ಅಮೆರಿಕದಲ್ಲಿ ಕ್ರೆಡಿಟ್ ಕಾರ್ಡ್ ವಂಚಕರ ಭಾರಿ ಜಾಲ

ನ್ಯೂಯಾರ್ಕ್, (ಪಿಟಿಐ): ಸಾವಿರಾರು ಗ್ರಾಹಕರ ಕ್ರೆಡಿಟ್ ಕಾರ್ಡ್ ದತ್ತಾಂಶಗಳನ್ನು ಕದ್ದು 13 ದಶಲಕ್ಷ ಡಾಲರ್ಗೂ ಹೆಚ್ಚು ಬೆಲೆಯ ವಸ್ತುಗಳನ್ನು ಖರೀದಿ ಮಾಡಿರುವ ಮಹಾ ವಂಚನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ, ಭಾರತೀಯ ಮೂಲದ 13 ಮಂದಿ ಸೇರಿದಂತೆ 111 ಜನರ ವಿರುದ್ಧ ಪ್ರಕರಣ ದಾಖಲು ಮಾಡಲಾಗಿದೆ.

ಅಮೆರಿಕದ ಅಪರಾಧ ಇತಿಹಾಸದಲ್ಲೇ ಅತಿ ದೊಡ್ಡ ವಂಚನೆ ಪ್ರಕರಣ ಎಂದು ಬಣ್ಣಿಸಲಾಗಿರುವ ಈ ಹಗರಣದ ಪಾಲುದಾರರು ಆ್ಯಪಲ್ ಕಂಪೆನಿಯ ಕಂಪ್ಯೂಟರ್ನಿಂದ ಹಿಡಿದು ಗುಸ್ಸಿ ಕಂಪೆನಿಯ ಫ್ಯಾನ್ಸಿ ಬ್ಯಾಗ್ವರೆಗೆ ಎಲ್ಲವನ್ನೂ ಖರೀದಿ ಮಾಡಿ ಮಜಾ ಮಾಡಿದ್ದಾರೆ.

ಬ್ಯಾಂಕ್ ಉದ್ಯೋಗಿಗಳು, ಅಂಗಡಿಗಳ ನೌಕರರು ಮತ್ತು ರೆಸ್ಟೋರೆಂಟ್ಗಳ ಉದ್ಯೋಗಿಗಳು ಶಾಮೀಲಾಗಿ ಸಾವಿರಾರು ಕ್ರೆಡಿಟ್ ಕಾರ್ಡ್ ಗ್ರಾಹಕರ ದತ್ತಾಂಶವನ್ನು ಕದ್ದು ಐಷಾರಾಮಿ ಜೀವನ ನಡೆಸಿದ್ದಾರೆ.

ಈ ವಂಚಕರ ಅನೇಕ ಸಂಬಂಧಿಕರು ಅಮೆರಿಕದ ವಿವಿಧೆಡೆ ಶಾಪಿಂಗ್ ಮಾಡಿದ್ದಾರೆ ಮತ್ತು ಪಂಚತಾರಾ ಹೋಟೆಲ್ಗಳಲ್ಲಿ ಉಳಿದುಕೊಂಡು ವೈಭೋಗ ಅನುಭವಿಸಿದ್ದಾರೆ. ಇದಲ್ಲದೆ ಓಡಾಟಕ್ಕೆ ಐಷಾರಾಮಿ ಕಾರು ಮತ್ತು ಖಾಸಗಿ ವಿಮಾನಗಳನ್ನೇ ಬಳಸಿದ್ದಾರೆ.

ಅಮೆರಿಕ ಮತ್ತು ಯೂರೋಪ್ ಗ್ರಾಹಕರ ಕ್ರೆಡಿಟ್ ಕಾರ್ಡ್ಗಳ ದತ್ತಾಂಶಗಳನ್ನು ಕದ್ದು ನಕಲಿ ಕಾರ್ಡ್ಗಳನ್ನು ಮಾಡಿಸಿಕೊಂಡು ಈ ಬೃಹತ್ ವಂಚನೆ ಎಸಗಲಾಗಿದೆ.

ಕ್ವೀನ್ಸ್ ಪ್ರಾಂತ್ಯದಲ್ಲಿರುವ ಐದು ಸಂಘಟಿತ ಕ್ರೆಡಿಟ್ ಕಾರ್ಡ್ ವಂಚಕರ ತಂಡವು ಯೂರೋಪ್, ಏಷ್ಯ, ಆಫ್ರಿಕಾ, ಮಧ್ಯಪ್ರಾಚ್ಯ ರಾಷ್ಟ್ರಗಳ ವಂಚಕರ ಜಾಲದ ಜತೆ ಸಂಪರ್ಕ ಹೊಂದಿದೆ. ಇಮ್ರಾನ್ ಖಾನ್, ಅಲಿ ಖ್ವೆಸಿಸ್, ಆಂಟನಿ ಮಾರ್ಟಿನ್, ಸಂಜಯ್ ದೇವರಸನ್ ಮತ್ತು ಅಮರ್ ಸಿಂಗ್ ಐದು ಕಾನೂನು ಬಾಹಿರ ಸಂಘಟನೆಗಳ ಮುಖ್ಯಸ್ಥರು.

ಪ್ರಕರಣದಲ್ಲಿ ಶಾಮೀಲಾಗಿರುವ ಭಾರತೀಯ ಮೂಲದ ಇತರರೆಂದರೆ ವಿಷ್ಣು ಹರಿಲಾಲ್, ರವೀಂದ್ರ ಸಿಂಗ್, ನೇಹಾ ಪಂಜಾಬಿ ಸಿಂಗ್, ರವಿ ರಾಮ್ರೂಪ್ ಮತ್ತು ಕಮಲ್ ಸನಾಸಿ. ನಕಲಿ ಕ್ರೆಡಿಟ್ ಕಾರ್ಡ್ ಜಾಲದ ರೂವಾರಿಗಳು ಮತ್ತು ಅವರ ಸಂಬಂಧಿಕರ ವಿರುದ್ಧ ಕಳ್ಳತನ, ದರೋಡೆ ಮತ್ತು ವಂಚನೆ ಪ್ರಕರಣಗಳನ್ನು ದಾಖಲು ಮಾಡಲಾಗಿದೆ.

`ಕ್ರೆಡಿಟ್ ಕಾರ್ಡ್ ವಂಚನೆ ಮತ್ತು ವೈಯಕ್ತಿಕ ಮಾಹಿತಿ ಕಳ್ಳತನಗಳ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ವಂಚಕರು ನಕಲಿ ಕ್ರೆಡಿಟ್ ಕಾರ್ಡ್ ರೂಪಿಸುವಲ್ಲಿ ಪರಿಣತರಾಗಿದ್ದಾರೆ. ಇಂತಹವರಿಂದ ಬ್ಯಾಂಕುಗಳು ಮತ್ತು ಗ್ರಾಹಕರಿಗೆ ಕೋಟ್ಯಂತರ ಡಾಲರ್ಗಳ ನಷ್ಟವಾಗುತ್ತಿದೆ~ ಎಂದು ಕ್ವೀನ್ಸ್ ಜಿಲ್ಲೆಯ ಅಟಾರ್ನಿ ರಿಚರ್ಡ್ ಬ್ರೌನ್ ಆತಂಕ ವ್ಯಕ್ತಪಡಿಸಿದ್ದಾರೆ.

ನಕಲಿ ಕಾರ್ಡ್ಗಳನ್ನು ಬಳಸಿ ಐಪ್ಯಾಡ್ಸ್, ಐಫೋನ್, ಕಂಪ್ಯೂಟರ್, ಭಾರಿ ವಾಚುಗಳು ಮುಂತಾದ ವಸ್ತುಗಳನ್ನು ಖರೀದಿಸಲಾಗಿದೆ. ಈ ರೀತಿ ಖರೀದಿಸಿದ ವಸ್ತುಗಳನ್ನು ಚೀನಾ, ಯೂರೋಪ್ ಮತ್ತು ಮಧ್ಯಪ್ರಾಚ್ಯ ರಾಷ್ಟ್ರಗಳಲ್ಲಿ ಮಾರಾಟ ಮಾಡಲಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಮೆರಿಕದಲ್ಲಿ ಕ್ರೆಡಿಟ್ ಕಾರ್ಡ್ ವಂಚಕರ ಭಾರಿ ಜಾಲ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

ಚುರುಮುರಿ: ಪ್ರಾರ್ಥನೆ ಮತ್ತು ಪ್ರಯತ್ನ

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಗಳಿಗೆ ಸಮಾನ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

ಚುರುಮುರಿ: ಪ್ರಾರ್ಥನೆ ಮತ್ತು ಪ್ರಯತ್ನ