ಅಲ್‌ಖೈದಾಕ್ಕೆ ಜವಾಹಿರಿ ನೂತನ ಮುಖ್ಯಸ್ಥ?

ವಾಷಿಂಗ್ಟನ್ (ಪಿಟಿಐ): ಅಲ್‌ಖೈದಾ ಮುಖ್ಯಸ್ಥ ಲಾಡೆನ್ ಅಮೆರಿಕ ದಾಳಿಯಿಂದ ಸಾವನ್ನಪ್ಪಿದ ಹಿನ್ನೆಲೆಯಲ್ಲಿ ಸಂಘಟನೆಯ ಎರಡನೇ ನಾಯಕ ಏಮನ್ ಅಲ್ ಜವಾಹಿರಿ ಉತ್ತರಾಧಿಕಾರಿಯಾಗಿ ನೇಮಕಗೊಳ್ಳುವ ಸಾಧ್ಯತೆ ಇದೆ.ಆದರೆ ಈಜಿಪ್ಟ್ ಮೂಲದ ವೈದ್ಯನಾಗಿರುವ ಜವಾಹಿರಿ ಸಂಘಟನೆಯಲ್ಲಿ ಲಾಡೆನ್ ಹೊಂದಿದ್ದ ಹಿಂಬಾಲಕರ ನಿಯತ್ತು ಗಳಿಸುವುದು ಕಷ್ಟಸಾಧ್ಯ ಎನ್ನಲಾಗಿದೆ.



ಅಮೆರಿಕ ಪಡೆಗಳು ಲಾಡೆನ್ ಬೆನ್ನಿಗೆ ಬಿದ್ದ ಮೇಲೆ ಆತನ ಬೆಂಗಾವಲಾಗಿ ಜವಾಹಿರಿ ಕಾರ್ಯನಿರ್ವಹಿಸುತ್ತಿದ್ದ. ಹಾಗಾಗಿ ಲಾಡೆನ್ ಉತ್ತರಾಧಿಕಾರಿಯಾಗಿ ಜವಾಹಿರಿ ನೇಮಕವಾಗುವುದು ಬಹುತೇಕ ಖಚಿತವಾಗಿದೆ ಎಂದು ಅಮೆರಿಕದ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.