ಲೀಡರ್ ಕೆಂಚ...

Last Updated 27 ಡಿಸೆಂಬರ್ 2014, 19:30 IST

ಅಕ್ಷರ ಗಾತ್ರ

ತುಂಟ ಬೆಕ್ಕು
ಹಂಟರ್ ಕೆಂಚ
ನಮ್ಮ ಮನೆಗೆ ಲೀಡರ್

ಉಳಿದ ಬೆಕ್ಕು
ನಾಯಿ ಮರಿಗೆ
ಅವನೇ ಮಾನಿಟರ್
ಅವನೇ ಮಾನಿಟರ್

ಲೀಡರ್ ಕೆಂಚ
ಪಕ್ಕ ಚುರುಕು
ಟಣ್ ಟಣ್ ನೆಗೆಯೋದೇ

ಓಡಿ ಬಂದು
ಮಡಿಲಲಿ ಮಲಗಲು
‘ದಡ್ಡ!’ ಬೀಳೋದೇ!

ಹಲ್ಲಿ ಕಪ್ಪೆ
ಜಿರಳೆ ಕಂಡರೆ
ಮಂಗ ಮಾಯಾನೇ

ರಾತ್ರಿ ಮಾತ್ರ
ನನ್ನ ರಗ್ಗಲಿ
ಬೆಚ್ಚಗೆ ಗೊರೆಕೇನೇ

ಬಾತುಕೋಳಿ
ನಿತ್ರಾಣ್‌ಸಿಂಗ
ತಮ್ಮ, ತಂಗಿ ಅವಗೆ

ಮಣ್ಣಲಿ ಆಡಲು
ಪಾಪು ನಾಯಿ
ಮುಸುವ ಬೆಕ್ಕು ಜೊತೆಗೆ

ಲೀಡರ್ ಕೆಂಚ
ಗೆಳೆಯ ನನಗೆ
ಆಟ ನಮ್ದೇನೇ

ನಂಗು ಅಮ್ಮಗು
ಅಪ್ಪಗು, ತಾತಗು
ಲೀಡರ್ ಅವನೇನೇ
ಲೀಡರ್ ಅವನೇನೇ

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.