ಬುಧವಾರ, ಜೂನ್ 16, 2021
22 °C

ಆಂಧ್ರ ಕರಾವಳಿಯಲ್ಲಿ ಮಲೇಷ್ಯಾ ವಿಮಾನದ ಚೂರು?

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಹೈದರಾಬಾದ್ (ಐಎಎನ್ಎಸ್): ಕಣ್ಮರೆಯಾಗಿರುವ ಮಲೇಷ್ಯಾ ವಿಮಾನದ್ದು ಎಂದು ಶಂಕಿಸಲಾಗಿರುವ ಚೂರುಗಳು ಆಂಧ್ರ ಪ್ರದೇಶ ಕರಾವಳಿಯತ್ತ ಬುಧವಾರ ತೇಲಿ ಬಂದಿವೆ ಎಂದು ತೆಲುಗು ಟೆಲಿವಿಷನ್ ವಾಹಿನಿಯೊಂದು ವರದಿ ಮಾಡಿದೆ.



ಆಂಧ್ರ ಪ್ರದೇಶದ ದಕ್ಷಿಣ ಕರಾವಳಿಯಲ್ಲಿನ ನೆಲ್ಲೂರು ಜಿಲ್ಲೆಯ ಟಿ.ಪಿ. ಗುಡೂರು ಮಂಡಲದ ಕುಟ್ಟ ಗೌಡೂರು ಬಳಿ ಬಂಗಾಳ ಆಖಾತದಲ್ಲಿ ಅಪರಿಚಿತ ವಸ್ತು ತೇಲಿ ಬಂದಿರುವುದನ್ನು ತಾವು ನೋಡಿರುವುದಾಗಿ ಮೀನುಗಾರರು ಪೊಲೀಸರಿಗೆ ತಿಳಿಸಿದ್ದಾರೆ.



ಟಿವಿ ವಾಹಿನಿಯ ಪ್ರಕಾರ ಅಧಿಕಾರಿಗಳು ತತ್ ಕ್ಷಣವೇ ಉನ್ನತ ಅಧಿಕಾರಿಗಳಿಗೆ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. ಏನಿದ್ದರೂ ಸಮುದ್ರದಲ್ಲಿ ತೇಲುತ್ತಿರುವ ವಸ್ತುಗಳು ನಿಜವಾಗಿಯೇ ವಿಮಾನದ ಚೂರುಗಳೇ ಎಂಬ ಬಗ್ಗೆ ಅಧಿಕಾರಿಗಳಿಂದ ಯಾವುದೇ ದೃಢೀಕರಣ ಲಭ್ಯವಾಗಿಲ್ಲ.



ಐವರು ಭಾರತೀಯರು ಸೇರಿದಂತೆ 239 ಜನರನ್ನು ಹೊತ್ತ ಮಲೇಷ್ಯಾ ವಿಮಾನವು ಮಾರ್ಚ್ 8ರಂದು ಕ್ವಾಲಾಲಂಪುರದಿಂದ ಬೀಜಿಂಗ್ ಮಾರ್ಗವಾಗಿ ಸಾಗುತ್ತಿದ್ದಾಗ ನಿಗೂಢವಾಗಿ ಕಣ್ಮರೆಯಾಗಿತ್ತು.



ವಿಮಾನವು ಬಂಗಾಳ ಆಖಾತ ಇಲ್ಲವೇ ಹಿಂದೂ ಮಹಾಸಾಗರಕ್ಕೆ ಅಪ್ಪಳಿಸಿರಬಹುದು ಎಂದು ಮಲೇಷ್ಯಾದ ಟಿವಿ ಸುದ್ದಿ ವಾಹಿನಿಯೊಂದು ಎರಡು ದಿನಗಳ ಹಿಂದಷ್ಟೇ ವರದಿ ಮಾಡಿತ್ತು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.