<p>ಬೆಳ್ಳಿತೆರೆಯಿಂದ ಒಂದಿಷ್ಟು ಅಂತರ ಕಾಯ್ದುಕೊಂಡಿದ್ದ ನಟಿ ಸೋನಾಲಿ ಬೇಂದ್ರೆ ಇದೀಗ ಸಿನಿಮಾ ಒಂದರಲ್ಲಿ ಅತಿಥಿಯಾಗಿ ಕಾಣಿಸಿಕೊಳ್ಳಲು ಸಜ್ಜಾಗಿದ್ದಾರೆ. ಮಿಲನ್ ಲೂತ್ರಿಯಾ ಅವರ ಮುಂಬರುವ ಚಿತ್ರ `ಒನ್ಸ್ ಅಪಾನ್ ಎ ಟೈಮ್ ಇನ್ ಮುಂಬೈ ದುಬಾರಾ' ಚಿತ್ರದಲ್ಲಿ ನಟಿಸಲಿದ್ದಾರೆ.<br /> <br /> ಮಿಲನ್ ಅವರೊಂದಿಗೆ ಕೆಲಸ ಮಾಡಿ ತುಂಬಾ ದಿನಗಳೇ ಕಳೆದಿರುವ ಕಾರಣ ಸೋನಾಲಿ ಅಭಿನಯದಿಂದ ದೂರ ಇರಬೇಕೆಂಬ ತಮ್ಮ ನಿರ್ಧಾರವನ್ನು ಸ್ವಲ್ಪ ಸಡಿಲಿಸಿದ್ದಾರೆ. ಸಿನಿಮಾದಲ್ಲಿ ಪೂರ್ತಿಯಾಗಿ ತೊಡಗಿಕೊಳ್ಳದೆ, ಕೇವಲ ಅತಿಥಿ ಪಾತ್ರದಲ್ಲಿ ಅವರು ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರವು ಭೂಗತಲೋಕದ ಕುರಿತಾದದ್ದು ಎಂಬ ಮಾತುಗಳು ಕೇಳಿಬಂದಿವೆ.<br /> <br /> ಬಾಲಾಜಿ ಮೋಷನ್ ಪಿಕ್ಚರ್ಸ್ ನಿರ್ಮಾಣದ ಈ ಚಿತ್ರದಲ್ಲಿ ಮುಮ್ತಾಜ್ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವ ಸೋನಾಲಿ, ಹಿರಿತೆರೆಯಿಂದ 10 ವರ್ಷ ದೂರ ಉಳಿದಿದ್ದರು. ಶಾರುಖ್ ಖಾನ್, ಪ್ರೀತಿ ಜಿಂಟಾ ಮತ್ತು ಸೈಫ್ ಅಲಿ ಖಾನ್ ಅಭಿನಯದ `ಕಲ್ ಹೋ ನಾ ಹೋ' (2003) ಚಿತ್ರದಲ್ಲಿ ವೈದ್ಯೆ ಪಾತ್ರದಲ್ಲಿ ನಟಿಸಿದ ನಂತರ ಹಿಂದಿ ಚಿತ್ರರಂಗದಿಂದ ಅವರು ದೂರ ಉಳಿದಿದ್ದರು. 2004ರಲ್ಲಿ ತೆಲುಗಿನ `ಶಂಕರ್ ದಾದಾ ಎಂಬಿಬಿಎಸ್'ನಲ್ಲಿ ಅವರು ನಿರ್ವಹಿಸಿದ್ದೂ ವೈದ್ಯೆಯ ಪಾತ್ರವನ್ನೇ. ಆಮೇಲೆ ಮರಾಠಿ ಚಿತ್ರವೊಂದರ ಐಟಂ ಗೀತೆಗೆ ಹೆಜ್ಜೆಹಾಕಿದ್ದರಷ್ಟೆ. ಅಲ್ಲಿಂದ ಇಲ್ಲಿಯವರೆಗೆ ಅವರು ಬಣ್ಣದ ಲೋಕದಿಂದ ದೂರ ಇದ್ದರು.<br /> <br /> ಮಿಲನ್ ಲೂತ್ರಿಯಾ ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ನನಗೆ ಅವರು ಮುಂಚಿನಿಂದಲೂ ಪರಿಚಯ ಇರುವವರು. ನಾರಾಜ್ ಚಿತ್ರದಲ್ಲಿನ ನನ್ನ `ಸಂಭಾಲಾ ಹೈ ಮೈನೆ' ಹಾಡನ್ನೂ ಅವರೇ ಚಿತ್ರೀಕರಿಸಿದ್ದು ಎಂದು ನೆನಪಿಸಿಕೊಂಡರು ಸೋನಾಲಿ.<br /> ಬೆಳ್ಳಿತೆರೆಗೆ ತಾವು ಮರಳಲು ನಿರ್ಮಾಪಕಿ ಶೋಭಾ ಕಪೂರ್ ಕಾರಣ ಎನ್ನುವುದನ್ನೂ ಸೋನಾಲಿ ಒಪ್ಪಿಕೊಳ್ಳುತ್ತಾರೆ.<br /> <br /> `ಕಳೆದ 40 ವರ್ಷಗಳಿಂದ ಶೋಭಾ ಆಂಟಿ ನನ್ನ ಅತ್ತೆಗೆ ಒಳ್ಳೆ ಸ್ನೇಹಿತೆ. ಅವರು ಕರೆ ಮಾಡಿ ನಟಿಸುವಂತೆ ಕೇಳಿದರು. ನನಗೆ ಇಲ್ಲ ಎನ್ನಲು ಮನಸ್ಸಾಗಲಿಲ್ಲ. ನಾನು ಈ ಚಿತ್ರಕ್ಕೆ ಯಾವ ಸಂಭಾವನೆಯನ್ನೂ ತೆಗೆದುಕೊಂಡಿಲ್ಲ. ಕೇವಲ ಅತಿಥಿಯಾಗಿ ಕೆಲವೇ ಗಂಟೆಗಳು ಮಾತ್ರ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದೇನೆ. ಆದರೆ ನನ್ನ ಈ ಪಾತ್ರ ತುಂಬಾ ಆಸಕ್ತಿಕರವಾಗಿದೆ' ಎಂದು ಪಾತ್ರದ ಕುರಿತು ಮಾತು ಹಂಚಿಕೊಂಡರು ಸೋನಾಲಿ.<br /> <br /> ಸೋನಾಲಿ ಕಾಣಿಸಿಕೊಳ್ಳುತ್ತಿರುವ `ಒನ್ಸ್ ಅಪಾನ್ ಎ ಟೈಮ್ ಇನ್ ಮುಂಬೈ ದುಬಾರಾ' ಸಿನಿಮಾದಲ್ಲಿ ಅಕ್ಷಯ್ ಕುಮಾರ್, ಇಮ್ರಾನ್ ಖಾನ್, ಸೋನಾಕ್ಷಿ ಸಿನ್ಹ ಮುಖ್ಯ ಪಾತ್ರಗಳಲ್ಲಿ ನಟಿಸಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಳ್ಳಿತೆರೆಯಿಂದ ಒಂದಿಷ್ಟು ಅಂತರ ಕಾಯ್ದುಕೊಂಡಿದ್ದ ನಟಿ ಸೋನಾಲಿ ಬೇಂದ್ರೆ ಇದೀಗ ಸಿನಿಮಾ ಒಂದರಲ್ಲಿ ಅತಿಥಿಯಾಗಿ ಕಾಣಿಸಿಕೊಳ್ಳಲು ಸಜ್ಜಾಗಿದ್ದಾರೆ. ಮಿಲನ್ ಲೂತ್ರಿಯಾ ಅವರ ಮುಂಬರುವ ಚಿತ್ರ `ಒನ್ಸ್ ಅಪಾನ್ ಎ ಟೈಮ್ ಇನ್ ಮುಂಬೈ ದುಬಾರಾ' ಚಿತ್ರದಲ್ಲಿ ನಟಿಸಲಿದ್ದಾರೆ.<br /> <br /> ಮಿಲನ್ ಅವರೊಂದಿಗೆ ಕೆಲಸ ಮಾಡಿ ತುಂಬಾ ದಿನಗಳೇ ಕಳೆದಿರುವ ಕಾರಣ ಸೋನಾಲಿ ಅಭಿನಯದಿಂದ ದೂರ ಇರಬೇಕೆಂಬ ತಮ್ಮ ನಿರ್ಧಾರವನ್ನು ಸ್ವಲ್ಪ ಸಡಿಲಿಸಿದ್ದಾರೆ. ಸಿನಿಮಾದಲ್ಲಿ ಪೂರ್ತಿಯಾಗಿ ತೊಡಗಿಕೊಳ್ಳದೆ, ಕೇವಲ ಅತಿಥಿ ಪಾತ್ರದಲ್ಲಿ ಅವರು ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರವು ಭೂಗತಲೋಕದ ಕುರಿತಾದದ್ದು ಎಂಬ ಮಾತುಗಳು ಕೇಳಿಬಂದಿವೆ.<br /> <br /> ಬಾಲಾಜಿ ಮೋಷನ್ ಪಿಕ್ಚರ್ಸ್ ನಿರ್ಮಾಣದ ಈ ಚಿತ್ರದಲ್ಲಿ ಮುಮ್ತಾಜ್ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವ ಸೋನಾಲಿ, ಹಿರಿತೆರೆಯಿಂದ 10 ವರ್ಷ ದೂರ ಉಳಿದಿದ್ದರು. ಶಾರುಖ್ ಖಾನ್, ಪ್ರೀತಿ ಜಿಂಟಾ ಮತ್ತು ಸೈಫ್ ಅಲಿ ಖಾನ್ ಅಭಿನಯದ `ಕಲ್ ಹೋ ನಾ ಹೋ' (2003) ಚಿತ್ರದಲ್ಲಿ ವೈದ್ಯೆ ಪಾತ್ರದಲ್ಲಿ ನಟಿಸಿದ ನಂತರ ಹಿಂದಿ ಚಿತ್ರರಂಗದಿಂದ ಅವರು ದೂರ ಉಳಿದಿದ್ದರು. 2004ರಲ್ಲಿ ತೆಲುಗಿನ `ಶಂಕರ್ ದಾದಾ ಎಂಬಿಬಿಎಸ್'ನಲ್ಲಿ ಅವರು ನಿರ್ವಹಿಸಿದ್ದೂ ವೈದ್ಯೆಯ ಪಾತ್ರವನ್ನೇ. ಆಮೇಲೆ ಮರಾಠಿ ಚಿತ್ರವೊಂದರ ಐಟಂ ಗೀತೆಗೆ ಹೆಜ್ಜೆಹಾಕಿದ್ದರಷ್ಟೆ. ಅಲ್ಲಿಂದ ಇಲ್ಲಿಯವರೆಗೆ ಅವರು ಬಣ್ಣದ ಲೋಕದಿಂದ ದೂರ ಇದ್ದರು.<br /> <br /> ಮಿಲನ್ ಲೂತ್ರಿಯಾ ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ನನಗೆ ಅವರು ಮುಂಚಿನಿಂದಲೂ ಪರಿಚಯ ಇರುವವರು. ನಾರಾಜ್ ಚಿತ್ರದಲ್ಲಿನ ನನ್ನ `ಸಂಭಾಲಾ ಹೈ ಮೈನೆ' ಹಾಡನ್ನೂ ಅವರೇ ಚಿತ್ರೀಕರಿಸಿದ್ದು ಎಂದು ನೆನಪಿಸಿಕೊಂಡರು ಸೋನಾಲಿ.<br /> ಬೆಳ್ಳಿತೆರೆಗೆ ತಾವು ಮರಳಲು ನಿರ್ಮಾಪಕಿ ಶೋಭಾ ಕಪೂರ್ ಕಾರಣ ಎನ್ನುವುದನ್ನೂ ಸೋನಾಲಿ ಒಪ್ಪಿಕೊಳ್ಳುತ್ತಾರೆ.<br /> <br /> `ಕಳೆದ 40 ವರ್ಷಗಳಿಂದ ಶೋಭಾ ಆಂಟಿ ನನ್ನ ಅತ್ತೆಗೆ ಒಳ್ಳೆ ಸ್ನೇಹಿತೆ. ಅವರು ಕರೆ ಮಾಡಿ ನಟಿಸುವಂತೆ ಕೇಳಿದರು. ನನಗೆ ಇಲ್ಲ ಎನ್ನಲು ಮನಸ್ಸಾಗಲಿಲ್ಲ. ನಾನು ಈ ಚಿತ್ರಕ್ಕೆ ಯಾವ ಸಂಭಾವನೆಯನ್ನೂ ತೆಗೆದುಕೊಂಡಿಲ್ಲ. ಕೇವಲ ಅತಿಥಿಯಾಗಿ ಕೆಲವೇ ಗಂಟೆಗಳು ಮಾತ್ರ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದೇನೆ. ಆದರೆ ನನ್ನ ಈ ಪಾತ್ರ ತುಂಬಾ ಆಸಕ್ತಿಕರವಾಗಿದೆ' ಎಂದು ಪಾತ್ರದ ಕುರಿತು ಮಾತು ಹಂಚಿಕೊಂಡರು ಸೋನಾಲಿ.<br /> <br /> ಸೋನಾಲಿ ಕಾಣಿಸಿಕೊಳ್ಳುತ್ತಿರುವ `ಒನ್ಸ್ ಅಪಾನ್ ಎ ಟೈಮ್ ಇನ್ ಮುಂಬೈ ದುಬಾರಾ' ಸಿನಿಮಾದಲ್ಲಿ ಅಕ್ಷಯ್ ಕುಮಾರ್, ಇಮ್ರಾನ್ ಖಾನ್, ಸೋನಾಕ್ಷಿ ಸಿನ್ಹ ಮುಖ್ಯ ಪಾತ್ರಗಳಲ್ಲಿ ನಟಿಸಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>