ಲೇಖಕಿ ಉಮಾದೇವಿ ಉರಾಳ ಅವರ ಯೂರೋಪ್‌, ಚೀನಾ, ಸ್ಕಾಂಡಿನೇವಿಯಾ, ಈಶಾನ್ಯ ಭಾರತದ ಪ್ರವಾಸ ಕಥನದ ಗುಚ್ಛವೆ ‘ಬಾನಾಡಿ ಕಂಡ ಬೆಡಗು’. ಈ ಸ್ಥಳಗಳಿಗೆ ಪ್ರವಾಸ ಹೋಗಲು ಬಯಸುವ ಪ್ರವಾಸಿಗರಿಗೆ ಕೈಪಿಡಿಯಂತಿರುವ ಕೃತಿ, ಲೇಖಕಿಯ ಅನನ್ಯ ಅನುಭವಗಳ ಮೂಟೆಯೂ ಹೌದು. ಒಟ್ಟು 19 ಲೇಖನಗಳು ಈ ಪುಸ್ತಕದಲ್ಲಿದೆ. ಇಂಗ್ಲೆಂಡಿನ ರಾಜಧಾನಿ ಲಂಡನ್ನಿನ ಪ್ರವಾಸ ಲೇಖನದೊಂದಿಗೆ ಕೃತಿ ಪ್ರಾರಂಭವಾಗುತ್ತದೆ. ಪ್ಯಾರಿಸ್‌, ಬ್ರಸೆಲ್ಸ್‌, ಹಾಲೆಂಡ್‌, ಜರ್ಮನಿ, ಸ್ವಿಟ್ವರ್ಲೆಂಡ್‌ ಮೊದಲಾದ ದೇಶಗಳ ಬದುಕು, ಬವಣೆಯನ್ನು ಕಟ್ಟಿಕೊಡುತ್ತ ಸೊಬಗನ್ನು ವರ್ಣಿಸುತ್ತದೆ.
