<p>`ಮದುವೆಯಾದ ಹೆಣ್ಣುಮಕ್ಕಳಿಗೆ ತನ್ನಿಚ್ಛೆಯಂತೆ ತಿನ್ನುಣ್ಣುವುದಿರಲಿ, ಕಣ್ಣುತುಂಬ ನಿದ್ದೆ ಮಾಡುವುದಕ್ಕೂ ಟೈಮೇ ಸಿಗಲ್ಲ~ ಎಂದು ಎಷ್ಟೋ ದಿನಗಳಿಂದ `ಕಂಪ್ಲೇಂಟ್~ ಮಾಡುತ್ತಿದ್ದ ಗೆಳತಿ ಒಂದು ದಿನ ಫೋನ್ ಮಾಡಿ `ಅಬ್ಬಾ, ಇನ್ನೆರಡು ವಾರ ನಾನು ಹಾಯಾಗಿ ಇರಬಹುದು. ನಮ್ಮ ಮನೆಯವರು ಆಫೀಸ್ ಕೆಲಸದ ಮೇಲೆ ಟೂರ್ ಹೋಗಿದ್ದಾರೆ.<br /> <br /> ನಾಳೆ ನಮ್ಮ ಮನೆಗೆ ಮಧ್ಯಾಹ್ನದ ಊಟಕ್ಕೆ ಬಂದುಬಿಡು. ಗಂಡಸರಿಗೆ ನಾವುಗಳು ತವರು ಮನೆಗೆ ಹೋದಾಗ ಸಿಗುತ್ತಲ್ಲ `ಫೋರ್ಸ್ಡ್ ಬ್ಯಾಚಲರ್ಸ್~ ಸಮಯ, ಅದೇ ಥರ ಈಗ ನನಗೆ ಸಿಕ್ಕಿರುವ ಈ `ಅವರಿಲ್ಲದ ಸಮಯ~ನ ಚೆನ್ನಾಗಿ ಎಂಜಾಯ್ ಮಾಡೋಣ ಅಂದ್ಕೊಂಡಿದ್ದೀನಿ. <br /> <br /> ಹಾಗೆ ಬರ್ತಾ ಇನ್ನೆರಡು ವಾರ ಟೈಮ್ನ ಹೇಗೆ ಎಂಜಾಯಬಲ್ ಆಗಿ ಮಾಡ್ಕೋಬೋದು ಅಂತ ಒಂದಿಷ್ಟು ಐಡಿಯಾಸ್ ತೊಗೊಂಬಾ~ ಎಂದು ಪಟಪಟ ಮಾತನಾಡಿದಳು.<br /> <br /> ಈ `ಅವರು~ ಇಲ್ಲದ ಸಮಯದ ಮೌಲ್ಯದ ಬಗ್ಗೆ ನನಗೂ ಅನುಭವವಿದ್ದುದರಿಂದ ನಾನು ಆಕೆಯ `ಆ ನಾಳೆ~ಯ `ಇನ್ವಿಟೇಷನ್~ ಅನ್ನು ಹೃದಯಪೂರ್ವಕವಾಗಿ ಒಪ್ಪಿಕೊಂಡೆ. <br /> <br /> ಅವಳು ಕೇಳಿದ `ಐಡಿಯಾ~ಗಳ ಬಗ್ಗೆ ಆಲೋಚಿಸಬೇಕಿದ್ದರಿಂದ ಒಂದು ಬಿಳಿ ಹಾಳೆ ಹಾಗೂ ಪೆನ್ ತೆಗೆದುಕೊಂಡೆ. ಮೊದಲು ನನಗೆ ತಿಳಿದಿರುವ ಗೆಳತಿಯರ ಅನುಭವಗಳನ್ನು ಬರೆದುಕೊಳ್ಳಲು ಶುರುಮಾಡಿಕೊಂಡೆ.<br /> <br /> <strong>ಗೆಳತಿ ಕೀರ್ತಿ <br /> </strong> ಸರ್ಕಾರಿ ನೌಕರಿಯಲ್ಲಿರುವ ಈಕೆಯ ಪತಿಗೆ ವರ್ಗಾವಣೆಯ ಸಮಸ್ಯೆ ಇರುವಂತಹದೇ! ಹೀಗಾಗಿ ಅವರೊಂದಿಗೆ ಊರೂರು ಓಡಾಡುವ ಆಕೆಯ ಪ್ರಕಾರ `ಅವರಿಲ್ಲದ ಸಮಯ~ವೆಂದರೆ ದಿನನಿತ್ಯದ ಮನೆವಾರ್ತೆಯ ನಡುವೆ ದೊರೆಯುವ ಬಿಡುವಿನ ಸಮಯವಷ್ಟೇ!<br /> <br /> ಆಕೆ ಆ ಸಮಯವನ್ನೇ ಜಾಣತನದಿಂದ ಉಪಯೋಗಿಸಿಕೊಂಡು, ಹೊಸ ಗೆಳತಿಯರ ಸ್ನೇಹವನ್ನು ಸಂಪಾದಿಸಿ, ಹೊಸ ವಾತಾವರಣದಲ್ಲಿ ತಾನೂ ಒಬ್ಬಳಾಗಿ ಅವರುಗಳೊಂದಿಗೆ ಸಂತೋಷವಾಗಿ ಹರಟೆ ಹೊಡೆಯುತ್ತಾ ಕಾಲ ಕಳೆಯುತ್ತಾಳೆ.<br /> <br /> <strong>ಗೆಳತಿ ಚಾರು</strong><br /> ನೆಂಟಸ್ತಿಕೆಯಲ್ಲೇ ವಿವಾಹ ಮಾಡಿಕೊಂಡಿರುವ ಈಕೆಗೆ `ಅವರಿಲ್ಲದ ಸಮಯ~ ದೊರೆಯುವುದು ತುಸು ಕಷ್ಟವೇ! ಒಟ್ಟು ಕುಟುಂಬದಲ್ಲಿರುವ ಈಕೆಗೆ ಬಿಡುವಿನ ಸಮಯ ದೊರೆತರೆ ಮನೆಯನ್ನು ಸ್ವಚ್ಛಮಾಡುವುದು, ನೆಂಟರಿಷ್ಟರ ಮನೆಗಳ ಆಗು -ಹೋಗುಗಳಲ್ಲಿ ಪಾತ್ರ ವಹಿಸುವುದು....ಹೀಗೆ ಒಟ್ಟಿನಲ್ಲಿ ಕುಟುಂಬದೊಂದಿಗೆಯೇ ಇರಬೇಕಷ್ಟೆ. ಅದೃಷ್ಟದಿಂದ ಯಾರೂ ಜೊತೆಗಿಲ್ಲದ ಸಮಯ ಸಿಕ್ಕಲ್ಲಿ ಅವಳು ಸದ್ದು-ಗದ್ದಲವಿರದ ವಾತಾವರಣದಲ್ಲಿ ಹಾಯಾಗಿ ನಿದ್ದೆ ಮಾಡಿಬಿಡುತ್ತಾಳೆ.<br /> <br /> <strong>ಗೆಳತಿ ಪ್ರಿಯಾ</strong><br /> ನೌಕರಿಯಲ್ಲಿರುವುದರಿಂದ ಈಕೆಗೆ `ಅವರಿಲ್ಲದ ಸಮಯ~ ವೆಂದರೆ ಮತ್ತೊಂದು ದೊಡ್ಡ ಜವಾಬ್ದಾರಿಯನ್ನು ಹೊರುವುದೆಂದರ್ಥ. ತನ್ನ ಪತಿಯು ಕೆಲಸದ ಮೇಲೆ `ಟೂರ್~ ಹೋದಾಗಲಂತೂ ಈಕೆಯ ಬವಣೆ ಹೇಳತೀರದು.<br /> <br /> ಅವರಿಲ್ಲದ ಆ ಸಮಯದಲ್ಲಿ ಆಕೆಯು ಒಂದೆರಡು ದಿನಗಳ ಮಟ್ಟಿಗೆ ನೌಕರಿಯಿಂದ ರಜೆ ಪಡೆದು, ಮಕ್ಕಳನ್ನು `ಬೇಬಿ ಸಿಟ್ಟರ್~ ಹತ್ತಿರ ಕಳುಹಿಸದೆ ಅವರುಗಳಿಗೆ ಬೇಕಾದ ಅಡುಗೆ- ತಿಂಡಿಗಳನ್ನು ಮಾಡಿಕೊಟ್ಟು ಕಾಲ ಕಳೆಯುತ್ತಾಳೆ. <br /> <br /> ಅವಳು ಹೇಳುವುದಿಷ್ಟೇ- ಪತಿಯಷ್ಟೇ ಕುಟುಂಬದ ಜವಾಬ್ದಾರಿಯನ್ನು ಹೊರುವ ಸ್ತ್ರೀಯ ದೃಷ್ಟಿಯಿಂದ ನೋಡಿದಲ್ಲಿ `ಅವರಿಲ್ಲದ ಸಮಯ~ವು ಅವಳ ಮಾನಸಿಕ ಹಾಗು ದೈಹಿಕ ಆರೋಗ್ಯಕ್ಕೆ ಅತಿ ಅವಶ್ಯವಿರುವ ಒಂದು ಔಷಧವೆಂಬುದಂತೂ ಸತ್ಯ.<br /> <br /> <strong>ಗೆಳತಿ ಜ್ಯೋತಿ</strong><br /> ಗೃಹವಿಜ್ಞಾನದಲ್ಲಿ ಸ್ನಾತಕೋತ್ತರ ಪದವಿ ಗಳಿಸಿರುವ ಈಕೆಯು ನವವಿವಾಹಿತಳು. ಈಕೆಯ `ಅವರಿಲ್ಲದ ಸಮಯ~ ವು ಗೆಳತಿಯರಿಂದ ಹೊಸ ಅಡುಗೆಗಳನ್ನು ಕಲಿಯುವುದು, ಹೊಸರೀತಿಯ ಗೃಹಾಲಂಕರಣಗಳನ್ನು ಮಾಡುವುದು ...ಒಟ್ಟಿನಲ್ಲಿ ನವವಿವಾಹಿತರು ಆಲೋಚಿಸುವಂತೆ ಪತಿಯ ಇಷ್ಟಾನಿಷ್ಟಗಳನ್ನು ಅರಿತು ನಡೆಯುವಲ್ಲಿ ಕಳೆಯುತ್ತದೆ. <br /> <br /> <strong>ಗೆಳತಿ ರೂಪ</strong><br /> ಈಕೆಗೆ ಶಾಪಿಂಗ್ ಎಂದರೆ ಬಲು ಇಷ್ಟ. ಈಗಿನ್ನೂ ಶಾಲೆಗೆ ಹೋಗುವ ವಯಸ್ಸಿನ ಮಗುವಿರುವ ಈಕೆಯ ಪತಿಗೆ ಶಾಪಿಂಗ್ ಎಂದರೆ `ಕೇವಲ ಕಾಲಹರಣ~. ಆದ್ದರಿಂದ `ಅವರಿಲ್ಲದ ಸಮಯ~ದಲ್ಲಿ ತಾನೊಬ್ಬಳೇ `ವಿಂಡೋ ಶಾಪಿಂಗ್~ಗೆ ಹೊರಡುತ್ತಾಳೆ. <br /> <br /> ಈಕೆಯ ಪ್ರಕಾರ, ಕುಟುಂಬದೊಂದಿಗೆ `ಮಾಲ್~ಗಳಿಗೆ ಹೋಗುವುದು ಮನೆಯ ಸಾಮಾನು ತರುವುದಕ್ಕೆ! ಆದರೆ ತನಗೋಸ್ಕರವಾಗಿ ಮಾಲ್ಗೆ ಹೋಗುವುದು ~ಶಾಪಿಂಗ್~ಗೆ! ಅವಳ ಅನಿಸಿಕೆ ಎಂದರೆ ಕುಟುಂಬಕ್ಕೆ ನಿಷ್ಠಳಾಗಿರುವ ಹೆಂಗಸಿಗೆ ತನ್ನದೇ ಆದ ಸಮಯವನ್ನು ತನಗೋಸ್ಕರವಾಗಿ ವಿನಿಯೋಗಿಸಿಕೊಳ್ಳುವ ಅವಕಾಶವು ಒದಗಿದಲ್ಲಿ ಆಕೆ ಅದೃಷ್ಟವಂತಳೇ ಸರಿ!<br /> <br /> <strong>ಗೆಳತಿ ಶ್ಯಾಮಾ</strong><br /> ಈಕೆಗೆ ಕಾದಂಬರಿಗಳನ್ನು ಓದುವ ಹವ್ಯಾಸ ಇದೆ. ಈಕೆಗೆ `ಅವರಿಲ್ಲದ ಸಮಯ~ವೆಂದರೆ ಹಿಗ್ಗೋ ಹಿಗ್ಗು. ಮನೆಯ ಸಮೀಪವಿರುವ ಗ್ರಂಥಾಲಯದಿಂದ ವಾರಕ್ಕೆ ಮೂರು ಪುಸ್ತಕಗಳನ್ನು ಎರವಲು ತರುವ ಈಕೆ ತನ್ನ ಬಿಡುವಿನ ವೇಳೆಯಲ್ಲಿ ತಾನು ಓದುವ ಕಥೆಗಳ ಪಾತ್ರಗಳಲ್ಲಿ ಒಂದಾಗಿ ತನ್ನದೇ ಆದ ವಿಶೇಷವಾದ ಜಗತ್ತಿನಲ್ಲಿ ವಿಹರಿಸುತ್ತಾಳೆ.<br /> <br /> ಈ ರೀತಿ ಪಟ್ಟಿ ಬೆಳೆಯುತ್ತಲೇ ಹೋಯಿತು. ನಾಳೆ ಗೆಳತಿಯ ಮನೆಗೆ ಹೋದಾಗ ನನಗೆ ಬಂದ - `ಅವರವರ ಭಾವಕ್ಕೆ, ಅವರವರ ಬದುಕಿಗೆ~ ತಕ್ಕಂತೆ ದೊರೆಯುವ ~ಅವರಿಲ್ಲದ ಸಮಯ~ವು, ಗಂಡಸರಿಗೆ ದೊರೆಯುವ `ಅವಳಿಲ್ಲದ ಸಮಯ~ಕ್ಕಿಂತ ಹೇಗೆ ಭಿನ್ನವಾಗುತ್ತದೆ?<br /> <br /> ಪತಿಯ ~ಅವಳಿಲ್ಲದ ಸಮಯ~ವನ್ನು ~ಸಿಂಪತಿ~ಯಿಂದ ನೋಡಿ, ಆತನ ಚಟುವಟಿಕೆಗಳ ಬಗ್ಗೆ ತಲೆಕೆಡಿಸಿಕೊಳ್ಳದ ಜನರು, ಸತಿಯ `ಅವರಿಲ್ಲದ ಸಮಯ~ವನ್ನು `ವ್ಯರ್ಥಕಾಲಹರಣ~ವೆಂಬುದಾಗಿ ಪರಿಗಣಿಸುವುದೇಕೆ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>`ಮದುವೆಯಾದ ಹೆಣ್ಣುಮಕ್ಕಳಿಗೆ ತನ್ನಿಚ್ಛೆಯಂತೆ ತಿನ್ನುಣ್ಣುವುದಿರಲಿ, ಕಣ್ಣುತುಂಬ ನಿದ್ದೆ ಮಾಡುವುದಕ್ಕೂ ಟೈಮೇ ಸಿಗಲ್ಲ~ ಎಂದು ಎಷ್ಟೋ ದಿನಗಳಿಂದ `ಕಂಪ್ಲೇಂಟ್~ ಮಾಡುತ್ತಿದ್ದ ಗೆಳತಿ ಒಂದು ದಿನ ಫೋನ್ ಮಾಡಿ `ಅಬ್ಬಾ, ಇನ್ನೆರಡು ವಾರ ನಾನು ಹಾಯಾಗಿ ಇರಬಹುದು. ನಮ್ಮ ಮನೆಯವರು ಆಫೀಸ್ ಕೆಲಸದ ಮೇಲೆ ಟೂರ್ ಹೋಗಿದ್ದಾರೆ.<br /> <br /> ನಾಳೆ ನಮ್ಮ ಮನೆಗೆ ಮಧ್ಯಾಹ್ನದ ಊಟಕ್ಕೆ ಬಂದುಬಿಡು. ಗಂಡಸರಿಗೆ ನಾವುಗಳು ತವರು ಮನೆಗೆ ಹೋದಾಗ ಸಿಗುತ್ತಲ್ಲ `ಫೋರ್ಸ್ಡ್ ಬ್ಯಾಚಲರ್ಸ್~ ಸಮಯ, ಅದೇ ಥರ ಈಗ ನನಗೆ ಸಿಕ್ಕಿರುವ ಈ `ಅವರಿಲ್ಲದ ಸಮಯ~ನ ಚೆನ್ನಾಗಿ ಎಂಜಾಯ್ ಮಾಡೋಣ ಅಂದ್ಕೊಂಡಿದ್ದೀನಿ. <br /> <br /> ಹಾಗೆ ಬರ್ತಾ ಇನ್ನೆರಡು ವಾರ ಟೈಮ್ನ ಹೇಗೆ ಎಂಜಾಯಬಲ್ ಆಗಿ ಮಾಡ್ಕೋಬೋದು ಅಂತ ಒಂದಿಷ್ಟು ಐಡಿಯಾಸ್ ತೊಗೊಂಬಾ~ ಎಂದು ಪಟಪಟ ಮಾತನಾಡಿದಳು.<br /> <br /> ಈ `ಅವರು~ ಇಲ್ಲದ ಸಮಯದ ಮೌಲ್ಯದ ಬಗ್ಗೆ ನನಗೂ ಅನುಭವವಿದ್ದುದರಿಂದ ನಾನು ಆಕೆಯ `ಆ ನಾಳೆ~ಯ `ಇನ್ವಿಟೇಷನ್~ ಅನ್ನು ಹೃದಯಪೂರ್ವಕವಾಗಿ ಒಪ್ಪಿಕೊಂಡೆ. <br /> <br /> ಅವಳು ಕೇಳಿದ `ಐಡಿಯಾ~ಗಳ ಬಗ್ಗೆ ಆಲೋಚಿಸಬೇಕಿದ್ದರಿಂದ ಒಂದು ಬಿಳಿ ಹಾಳೆ ಹಾಗೂ ಪೆನ್ ತೆಗೆದುಕೊಂಡೆ. ಮೊದಲು ನನಗೆ ತಿಳಿದಿರುವ ಗೆಳತಿಯರ ಅನುಭವಗಳನ್ನು ಬರೆದುಕೊಳ್ಳಲು ಶುರುಮಾಡಿಕೊಂಡೆ.<br /> <br /> <strong>ಗೆಳತಿ ಕೀರ್ತಿ <br /> </strong> ಸರ್ಕಾರಿ ನೌಕರಿಯಲ್ಲಿರುವ ಈಕೆಯ ಪತಿಗೆ ವರ್ಗಾವಣೆಯ ಸಮಸ್ಯೆ ಇರುವಂತಹದೇ! ಹೀಗಾಗಿ ಅವರೊಂದಿಗೆ ಊರೂರು ಓಡಾಡುವ ಆಕೆಯ ಪ್ರಕಾರ `ಅವರಿಲ್ಲದ ಸಮಯ~ವೆಂದರೆ ದಿನನಿತ್ಯದ ಮನೆವಾರ್ತೆಯ ನಡುವೆ ದೊರೆಯುವ ಬಿಡುವಿನ ಸಮಯವಷ್ಟೇ!<br /> <br /> ಆಕೆ ಆ ಸಮಯವನ್ನೇ ಜಾಣತನದಿಂದ ಉಪಯೋಗಿಸಿಕೊಂಡು, ಹೊಸ ಗೆಳತಿಯರ ಸ್ನೇಹವನ್ನು ಸಂಪಾದಿಸಿ, ಹೊಸ ವಾತಾವರಣದಲ್ಲಿ ತಾನೂ ಒಬ್ಬಳಾಗಿ ಅವರುಗಳೊಂದಿಗೆ ಸಂತೋಷವಾಗಿ ಹರಟೆ ಹೊಡೆಯುತ್ತಾ ಕಾಲ ಕಳೆಯುತ್ತಾಳೆ.<br /> <br /> <strong>ಗೆಳತಿ ಚಾರು</strong><br /> ನೆಂಟಸ್ತಿಕೆಯಲ್ಲೇ ವಿವಾಹ ಮಾಡಿಕೊಂಡಿರುವ ಈಕೆಗೆ `ಅವರಿಲ್ಲದ ಸಮಯ~ ದೊರೆಯುವುದು ತುಸು ಕಷ್ಟವೇ! ಒಟ್ಟು ಕುಟುಂಬದಲ್ಲಿರುವ ಈಕೆಗೆ ಬಿಡುವಿನ ಸಮಯ ದೊರೆತರೆ ಮನೆಯನ್ನು ಸ್ವಚ್ಛಮಾಡುವುದು, ನೆಂಟರಿಷ್ಟರ ಮನೆಗಳ ಆಗು -ಹೋಗುಗಳಲ್ಲಿ ಪಾತ್ರ ವಹಿಸುವುದು....ಹೀಗೆ ಒಟ್ಟಿನಲ್ಲಿ ಕುಟುಂಬದೊಂದಿಗೆಯೇ ಇರಬೇಕಷ್ಟೆ. ಅದೃಷ್ಟದಿಂದ ಯಾರೂ ಜೊತೆಗಿಲ್ಲದ ಸಮಯ ಸಿಕ್ಕಲ್ಲಿ ಅವಳು ಸದ್ದು-ಗದ್ದಲವಿರದ ವಾತಾವರಣದಲ್ಲಿ ಹಾಯಾಗಿ ನಿದ್ದೆ ಮಾಡಿಬಿಡುತ್ತಾಳೆ.<br /> <br /> <strong>ಗೆಳತಿ ಪ್ರಿಯಾ</strong><br /> ನೌಕರಿಯಲ್ಲಿರುವುದರಿಂದ ಈಕೆಗೆ `ಅವರಿಲ್ಲದ ಸಮಯ~ ವೆಂದರೆ ಮತ್ತೊಂದು ದೊಡ್ಡ ಜವಾಬ್ದಾರಿಯನ್ನು ಹೊರುವುದೆಂದರ್ಥ. ತನ್ನ ಪತಿಯು ಕೆಲಸದ ಮೇಲೆ `ಟೂರ್~ ಹೋದಾಗಲಂತೂ ಈಕೆಯ ಬವಣೆ ಹೇಳತೀರದು.<br /> <br /> ಅವರಿಲ್ಲದ ಆ ಸಮಯದಲ್ಲಿ ಆಕೆಯು ಒಂದೆರಡು ದಿನಗಳ ಮಟ್ಟಿಗೆ ನೌಕರಿಯಿಂದ ರಜೆ ಪಡೆದು, ಮಕ್ಕಳನ್ನು `ಬೇಬಿ ಸಿಟ್ಟರ್~ ಹತ್ತಿರ ಕಳುಹಿಸದೆ ಅವರುಗಳಿಗೆ ಬೇಕಾದ ಅಡುಗೆ- ತಿಂಡಿಗಳನ್ನು ಮಾಡಿಕೊಟ್ಟು ಕಾಲ ಕಳೆಯುತ್ತಾಳೆ. <br /> <br /> ಅವಳು ಹೇಳುವುದಿಷ್ಟೇ- ಪತಿಯಷ್ಟೇ ಕುಟುಂಬದ ಜವಾಬ್ದಾರಿಯನ್ನು ಹೊರುವ ಸ್ತ್ರೀಯ ದೃಷ್ಟಿಯಿಂದ ನೋಡಿದಲ್ಲಿ `ಅವರಿಲ್ಲದ ಸಮಯ~ವು ಅವಳ ಮಾನಸಿಕ ಹಾಗು ದೈಹಿಕ ಆರೋಗ್ಯಕ್ಕೆ ಅತಿ ಅವಶ್ಯವಿರುವ ಒಂದು ಔಷಧವೆಂಬುದಂತೂ ಸತ್ಯ.<br /> <br /> <strong>ಗೆಳತಿ ಜ್ಯೋತಿ</strong><br /> ಗೃಹವಿಜ್ಞಾನದಲ್ಲಿ ಸ್ನಾತಕೋತ್ತರ ಪದವಿ ಗಳಿಸಿರುವ ಈಕೆಯು ನವವಿವಾಹಿತಳು. ಈಕೆಯ `ಅವರಿಲ್ಲದ ಸಮಯ~ ವು ಗೆಳತಿಯರಿಂದ ಹೊಸ ಅಡುಗೆಗಳನ್ನು ಕಲಿಯುವುದು, ಹೊಸರೀತಿಯ ಗೃಹಾಲಂಕರಣಗಳನ್ನು ಮಾಡುವುದು ...ಒಟ್ಟಿನಲ್ಲಿ ನವವಿವಾಹಿತರು ಆಲೋಚಿಸುವಂತೆ ಪತಿಯ ಇಷ್ಟಾನಿಷ್ಟಗಳನ್ನು ಅರಿತು ನಡೆಯುವಲ್ಲಿ ಕಳೆಯುತ್ತದೆ. <br /> <br /> <strong>ಗೆಳತಿ ರೂಪ</strong><br /> ಈಕೆಗೆ ಶಾಪಿಂಗ್ ಎಂದರೆ ಬಲು ಇಷ್ಟ. ಈಗಿನ್ನೂ ಶಾಲೆಗೆ ಹೋಗುವ ವಯಸ್ಸಿನ ಮಗುವಿರುವ ಈಕೆಯ ಪತಿಗೆ ಶಾಪಿಂಗ್ ಎಂದರೆ `ಕೇವಲ ಕಾಲಹರಣ~. ಆದ್ದರಿಂದ `ಅವರಿಲ್ಲದ ಸಮಯ~ದಲ್ಲಿ ತಾನೊಬ್ಬಳೇ `ವಿಂಡೋ ಶಾಪಿಂಗ್~ಗೆ ಹೊರಡುತ್ತಾಳೆ. <br /> <br /> ಈಕೆಯ ಪ್ರಕಾರ, ಕುಟುಂಬದೊಂದಿಗೆ `ಮಾಲ್~ಗಳಿಗೆ ಹೋಗುವುದು ಮನೆಯ ಸಾಮಾನು ತರುವುದಕ್ಕೆ! ಆದರೆ ತನಗೋಸ್ಕರವಾಗಿ ಮಾಲ್ಗೆ ಹೋಗುವುದು ~ಶಾಪಿಂಗ್~ಗೆ! ಅವಳ ಅನಿಸಿಕೆ ಎಂದರೆ ಕುಟುಂಬಕ್ಕೆ ನಿಷ್ಠಳಾಗಿರುವ ಹೆಂಗಸಿಗೆ ತನ್ನದೇ ಆದ ಸಮಯವನ್ನು ತನಗೋಸ್ಕರವಾಗಿ ವಿನಿಯೋಗಿಸಿಕೊಳ್ಳುವ ಅವಕಾಶವು ಒದಗಿದಲ್ಲಿ ಆಕೆ ಅದೃಷ್ಟವಂತಳೇ ಸರಿ!<br /> <br /> <strong>ಗೆಳತಿ ಶ್ಯಾಮಾ</strong><br /> ಈಕೆಗೆ ಕಾದಂಬರಿಗಳನ್ನು ಓದುವ ಹವ್ಯಾಸ ಇದೆ. ಈಕೆಗೆ `ಅವರಿಲ್ಲದ ಸಮಯ~ವೆಂದರೆ ಹಿಗ್ಗೋ ಹಿಗ್ಗು. ಮನೆಯ ಸಮೀಪವಿರುವ ಗ್ರಂಥಾಲಯದಿಂದ ವಾರಕ್ಕೆ ಮೂರು ಪುಸ್ತಕಗಳನ್ನು ಎರವಲು ತರುವ ಈಕೆ ತನ್ನ ಬಿಡುವಿನ ವೇಳೆಯಲ್ಲಿ ತಾನು ಓದುವ ಕಥೆಗಳ ಪಾತ್ರಗಳಲ್ಲಿ ಒಂದಾಗಿ ತನ್ನದೇ ಆದ ವಿಶೇಷವಾದ ಜಗತ್ತಿನಲ್ಲಿ ವಿಹರಿಸುತ್ತಾಳೆ.<br /> <br /> ಈ ರೀತಿ ಪಟ್ಟಿ ಬೆಳೆಯುತ್ತಲೇ ಹೋಯಿತು. ನಾಳೆ ಗೆಳತಿಯ ಮನೆಗೆ ಹೋದಾಗ ನನಗೆ ಬಂದ - `ಅವರವರ ಭಾವಕ್ಕೆ, ಅವರವರ ಬದುಕಿಗೆ~ ತಕ್ಕಂತೆ ದೊರೆಯುವ ~ಅವರಿಲ್ಲದ ಸಮಯ~ವು, ಗಂಡಸರಿಗೆ ದೊರೆಯುವ `ಅವಳಿಲ್ಲದ ಸಮಯ~ಕ್ಕಿಂತ ಹೇಗೆ ಭಿನ್ನವಾಗುತ್ತದೆ?<br /> <br /> ಪತಿಯ ~ಅವಳಿಲ್ಲದ ಸಮಯ~ವನ್ನು ~ಸಿಂಪತಿ~ಯಿಂದ ನೋಡಿ, ಆತನ ಚಟುವಟಿಕೆಗಳ ಬಗ್ಗೆ ತಲೆಕೆಡಿಸಿಕೊಳ್ಳದ ಜನರು, ಸತಿಯ `ಅವರಿಲ್ಲದ ಸಮಯ~ವನ್ನು `ವ್ಯರ್ಥಕಾಲಹರಣ~ವೆಂಬುದಾಗಿ ಪರಿಗಣಿಸುವುದೇಕೆ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
