ಕವನ: ಕಾಲದ ಹೊಣೆ

ಮಳೆಗಾಲದಲ್ಲಿ ಬಿಸಿಲು

. ಬೇಸಿಗೆಯಲ್ಲಿ ಮಳೆ

. ಇವೆರಡರ ಬಿಡುವಲ್ಲಿ ತಣ್ಣಗೆ

. ತೇಲಿ ಹೋಗುವ ಚಳಿ

. ಹೊಂದಾಣಿಕೆಯಿಲ್ಲದ ಹವಾಮಾನದ

. ವೈಪರೀತ್ಯದ ನಡುವೆ ಬೀಸುವ ಹೊಸ ಗಾಳಿ

. ಯಾವ ಕಾಲಕ್ಕೆ ಯಾವ ಬೆಳೆ

. ಕರಾರುವಾಕ್ಕಾಗಿ ತಿಳಿದಿದೆ

. ರೂಢಿಯಂತೆ ಬಿತ್ತುವ ಕೆಲಸವಷ್ಟೆ ಕೈಗಳಿಗೆ

. ಅನುಮಾನಿಸುತ್ತಲೇ ಮೊಳೆಕೆಯೊಡೆಯವ ಬೀಜ

. ಫಸಲಿನ ಹೊಣೆ ಕಾಲದ ಕರುಣೆ

. ಆಗಿದ್ದನ್ನು ಈಗಿನವರು

. ಈಗಿದ್ದನ್ನು ಆಗಿನವರು

. ಅವರಿಗೆ ಇವರು, ಇವರಿಗೆ

. ಅವರು

. ಕರುಬುವುದು ಕೊಂಡಾಡುವುದು

. ಹಿಂಜುವುದು ಹಳಿಯುವುದು

. ಅನುಕೂಲಕ್ಕೆ ತಕ್ಕಂತೆ ಕಾಲವನ್ನು

. ತಿರುಗಿಸಿಕೊಳ್ಳುವುದು ಹೊಸತೇನಲ್ಲ.

. ಮೊಮ್ಮಗಳ ಮೊಣಕಾಲ ಮೇಲಿನ ಧಿರಿಸಿಗೆ

. ‘ಸಿವನೇ ಇದೇನ್ ಕಾಲನಪ್ಪ! ‘ ಅಂತ

. ಸಿಡಿಮಿಡಿಗೊಳ್ಳುವ ಅಜ್ಜಿ

. ‘ಈಗ ಎಷ್ಟು ಆರಾಮ! ‘ಅನ್ನುತ್ತಾ

. ಚೂಡಿದಾರ್ ಕೋಸುತ್ತಾ ವಾಕಿಂಗ್ ಹೋಗುತ್ತಾಳೆ.

. ‘ಇದರಷ್ಟು ಕಂಪರ್ಟ್ ಇನ್ನೊಂದಿಲ್ಲ’ ವೆನ್ನುತ್ತಾ

. ಅವಳಮ್ಮ ಜೀನ್ಸ್ ತೊಟ್ಟು

. ಸಿಟಿ ಬಸ್ಸು ಹತ್ತುತ್ತಾಳೆ.

. ಪಾರಿವಾಳ ಸಂದೇಶ ಹೊತ್ತು ತರುವ

. ಬರಿಗಾಲಿನ ನಡೆಯುವ ಕಾಲದ ಕರುಣಾಜನಕ

. ವ್ಯಥೆಯ ಉಪದೇಶ ಅವಳತ್ತೆಗೆ ಸರಾಗ

. ಎ ಸಿ ಕಾರಿನೊಳಗೆ ಕುಂತೇ

. ಮೊಬೈಲು ಕುಟ್ಟುತ್ತಾ ಅದೇ ಕತೆಯನ್ನು

. ಹೊಸ ಬಗೆಯಲ್ಲಿ ಕಟ್ಟುತ್ತಾಳೆ

. ಸೊಸೆ ಬರಿದೇ ಹ್ಮೂಂ ಗುಟ್ಟುತ್ತಾಳೆ.

. ಒಂದೇ ಸೂರಿನಡಿಯಲ್ಲಿ

. ಒಂದೇ ಮಡಕೆಯ ಅನ್ನ ಉಂಡು

. ಅಪರಿಚಿತ ಭಾವವೊಂದನ್ನ ಹೊದ್ದುಕೊಂಡೇ

. ಹಗಲು ಸವೆಯುತ್ತದೆ; ಇರಳು ನವೆಯುತ್ತದೆ

. ದೂರದಲ್ಲಿ ಕೇಳುವ ಭಾವಗೀತೆಯೊಂದು

. ಬದುಕ ಸಹ್ಯಗೊಳಿಸುತ್ತದೆ.

. ಆಗೀಗೊಮ್ಮೆಯಾದರೂ

. ಅವರ ಮನಸು ಇವರೊಳಗೆ

. ಇವರದ್ದು ಅವರೊಳಗೆ ಕ್ಷಣಕ್ಕಾದರೂ

. ಕನಲಿಕೊಂಡಿದ್ದರೆ..? ತೊಡಿಸಬಹುದಿತ್ತು

. ಜಗತ್ತಿಗೇ ಒಂದೇ ಧಿರಿಸು .

. ಅದಲು ಬದಲಾಗುವುದು

. ಲೋಕಕ್ಕೆ ಒಂದು ನಿದ್ರೆಯ ಹೊರಳು

. ಯಾವ ಜಾವದ ನಿದ್ರೆ

. ನನ್ನೊಳಗೆ ನಿನ್ನ ನಿನ್ನೊಳಗೆ ನನ್ನ ಬಿಂಬಕ್ಕೆ

. ಬೆಳಕು ತೊಡಿಸ ಬಹುದು?!

. ***

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕವನ: ಕಾಲದ ಹೊಣೆ

ಚಿನಕುರುಳಿ: ಶನಿವಾರ, ಸೆಪ್ಟೆಂಬರ್ 06, 2025

ಡಿಸಿಎಂ ಡಿ.ಕೆ. ಶಿವಕುಮಾರ್ ಅಧಿಕೃತ ನಿವಾಸದಲ್ಲಿ ನಾಗರಹಾವಿನ ಮರಿ!

ಚುರುಮುರಿ: ಹೀಗೊಂದು ನೆನಪು...

ಸೀಟ್ ಬೆಲ್ಟ್‌ ಧರಿಸದೆ ಆರು ಬಾರಿ ಸಂಚಾರ ನಿಯಮ ಉಲ್ಲಂಘಿಸಿದ CM ಸಿದ್ದರಾಮಯ್ಯ: ದಂಡ

Pro Kabaddi League | ಪಟ್ನಾ ವಿರುದ್ಧ ಜಯ: ಗೆಲುವಿನ ಹಳಿಗೆ ಬೆಂಗಳೂರು ಬುಲ್ಸ್

ಏಷ್ಯಾ ಕಪ್ ಹಾಕಿ: ಚೀನಾ ಮಣಿಸಿ ಭಾರತ ಫೈನಲ್‌ಗೆ

ದುಲೀಪ್ ಟ್ರೋಫಿ ಸೆಮಿಫೈನಲ್: ಕುತೂಹಲ ಘಟ್ಟದಲ್ಲಿ ಉತ್ತರ–ದಕ್ಷಿಣ

US Open Tennis 2025: ಬ್ಲಾಕ್‌ಬಸ್ಟರ್‌ ಸೆಣಸಿಗೆ ಅಲ್ಕರಾಜ್‌–ಸಿನ್ನರ್ ಸಜ್ಜು

ಒಳನೋಟ | ನೆರೆ ಸಂತ್ರಸ್ತರ ತೀರದ ಬವಣೆ

Elephant Attack | ಆನೆ ದಾಳಿ ಸಂತ್ರಸ್ತರ ಅರಣ್ಯ ರೋದನ

ಒಳನೋಟ: ಬೆಳಗಾವಿ, ಮಹಾರಾಷ್ಟ್ರ ಗಡಿಯಲ್ಲಿ ಮದ್ಯ ಅಕ್ರಮ ಸಾಗಣೆ ನಿರಂತರ..!

ಒಳನೋಟ: ಬಿಆರ್‌ಟಿಗೆ ಒತ್ತುವರಿ ಸಂಕಟ

ಚಿನಕುರುಳಿ: ಶನಿವಾರ, ಸೆಪ್ಟೆಂಬರ್ 06, 2025

ಡಿಸಿಎಂ ಡಿ.ಕೆ. ಶಿವಕುಮಾರ್ ಅಧಿಕೃತ ನಿವಾಸದಲ್ಲಿ ನಾಗರಹಾವಿನ ಮರಿ!

ಚುರುಮುರಿ: ಹೀಗೊಂದು ನೆನಪು...

ಸೀಟ್ ಬೆಲ್ಟ್‌ ಧರಿಸದೆ ಆರು ಬಾರಿ ಸಂಚಾರ ನಿಯಮ ಉಲ್ಲಂಘಿಸಿದ CM ಸಿದ್ದರಾಮಯ್ಯ: ದಂಡ