<p>ನಮ್ಮದಲ್ಲದ ಈ ಜಾಗಕ್ಕೆ<br /> ಧಡಕ್ಕನೇ ತೆರೆಯುವ ಬಾಗಿಲು<br /> ಒಳ ಹೊಕ್ಕ ಕೂಡಲೇ ಹರಡುವ<br /> ಕೃತಕ ಕಸಿವಿಸಿಯ ಮೌನ,<br /> ಯಾರದೋ ಬೇಡದ ಸಾವಿಗೆ<br /> ಗೌರವ ಸೂಚಿಸುವ ಶೋಕಸಭೆ<br /> ಈಗ ಲಿಫ್ಟಿನೊಳಗೆ<br /> ಉಸಿರ ಹಿಡಿದು ನಡುವೆ ಸುಳಿವಾತ್ಮ<br /> ಸಂಭಾವಿತನೂ ಅಲ್ಲ, ಅಪಾಪೋಲಿಯೂ ಅಲ್ಲ!<br /> <br /> ಇಲ್ಲೇಕೆ ಇನ್ನೂ ಇದೆ,,<br /> ಯಾರೋ ಬಂದು ಹೋದ ಮೈಗಂಧ?<br /> ಉದುರಿ ಚಪ್ಪಟೆಯಾದ ಹೂ ಎಸಳು,<br /> ಬೆಳಕಂತೆ ಹರಡಿದ ಹುಸಿಮುನಿಸು,<br /> ಹಿಡಿದು ಎಳೆದಂತಿದೆ ಯಾರೋ ಕೈ,<br /> ತೊಟ್ಟಿಕ್ಕಿರುವಂತಾ ನೋವ ಕಣ್ಣೀರು,<br /> ಪಕ್ಕದಲ್ಲೇ ಆವರಿಸಿದ ಮುಗುಳುನಗು,<br /> ಹೊಸ ಪ್ರೇಮಿಯ ತುಟಿ ತುಳುಕುವ<br /> ಗಾಢ ಅಭೀಪ್ಸೆ...<br /> <br /> ಹತ್ತಬೇಕು, ಮೆಟ್ಟಿಲು ಮೆಟ್ಟಿಲು,<br /> ಒಂದೊಂದೇ. ನಿಂತು, ಕೂತು<br /> ಎಡವಿ, ಬಾಯಾರಿ, ಕುರುಳ ನೇವರಿಸಿ<br /> ಗಾಳಿಯುಸಿರ ಸೇರಬೇಕು...ಅಂದುಕೊಂಡಿದ್ದೆ.<br /> ಹೋಗಬಹುದೇ ಹೀಗೆ?<br /> ಧಿಗ್ಗನೇ ಹುಚ್ಚೆದ್ದವರ ಹಾಗೆ<br /> ಎಲ್ಲೆಂದರಲ್ಲಿಗೆ? ತಟ್ಟಬಹುದೇ ಹೀಗೆ<br /> ಬೆರಳಸಂಜ್ಞೆಯಲ್ಲಿ ಸುಖದ ಬಾಗಿಲು?<br /> <br /> ಕಾಯುವುದು ಸುಳ್ಳು, ನಿರೀಕ್ಷಿಸುತ್ತಾ<br /> ನಾವು ಬರುವುದನ್ನು, ಯಾರೂ<br /> ಕಣ್ಣದೀಪ ಹಚ್ಚಿ, ಸುಖಾಸುಮ್ಮನೆ ಬಾಗಿಲಲ್ಲಿ...<br /> ಮೇಲೆ ಹೋದವರು ಕೆಳಗೆ ಬರಲೇಬೇಕು<br /> ನಿಯಮ ಮುರಿಯುವುದು ನಿಮಗೆ ಸರಿಯಿಲ್ಲ.<br /> ಸರಸರನೆ ಸರಸವಾಡಿದಷ್ಟೇ ಸುಲಭ<br /> ಸರ್ರನೆ ಹತ್ತುವುದು, ಜರ್ರನೆ ಇಳಿಯುವುದು<br /> ಆಟವೆಂದವರಿಗೆ, ಏನು ತಾನೆ ಹೇಳುವುದು?<br /> ಕೊಟ್ಟ ಕುದುರೆಯನೇರದವನು<br /> ವೀರನೂ ಅಲ್ಲ, ಧೀರನೂ ಅಲ್ಲ<br /> ಕಡು ಪ್ರೇಮಿ ಇವನು, ಮೋಹಿತೆ ನಾನು!<br /> <br /> ಇದು ಲಿಫ್ಟ್ ಯಾತ್ರೆ, ಸುತ್ತ ಕನ್ನಡಿ...<br /> ಇರುವ ಒಂದು ಮುಖಕ್ಕೆ ಹತ್ತು ಪ್ರತಿಬಿಂಬ.<br /> ನೀನೋ ಬಹುರೂಪಿ, ಮುಖವಾಡ ತೊಟ್ಟವಳು ನಾನು.<br /> ಬರುವವರು ಬರಲಿ,<br /> ಲೆಕ್ಕ ಇಡುವುದುಂಟೇ ಹೋದವರ?<br /> ಖಾತ್ರಿಯಿಲ್ಲ, ಜೊತೆಯಲ್ಲಿದ್ದವರು ಇರುತ್ತಾರೆಂದು<br /> ಒಟ್ಟಿಗೇ ಹೋದವರು, ಬರಬೇಕಿಲ್ಲ ಜೊತೆಯಲ್ಲೇ,<br /> ನಿರ್ಗಮಿಸಬಹುದು ಹಾಗೇ ದಾರಿ ಮಧ್ಯೆ...<br /> <br /> ಅಂತಸ್ತುಗಳಿವೆ ಇಲ್ಲಿ ಸಂಬಂಧಕ್ಕೆ<br /> ಹಲವು ನಲೆಗಳಿವೆ, ದಾಟಲು ಗೆರೆಗಳಿವೆ.<br /> ಖಾಲಿಯಾಗಿದೆ ಜಾಗ ಅಂದುಕೊಳ್ಳುವುದರಲ್ಲಿ<br /> ತೆರೆದೇ ತೆರೆಯುತ್ತದೆ ಬೇರೊಂದು ಬಾಗಿಲು.<br /> ಮತ್ತೆ ಸಮುದ್ರ ಮಂಥನ ಮನ,<br /> ಬರುವುದು ಅಮೃತವೋ ವಿಷವೋ?<br /> ಆಗಬೇಕೇನೋ ಮತ್ತೆ ನಾನು ವಿಷಕನ್ನಿಕೆ...</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನಮ್ಮದಲ್ಲದ ಈ ಜಾಗಕ್ಕೆ<br /> ಧಡಕ್ಕನೇ ತೆರೆಯುವ ಬಾಗಿಲು<br /> ಒಳ ಹೊಕ್ಕ ಕೂಡಲೇ ಹರಡುವ<br /> ಕೃತಕ ಕಸಿವಿಸಿಯ ಮೌನ,<br /> ಯಾರದೋ ಬೇಡದ ಸಾವಿಗೆ<br /> ಗೌರವ ಸೂಚಿಸುವ ಶೋಕಸಭೆ<br /> ಈಗ ಲಿಫ್ಟಿನೊಳಗೆ<br /> ಉಸಿರ ಹಿಡಿದು ನಡುವೆ ಸುಳಿವಾತ್ಮ<br /> ಸಂಭಾವಿತನೂ ಅಲ್ಲ, ಅಪಾಪೋಲಿಯೂ ಅಲ್ಲ!<br /> <br /> ಇಲ್ಲೇಕೆ ಇನ್ನೂ ಇದೆ,,<br /> ಯಾರೋ ಬಂದು ಹೋದ ಮೈಗಂಧ?<br /> ಉದುರಿ ಚಪ್ಪಟೆಯಾದ ಹೂ ಎಸಳು,<br /> ಬೆಳಕಂತೆ ಹರಡಿದ ಹುಸಿಮುನಿಸು,<br /> ಹಿಡಿದು ಎಳೆದಂತಿದೆ ಯಾರೋ ಕೈ,<br /> ತೊಟ್ಟಿಕ್ಕಿರುವಂತಾ ನೋವ ಕಣ್ಣೀರು,<br /> ಪಕ್ಕದಲ್ಲೇ ಆವರಿಸಿದ ಮುಗುಳುನಗು,<br /> ಹೊಸ ಪ್ರೇಮಿಯ ತುಟಿ ತುಳುಕುವ<br /> ಗಾಢ ಅಭೀಪ್ಸೆ...<br /> <br /> ಹತ್ತಬೇಕು, ಮೆಟ್ಟಿಲು ಮೆಟ್ಟಿಲು,<br /> ಒಂದೊಂದೇ. ನಿಂತು, ಕೂತು<br /> ಎಡವಿ, ಬಾಯಾರಿ, ಕುರುಳ ನೇವರಿಸಿ<br /> ಗಾಳಿಯುಸಿರ ಸೇರಬೇಕು...ಅಂದುಕೊಂಡಿದ್ದೆ.<br /> ಹೋಗಬಹುದೇ ಹೀಗೆ?<br /> ಧಿಗ್ಗನೇ ಹುಚ್ಚೆದ್ದವರ ಹಾಗೆ<br /> ಎಲ್ಲೆಂದರಲ್ಲಿಗೆ? ತಟ್ಟಬಹುದೇ ಹೀಗೆ<br /> ಬೆರಳಸಂಜ್ಞೆಯಲ್ಲಿ ಸುಖದ ಬಾಗಿಲು?<br /> <br /> ಕಾಯುವುದು ಸುಳ್ಳು, ನಿರೀಕ್ಷಿಸುತ್ತಾ<br /> ನಾವು ಬರುವುದನ್ನು, ಯಾರೂ<br /> ಕಣ್ಣದೀಪ ಹಚ್ಚಿ, ಸುಖಾಸುಮ್ಮನೆ ಬಾಗಿಲಲ್ಲಿ...<br /> ಮೇಲೆ ಹೋದವರು ಕೆಳಗೆ ಬರಲೇಬೇಕು<br /> ನಿಯಮ ಮುರಿಯುವುದು ನಿಮಗೆ ಸರಿಯಿಲ್ಲ.<br /> ಸರಸರನೆ ಸರಸವಾಡಿದಷ್ಟೇ ಸುಲಭ<br /> ಸರ್ರನೆ ಹತ್ತುವುದು, ಜರ್ರನೆ ಇಳಿಯುವುದು<br /> ಆಟವೆಂದವರಿಗೆ, ಏನು ತಾನೆ ಹೇಳುವುದು?<br /> ಕೊಟ್ಟ ಕುದುರೆಯನೇರದವನು<br /> ವೀರನೂ ಅಲ್ಲ, ಧೀರನೂ ಅಲ್ಲ<br /> ಕಡು ಪ್ರೇಮಿ ಇವನು, ಮೋಹಿತೆ ನಾನು!<br /> <br /> ಇದು ಲಿಫ್ಟ್ ಯಾತ್ರೆ, ಸುತ್ತ ಕನ್ನಡಿ...<br /> ಇರುವ ಒಂದು ಮುಖಕ್ಕೆ ಹತ್ತು ಪ್ರತಿಬಿಂಬ.<br /> ನೀನೋ ಬಹುರೂಪಿ, ಮುಖವಾಡ ತೊಟ್ಟವಳು ನಾನು.<br /> ಬರುವವರು ಬರಲಿ,<br /> ಲೆಕ್ಕ ಇಡುವುದುಂಟೇ ಹೋದವರ?<br /> ಖಾತ್ರಿಯಿಲ್ಲ, ಜೊತೆಯಲ್ಲಿದ್ದವರು ಇರುತ್ತಾರೆಂದು<br /> ಒಟ್ಟಿಗೇ ಹೋದವರು, ಬರಬೇಕಿಲ್ಲ ಜೊತೆಯಲ್ಲೇ,<br /> ನಿರ್ಗಮಿಸಬಹುದು ಹಾಗೇ ದಾರಿ ಮಧ್ಯೆ...<br /> <br /> ಅಂತಸ್ತುಗಳಿವೆ ಇಲ್ಲಿ ಸಂಬಂಧಕ್ಕೆ<br /> ಹಲವು ನಲೆಗಳಿವೆ, ದಾಟಲು ಗೆರೆಗಳಿವೆ.<br /> ಖಾಲಿಯಾಗಿದೆ ಜಾಗ ಅಂದುಕೊಳ್ಳುವುದರಲ್ಲಿ<br /> ತೆರೆದೇ ತೆರೆಯುತ್ತದೆ ಬೇರೊಂದು ಬಾಗಿಲು.<br /> ಮತ್ತೆ ಸಮುದ್ರ ಮಂಥನ ಮನ,<br /> ಬರುವುದು ಅಮೃತವೋ ವಿಷವೋ?<br /> ಆಗಬೇಕೇನೋ ಮತ್ತೆ ನಾನು ವಿಷಕನ್ನಿಕೆ...</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
