ನದಿ ಕುಣಿದು ದಿನವೆಷ್ಟಾಯಿತು

ಅಮಾವಾಸ್ಯೆಯ ರಾತ್ರಿ ಕಪ್ಪು ಮುಗಿಲಿಗೆ ಬೆಂಕಿ ಬಿದ್ದು ಸುಡು ಬೆಂದು ಕೀವು ಸೋರುತ್ತಿದೆ; ಬಿಡುವಿರದೆ ಬೇಯುತ್ತಿದೆ ಊರ ಬೆನ್ನಿಗೇರಿದ ಸ್ಮಶಾನ ದಶೇರಿ ಮಾವಿನ ಮೆರಗಿಗೆ ಮೂತಿ ಇಟ್ಟರೆ ಗಿಳಿ, ತುಪನೆ ತುಪನೆ ಉದುರುತ್ತಿವೆ ಅಂಗುಲಂಗುಲ ಹುಳ ಬಿರಿವ ದಾಳಿಂಬೆ, ನೊರೆಗರೆವ ದ್ರಾಕ್ಷಿ ತುಂಬಿ ತುಳುಕುತ್ತಿವೆ ಬೋಧಿಸತ್ವನ ರಕ್ತ ಆಲಿಕಲ್ಲಿಗೆ ಬಿದ್ದ ಎಳೆ ಮಾವಿನಂತೆ ಹೆಣ ಬಿದ್ದು ತೇಲುತ್ತಿವೆ ಕಡಲ ತುಂಬ

. ಗಾಂಧಾರದಿಂದ ಹರಿದು ಬಂದ ನದಿಯೇಕೆ ಇಷ್ಟೊಂದು ಉಪ್ಪು? ದಶದಿಕ್ಕುಗಳಿಂದ ಇಳಿದು ಏರುವ ಗಾಳಿಯೊಳಗೆಲ್ಲಿದೆ ತಪ್ಪು? ಗಾಂಧರ್ವಿಯರ ಅರುಣ ರಾಗದ ಕೆನ್ನೆಗೆ ಆಸಿಡ್ಡು ಬಿದ್ದು ಯಮ ತೋಡಿದ ಹಳ್ಳ ಬಾಳು ಕೊಂದವರು ತೋಳವಾಗಿದ್ದಾರೆ ಹರಿದ ನೆತ್ತರಿಗೆ ಎಲ್ಲಿದೆ ಬಳ್ಳ?

. ನದಿಗೆ ರೋದನೆ ಹಿಡಿದು ಎಷ್ಟು ದಿನವಾಯ್ತು ರೂಮಿ? ಎಷ್ಟೊಂದು ಕೊಳ್ಳಗಳು ಅದೆಷ್ಟೊ ದೇವ ಬಳ್ಳಗಳಿಗು ದಕ್ಕದ ನದಿಗಳಿದ್ದರೂ ಏಕೆ ಗಾಂಧಾರ ನದಿಯು ಸರಯೂಗೆ ಸೇರುತ್ತಿದೆ ರಾಮ? ನಿನ್ನ ಕಾಳಿಂದಿಯೇಕೆ ಬೆಚ್ಚಿ ಬೋರಲಾಗಿದೆ ಕೃಷ್ಣ?

. ಗಾಂಧಾರಿ ಕುಂತಿ ದ್ರೌಪದಿಯರ ಹೂತ ಕಂಬನಿಯ ಕಡಲು ಉಕ್ಕುಕ್ಕಿ ನುಗ್ಗುತ್ತಿದೆ ನಷ್ಟದ ಲೆಕ್ಕ ಬರೆವ ಗುಮಾಸ್ತರೆಲ್ಲಯ್ಯಾ ಯಮನೆ? ಮುಟ್ಟಿನ ನೆತ್ತರೊರೆಸಿದ ಬಟ್ಟೆಗಳು ಗೂಟ ತೊಟ್ಟು ಪಹರೆ ನಿಂತಿವೆ ಶಿವನೆ ನದಿಯಗುಂಟ?

. ಯಾರ ಬಂಧನವಿಲ್ಲಿ ಯಾಕೆ ರೋದನೆಯಿಲ್ಲಿ ಗಿಲನೆ ಗಿಲನೆ ನದಿ ಕುಣಿದು ದಿನವೆಷ್ಟಾಯಿತು?

. ರೂಮಿ ನಂಬಿದ ಹಾಡು ಕಬೀರನ ದೋಹ ಕುವೆಂಪು ಟಾಗೂರರ ಪದ್ಯ ಗಾಂಧಿ ಊರುಗೋಲಿನ ಶಬ್ಧ ಎದೆ ಕಣ್ಣು ಕಿವಿ ಕಳಕೊಂಡ ಹರೆಯದುಂಬಿದ ಮಕ್ಕಳಿಗೆ ಕೇಳಿಸಲಾರದವ್ವ ತಾಯೆ

. ನಾಡ ಗರ್ಭಿಣಿಯರ ಕಾಲಿಡಿದು ಕೇಳುತ್ತೇನೆ ಎದೆ ಕರುಣದ ಮಕ್ಕಳ ಹೆತ್ತು ಕೊಡಿರವ್ವ ತಾಯೆ

. ಬೆತ್ತವಿಡಿದ ಮೇಷ್ಟ್ರುಗಳ ಬೇಡುತ್ತೇನೆ ಬಿಟ್ಟು ಬಿಡಿರಯ್ಯ ಸುಮ್ಮನೆ ಮಾವು ಮಲ್ಲಿಗೆ ತೋಟಕ್ಕೆ. ಮಂಜು ಮಾಯವಾಗುವುದನ್ನು ಹೂವು ಅರಳುವುದನ್ನು ಕಾಯಿ ಮಾಗುವುದನ್ನು ನೋಡಿ ಬರಲಿ

. ಬೆಳದಿಂಗಳು ಗಂಗೆ ಕನ್ನಡಿಯೊಳಗೆ ಮುಖ ನೋಡಿ ಜಡೆ ಹಾಕಿಕೊಳ್ಳಲಿ ಬಿಂದಿ ಇಟ್ಟು ಕೆನ್ನೆ ಕೆಂಪಾಗಲಿ ಯಾರದೊ ನೆನಪ ಗುಂಗಿನಲ್ಲಿ

. –ನೆಲ್ಲುಕುಂಟೆ ವೆಂಕಟೇಶ್

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನದಿ ಕುಣಿದು ದಿನವೆಷ್ಟಾಯಿತು

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ

ಚುರುಮುರಿ | ಮೌಂಟನ್ ಮೀಟಿಂಗ್!

ವಿಮಾನ ಹಾರಾಟಕ್ಕೂ ಮುನ್ನ ಕುಸಿದು ಬಿದ್ದ ಏರ್‌ ಇಂಡಿಯಾ ವಿಮಾನದ ಪೈಲಟ್

ವೇಗವಾಗಿ 2,000 ರನ್: ದ್ರಾವಿಡ್, ಸೆಹ್ವಾಗ್ ದಾಖಲೆ ಸರಿಗಟ್ಟಿದ ಜೈಸ್ವಾಲ್

ಸೊನ್ನೆ ಸುತ್ತಿದ 6 ಬ್ಯಾಟರ್‌ಗಳು: ಭಾರತದ ಎದುರು ಅನಗತ್ಯ ದಾಖಲೆ ಬರೆದ ಇಂಗ್ಲೆಂಡ್

ಬೆನ್ ಸ್ಟೋಕ್ಸ್ 'ಗೋ‌ಲ್ಡನ್ ಡಕ್': ದ್ರಾವಿಡ್ ಹೆಸರಲ್ಲೇ ಉಳಿಯಿತು ಅಪರೂಪದ ದಾಖಲೆ

ಮಹಿಳಾ ಟಿ20 | ಭಾರತಕ್ಕೆ 3ನೇ ಪಂದ್ಯದಲ್ಲಿ ಸೋಲು; ಸರಣಿ ಜಯದ ಕನಸಿಗೆ ಹಿನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ

ಚುರುಮುರಿ | ಮೌಂಟನ್ ಮೀಟಿಂಗ್!

ವಿಮಾನ ಹಾರಾಟಕ್ಕೂ ಮುನ್ನ ಕುಸಿದು ಬಿದ್ದ ಏರ್‌ ಇಂಡಿಯಾ ವಿಮಾನದ ಪೈಲಟ್