ್ಸ್ತಾ ಇರ್ತ್ತೀಯಾ’.</div><div> </div><div> ‘ನಾಯೆಲ್ಲಿ ಕತ್ತರಿ ಹಿಡ್ಕಂಡಿದೀನಿ?’</div><div> ‘ಆಕಾಶ ಕಾಣಿಸ್ತಾಯಿದೀಯಾ?’</div><div> ‘ಯಾಕೆ ಭೂಮಿ ಬೇಜಾರಾಯ್ತಾ?’</div><div> ‘ಒಂದ್ ದಿನ ಆಕಾಶಕ್ಕೋಗಿ ಅಲ್ಲೊಂದ್ ಚಿಕ್ಕ ಮನೆ ಮಾಡ್ಕಂಡ್ ಬದ್ಕಬೇಕೂಂತ್ ಅನ್ಸೋಲ್ವಾ?’</div><div> ‘ಅಲ್ಲಿಂದ್ ಭೂಮಿ ಸುಂದರವಾಗಿ ಕಾಣ್ತ್ತಾ?’</div><div> ‘ಎತ್ರ, ಎತ್ರ, ಆಕಾಶ ಕೈಗೆಟುಕೊಷ್ಟ್ ಎತ್ರಕ್ಕೇರಿ, ಮೋಡಗಳ್ನೆಲ್ಲಾ ಅಗ್ದ್, ಮಳೆ ನೀರ್ನ್ನೆಲ್ಲಾ ಹಿಂಡಿ, ಹಾಸುಗಲ್ಲಾಗ್ ಹಾಸಿ, ಮಲ್ಗೆ ಮಂಟಪ ಕಟ್ಟಿ, ಬದೀಲಿ ಮಲ್ಗೆ ಬಳ್ಳಿ ಹಬ್ಸಿ, ಜೋಕಾಲೀಲಿ ಜೀಕಿಕೊಳ್ಳುತ್ತಾ... ಜೀಕಿಕೊಳ್ಳುತ್ತಾ ಕೆಳ್ಗ್ ನೋಡೋ ಹಂಗಿದ್ರೇ?’</div><div> ‘ಒಂದಷ್ಟ್ ಮಂತ್ರಾಕ್ಷತೆ ಇಲ್ಲಿಂದ್ಲೇ ಕಲ್ಸಿಕೊಂಡ್ ಹೋಗೋಣ’.</div><div> ‘ಯಾಕೆ?’</div><div> </div><div> ‘ಭೂಮಿ ಸುಂದರವಾಗ್ ಬಾಳ್ಲೀಂತಾ ಮೇಲಿಂದಾ ಮಂತ್ರಾಕ್ಷತೆ ಪ್ರೋಕ್ಷಿಸೋಣ’.</div><div> ‘ಥತ್! ಕನಸ್ ಹುಟ್ದ ತಲೆಯೊಳಗ್ ಕನಸು ಇಳಿಬಿಡ್ತಿದೀನಿ ನೋಡು.!’</div><div> ‘ಆಮೇಲೆ ಚಂದಿರ ಕೋಪಿಸಿಕೊಂಡಾನ್!’</div><div> ‘ಯಾಕೆ?’</div><div> </div><div> ‘ಅವನ್ ಕನಸ್ನ ನೀನ್ ಕಸಿದುಕೊಂಡೇಂತಾ!’</div><div> ‘ಅರ್ಥವಾಗಲಿಲ್ಲ’.</div><div> ‘ಚಂದಿರ್ನ ಅಂಗಳದಲ್ಲಿಳಿದ್ ಅವ್ನ್ ಬೆನ್ನಿನ ದಿಣ್ಣೆ, ದಿಬ್ಬಗಳ್ನೆಲ್ಲಾ ಏರ್ದ್ ಮೇಲೆ ಕನಸು ಉಳಿದಿರುತ್ತೇನ್?’</div><div> ‘ಒಂದ್ ಕೆಲ್ಸಾ ಮಾಡೋಣ. ಕನಸ್ನ ಒಂದ್ ಗಾಳೀಪಟದಲ್ ಕಟ್ಟಿ ಹಾರ್ಸೋಣ!’</div><div> ‘ಎಲ್ಲಿ? ಕೆಳ್ಗೆ ನೆಲಕ್ಕಾ?’</div><div> </div><div> ‘ಇಲ್ಲಾ ಬೇಡಾ! ಒಂದ್ ಪ್ಲಾಸ್ಟಿಕ್ ಚೀಲದಲ್ ಸುತ್ತಿ ಕಪಾಟಿನಲ್ ಬಚ್ಚಿಡೋಣ!’</div><div> ‘ಪ್ಲಾಸ್ಟಿಕ್ ಬಿಟ್ಟ್ ಬೇರೆ ಸಿಗಲ್ವಾ? ಅದೆಂದೋ ಬ್ಯಾನ್ ಆಗಿದೆ!’ </div><div> ‘ಸಮುದ್ರದ ಉಸುಕಿನೊಳ್ಗ್ ಹುಗಿದಿಡೋಣ!’</div><div> ‘ಸಮುದ್ರದಬ್ಬರ ಗೊತ್ತಿಲ್ವೇ? ಅಲೆಯುಕ್ಕಿ ಒಂದೇ ಹೊಡೆತಕ್ಕ್ ಕುರುಹಿಲ್ಲದಂಗ್ ಎಲ್ಲವೂ ಕೊಚ್ಚಿಕೊಂಡ್ ಹೋಗುತ್ತೆ!’</div><div> ‘ಮರದ್ ಪೊಟರೆಯೊಳ್ಗ್ ಅಡಗಿಸಿಡೋಣ’.</div><div> </div><div> ‘ಮರದ್ ಸ್ಥಿತಿ ತಿಳ್ಯದೇ? ರಸ್ತೆ ಅಗಲೀಕರಣದಲಿ ಮರ ಉರುಳಿಹೋಗುತ್ತೆ!’</div><div> ‘ಬಂಡೆ ಕೊರೆದ್ ತೂತಿನಲ್ಲ್ ಮುಚ್ಚಿಡೋಣ!’</div><div> ‘ರಿಯಲ್ ಎಸ್ಟೇಟ್ ಕಾಳದಂಧೆ ಗೊತ್ತಿಲ್ವೇ? ಬಂಡೆಗಳೆಲ್ಲಾ ಸಿಡಿದ್ ಹೋಳುಗಳಾಗುತ್ತೆ!’</div><div> ‘ನೆಲದೊಳಗ್ ಹುಗಿದಿಡೋಣ..!’</div><div> </div><div> ‘ನೆಲವೇ? ಭೂಕಂಪ ಬಂದ್ ನೆಲ ಬಿರುಕುಬಿಡುತ್ತೆ!’</div><div> ‘ಭಾಷೆ ಕೊಡ್, ಕನಸ್ನ ಕೈ ಬಿಡೋದಿಲ್ಲಾಂತಾ!’</div><div> ‘ಯಾವ್ ಭಾಷೆ? ಆಡು ಭಾಷೆಯೇ, ಮನೆ ಭಾಷೆಯೇ, ಊರ ಭಾಷೆಯೇ? ಭಾಷೆಯೂ ಸುಭದ್ರವಲ್ಲ!’</div><div> ‘ಆಣೆ ಮಾಡ್, ನಾ ನಿನ್ನ್ ಕನಸ್ ಜೊತ್ಗೇ ಬಾಳ್ವೇಂತಾ!’</div><div> ‘ಎಲ್ಲಿಯ ಆಣೆ? ಆಣೆ ಮಾಡಲು ದುಡ್ಡೂ ಅಪಮೌಲ್ಯವಾಗಿದೆ!’</div><div> ‘ಹಾಗಾದ್ರೇ ಕನಸ್ನ ಹಾರ್ಬಿಡೋಣವೇ? ಬೇಕಾದ್ದು ಬೇಕಾದವ್ರು ಎತ್ತಿಕೊಳ್ಳಲಿ!’</div><div> ‘ಕನಸೇ? ಮೊದಲದ್ನ ಹುಡುಕ್ಕೊಂಡು ಬಾ! ಆಮೇಲೆ ನೋಡೋಣ’.</div></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<div> ‘ಏಯ್’<div> ‘ಏನ್?’</div><div> </div><div> ‘ನಾವ್ ಹಕ್ಕಿಯಾಗಿದ್ರೆಷ್ಟ್ ಚೆನಾಗಿರ್ತಿತ್ತು ಅನ್ಸಲ್ವಾ?’</div><div> ‘ಯಾಕೆ ನಾವೂ ಆಕಾಶದಲಿ ಹಾರಬೋದೂಂತನಾ?’ </div><div> ‘ಅಲ್ವಾ? ಹಾರುತ್ತಾ... ಹಾರುತ್ತಾ... ಹಾರುತ್ತಾ’</div><div> </div><div> ‘ಕೊನೆಗಾದ್ರೂ ಎಲ್ಲಾದ್ರೂ ಇಳೀಬೇಕಲ್ವಾ?’</div><div> ‘ಯಾರೂ ಕಂಡಿರ್ದ, ಕೇಳಿರ್ದ, ನೋಡಿರ್ದ ನಿಗೂಢ ಜಾಗದಲ್ಲಿ, ನಾನೂ ನೀನೂ ಇಬ್ರೇ’.</div><div> </div><div> ‘ಇಳಿದ್ಮೇಲೇನ್ ಮಾಡೋದ್? ಊಟಕ್ಕೇ?’</div><div> ‘ಊಟಯಿಲ್ದೇ ನಿಂಗ್ ಬದ್ಕೋಕಾಗೋದಿಲ್ವೇನ್?’</div><div> ‘ನೀ ಬದ್ಕುತೀಯೇನ್?’</div><div> ‘ಏನೋ ಒಂದಪಾ... ಅಲ್ಲೇನಿರುತ್ತೋ ಅದನ್ನ್ ತಿನ್ನೋದ್! ಹಣ್ಣು ಹಂಪಲು... ಜೊತ್ಗೆ ನೀ ಇರಬೇಕಾದ್ರೆ ಅವೆಲ್ಲಾ ಏನ್ ಮಹಾ?’</div><div> ‘ಒಳ್ಳೇ ಕಾಡ್ ಮನುಷ್ಯರಂಗೆ! ಬ್ಯಾಕ್ ಟು ಸ್ಟೋನ್ ಏಜ್!’</div><div> </div><div> ‘ಹಣ್ಣ್ ತಿನ್ನೋರೆಲ್ಲಾ ಸ್ಟೋನ್ ಏಜವ್ರಾ?’</div><div> ‘ಹಾಗೆಲ್ಲೆಂದೆ? ಬದುಕೋಕ್ಕೇನ್ ದುಡ್ಡ್ ಬೇಡ್ವಾ?’</div><div> ‘ಅಯ್ಯೋ, ನಿಮ್ಮನೇಲಿರೋದ್ ನೀ ಎತ್ತಾಕ್ಕೊಂಬಾ. ನಮ್ಮನೇಲಿರೋದ್ ನಾನು!’</div><div> </div><div> ‘ವಾರಕ್ಕೆ ಇಪ್ಪತ್ತನಾಲ್ಕ್ ಸಾವ್ರವಷ್ಟೇ. ಹಾರಕ್ಕೇನ್ ವಿಂಗ್ಸ್ ಇದ್ಯಾ?’ </div><div> ‘ಒಂದ್ ಏರೋಪ್ಲೇನ್ ಹತ್ತ್ಬಿಡೋಣ. ಸುಯ್ಯ...ಂತಾ..’</div><div> </div><div> ‘ಯಾರ್ದು? ನಿಮ್ಮಜ್ಜಂದಾ?’</div><div> ‘ಕಿಂಗ್ಫಿಷರ್ರೇ ಮುಳುಗೋದ್ ಮೇಲ್ ನಮ್ಮಜ್ಜನ್ ಕತೆಯೇನ್ ಬಿಡು... ಬದುಕ್ ಪೂರಾ ಬೀದಿ ಗುಡ್ಸ್ದಾ..! ಏರೋಪ್ಲೇನಿಲ್ಲಾಂದ್ರೆ ಶಿಪ್ನಲ್ಲಿ?’</div><div> ‘ಮುಂದಿನ್ ಜನ್ಮಕ್ಕ್ ತಲ್ಪತೀವಿ‘.</div><div> ’ಸೋ ನೈಸ್. ಶಿಪ್ನಲ್ ಕೂತ್ ಮುಂದಿನ್ ಜನ್ಮದ್ವರ್ಗೂ ನೀರ್ನಲ್ಲಿ ತೇಲ್ತಾ...’</div><div> </div><div> ‘ಮುಂದಿನ್ ಜನ್ಮದಲ್ಲಾದ್ರೂ ದಡ ಸೇರ್ತೀವಾ?’</div><div> ‘ಏಯ್ ಕಟುಕಿ, ಯಾಕ್ ಕನಸ್ನ ರೆಕ್ಕೆ ಕತ್ತರ್ಸ್ತಾ ಇರ್ತ್ತೀಯಾ’.</div><div> </div><div> ‘ನಾಯೆಲ್ಲಿ ಕತ್ತರಿ ಹಿಡ್ಕಂಡಿದೀನಿ?’</div><div> ‘ಆಕಾಶ ಕಾಣಿಸ್ತಾಯಿದೀಯಾ?’</div><div> ‘ಯಾಕೆ ಭೂಮಿ ಬೇಜಾರಾಯ್ತಾ?’</div><div> ‘ಒಂದ್ ದಿನ ಆಕಾಶಕ್ಕೋಗಿ ಅಲ್ಲೊಂದ್ ಚಿಕ್ಕ ಮನೆ ಮಾಡ್ಕಂಡ್ ಬದ್ಕಬೇಕೂಂತ್ ಅನ್ಸೋಲ್ವಾ?’</div><div> ‘ಅಲ್ಲಿಂದ್ ಭೂಮಿ ಸುಂದರವಾಗಿ ಕಾಣ್ತ್ತಾ?’</div><div> ‘ಎತ್ರ, ಎತ್ರ, ಆಕಾಶ ಕೈಗೆಟುಕೊಷ್ಟ್ ಎತ್ರಕ್ಕೇರಿ, ಮೋಡಗಳ್ನೆಲ್ಲಾ ಅಗ್ದ್, ಮಳೆ ನೀರ್ನ್ನೆಲ್ಲಾ ಹಿಂಡಿ, ಹಾಸುಗಲ್ಲಾಗ್ ಹಾಸಿ, ಮಲ್ಗೆ ಮಂಟಪ ಕಟ್ಟಿ, ಬದೀಲಿ ಮಲ್ಗೆ ಬಳ್ಳಿ ಹಬ್ಸಿ, ಜೋಕಾಲೀಲಿ ಜೀಕಿಕೊಳ್ಳುತ್ತಾ... ಜೀಕಿಕೊಳ್ಳುತ್ತಾ ಕೆಳ್ಗ್ ನೋಡೋ ಹಂಗಿದ್ರೇ?’</div><div> ‘ಒಂದಷ್ಟ್ ಮಂತ್ರಾಕ್ಷತೆ ಇಲ್ಲಿಂದ್ಲೇ ಕಲ್ಸಿಕೊಂಡ್ ಹೋಗೋಣ’.</div><div> ‘ಯಾಕೆ?’</div><div> </div><div> ‘ಭೂಮಿ ಸುಂದರವಾಗ್ ಬಾಳ್ಲೀಂತಾ ಮೇಲಿಂದಾ ಮಂತ್ರಾಕ್ಷತೆ ಪ್ರೋಕ್ಷಿಸೋಣ’.</div><div> ‘ಥತ್! ಕನಸ್ ಹುಟ್ದ ತಲೆಯೊಳಗ್ ಕನಸು ಇಳಿಬಿಡ್ತಿದೀನಿ ನೋಡು.!’</div><div> ‘ಆಮೇಲೆ ಚಂದಿರ ಕೋಪಿಸಿಕೊಂಡಾನ್!’</div><div> ‘ಯಾಕೆ?’</div><div> </div><div> ‘ಅವನ್ ಕನಸ್ನ ನೀನ್ ಕಸಿದುಕೊಂಡೇಂತಾ!’</div><div> ‘ಅರ್ಥವಾಗಲಿಲ್ಲ’.</div><div> ‘ಚಂದಿರ್ನ ಅಂಗಳದಲ್ಲಿಳಿದ್ ಅವ್ನ್ ಬೆನ್ನಿನ ದಿಣ್ಣೆ, ದಿಬ್ಬಗಳ್ನೆಲ್ಲಾ ಏರ್ದ್ ಮೇಲೆ ಕನಸು ಉಳಿದಿರುತ್ತೇನ್?’</div><div> ‘ಒಂದ್ ಕೆಲ್ಸಾ ಮಾಡೋಣ. ಕನಸ್ನ ಒಂದ್ ಗಾಳೀಪಟದಲ್ ಕಟ್ಟಿ ಹಾರ್ಸೋಣ!’</div><div> ‘ಎಲ್ಲಿ? ಕೆಳ್ಗೆ ನೆಲಕ್ಕಾ?’</div><div> </div><div> ‘ಇಲ್ಲಾ ಬೇಡಾ! ಒಂದ್ ಪ್ಲಾಸ್ಟಿಕ್ ಚೀಲದಲ್ ಸುತ್ತಿ ಕಪಾಟಿನಲ್ ಬಚ್ಚಿಡೋಣ!’</div><div> ‘ಪ್ಲಾಸ್ಟಿಕ್ ಬಿಟ್ಟ್ ಬೇರೆ ಸಿಗಲ್ವಾ? ಅದೆಂದೋ ಬ್ಯಾನ್ ಆಗಿದೆ!’ </div><div> ‘ಸಮುದ್ರದ ಉಸುಕಿನೊಳ್ಗ್ ಹುಗಿದಿಡೋಣ!’</div><div> ‘ಸಮುದ್ರದಬ್ಬರ ಗೊತ್ತಿಲ್ವೇ? ಅಲೆಯುಕ್ಕಿ ಒಂದೇ ಹೊಡೆತಕ್ಕ್ ಕುರುಹಿಲ್ಲದಂಗ್ ಎಲ್ಲವೂ ಕೊಚ್ಚಿಕೊಂಡ್ ಹೋಗುತ್ತೆ!’</div><div> ‘ಮರದ್ ಪೊಟರೆಯೊಳ್ಗ್ ಅಡಗಿಸಿಡೋಣ’.</div><div> </div><div> ‘ಮರದ್ ಸ್ಥಿತಿ ತಿಳ್ಯದೇ? ರಸ್ತೆ ಅಗಲೀಕರಣದಲಿ ಮರ ಉರುಳಿಹೋಗುತ್ತೆ!’</div><div> ‘ಬಂಡೆ ಕೊರೆದ್ ತೂತಿನಲ್ಲ್ ಮುಚ್ಚಿಡೋಣ!’</div><div> ‘ರಿಯಲ್ ಎಸ್ಟೇಟ್ ಕಾಳದಂಧೆ ಗೊತ್ತಿಲ್ವೇ? ಬಂಡೆಗಳೆಲ್ಲಾ ಸಿಡಿದ್ ಹೋಳುಗಳಾಗುತ್ತೆ!’</div><div> ‘ನೆಲದೊಳಗ್ ಹುಗಿದಿಡೋಣ..!’</div><div> </div><div> ‘ನೆಲವೇ? ಭೂಕಂಪ ಬಂದ್ ನೆಲ ಬಿರುಕುಬಿಡುತ್ತೆ!’</div><div> ‘ಭಾಷೆ ಕೊಡ್, ಕನಸ್ನ ಕೈ ಬಿಡೋದಿಲ್ಲಾಂತಾ!’</div><div> ‘ಯಾವ್ ಭಾಷೆ? ಆಡು ಭಾಷೆಯೇ, ಮನೆ ಭಾಷೆಯೇ, ಊರ ಭಾಷೆಯೇ? ಭಾಷೆಯೂ ಸುಭದ್ರವಲ್ಲ!’</div><div> ‘ಆಣೆ ಮಾಡ್, ನಾ ನಿನ್ನ್ ಕನಸ್ ಜೊತ್ಗೇ ಬಾಳ್ವೇಂತಾ!’</div><div> ‘ಎಲ್ಲಿಯ ಆಣೆ? ಆಣೆ ಮಾಡಲು ದುಡ್ಡೂ ಅಪಮೌಲ್ಯವಾಗಿದೆ!’</div><div> ‘ಹಾಗಾದ್ರೇ ಕನಸ್ನ ಹಾರ್ಬಿಡೋಣವೇ? ಬೇಕಾದ್ದು ಬೇಕಾದವ್ರು ಎತ್ತಿಕೊಳ್ಳಲಿ!’</div><div> ‘ಕನಸೇ? ಮೊದಲದ್ನ ಹುಡುಕ್ಕೊಂಡು ಬಾ! ಆಮೇಲೆ ನೋಡೋಣ’.</div></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
