ಅರಣ್ಯ ಪ್ರದೇಶದಲ್ಲಿ ವಿಮಾನ ದುರಂತ: 28 ಮಂದಿ ಸಾವು

ಪೋರ್ಟ್ ಮೊರೆಸ್ಬಿ, (ಪಪುವಾ ನ್ಯೂಗಿನಿಯಾ),(ಎಪಿ): ಪಪುವಾ ನ್ಯೂಗಿನಿಯಾದ ಅರಣ್ಯ ಪ್ರದೇಶದಲ್ಲಿ ವಿಮಾನ ದುರಂತಕ್ಕೀಡಾಗಿ 28 ಜನರು ಮೃತಪಟ್ಟಿದ್ದಾರೆ ಎಂದು ಆಸ್ಟ್ರೇಲಿಯಾದ ಅಧಿಕಾರಿಗಳು ತಿಳಿಸಿದ್ದಾರೆ.



ಘಟನೆಯಲ್ಲಿ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್‌ನ ಪೈಲಟ್ ಸೇರಿ ನಾಲ್ವರು ಬದುಕುಳಿದಿದ್ದಾರೆ ಎಂದು ಆಸ್ಟ್ರೇಲಿಯಾದ ವಿದೇಶಾಂಗ ಮತ್ತು ವಾಣಿಜ್ಯ ಸಚಿವಾಲಯ ತಿಳಿಸಿದೆ.



`ಏರ್‌ಲೈನ್ಸ್ ಪಿಎನ್‌ಜಿ ಡ್ಯಾಶ್-8~ ಎಂಬ ವಿಮಾನವು ಗುರುವಾರ `ಲಿ~ಯಿಂದ ದಕ್ಷಿಣ ಫೆಸಿಫಿಕ್ ನಡುಗಡ್ಡೆ ರಾಷ್ಟ್ರಗಳ ಮೇಲಿಂದ `ಮದಂಗ್~ ಕಡೆ ಹಾರುತ್ತಿದ್ದಾಗ ಈ ದುರಂತ ಸಂಭವಿಸಿದೆ ಎಂದು ಅಪಘಾತ ಪತ್ತೆ ಆಯೋಗದ ವಕ್ತಾರರು ತಿಳಿಸಿದ್ದಾರೆ. ಪೊಲೀಸರು ಸ್ಥಳಕ್ಕೆ ತಲುಪಿದ್ದಾರೆ. ಅಂಬುಲೆನ್ಸ್‌ಗಳೂ ತೆರಳಿವೆ.