<p><strong>ಆಗ್ರಾ, (ಐಎಎನ್ಎಸ್): </strong>ಕಳೆದ ಶನಿವಾರ ನಾಲ್ಕು ಜೀವಗಳನ್ನು ಬಲಿ ಪಡೆದ ಆಗ್ರಾ ಬಾಂಬ್ ಸ್ಫೋಟಕ್ಕೆ ಬಳಸಿದ ಸಂಕೀರ್ಣ ವೆಲ್ಡಿಂಗ್ ಕೆಲಸ ಪ್ರಕರಣದ ತನಿಖೆ ನಡೆಸುತ್ತಿರುವ ಪೊಲೀಸರ ಗಮನ ಸೆಳೆದಿದೆ. ಅದರ ಜಾಡು ಹಿಡಿದು ಹೊರಟಿರುವ ಪೊಲೀಸರು ಮಹತ್ವದ ಮಾಹಿತಿ ಕಲೆ ಹಾಕುತ್ತಿದ್ದಾರೆ. <br /> <br /> ಈ ವಿಧ್ವಂಸಕ ಕೃತ್ಯಕ್ಕೆ ಬಳಸಲಾಗಿರುವ ಸುಧಾರಿತ ಸ್ಫೋಟಕ ಸಾಧನದಲ್ಲಿ ಅಳವಡಿಸಿರುವ ರಾಸಾಯನಿಕ, ಎಲೆಕ್ಟ್ರಾನಿಕ್ ಬಿಡಿಭಾಗ ಉಳಿದ ಬಾಂಬ್ಗಳಂತೆ ಸಾಮಾನ್ಯವಾಗಿವೆ. ಆದರೆ, ಅವುಗಳನ್ನು ಜೋಡಿಸಿರುವ ಬಗೆ, ವಿನ್ಯಾಸ ಹಾಗೂ ಬೆಸುಗೆ (ವೆಲ್ಡಿಂಗ್) ಕಾರ್ಯ ಮಾತ್ರ ವಿಭಿನ್ನವಾಗಿದೆ. ಈ ತರಹದ ಸಂಕೀರ್ಣ ವಿಶೇಷ ವೆಲ್ಡಿಂಗ್ ಪೊಲೀಸರ ಗಮನ ಸೆಳೆದಿದ್ದು ಈವರೆಗೂ ಇಂತಹ ಬೆಸುಗೆ ಕಾರ್ಯ ಕಂಡಿಲ್ಲ ಎಂದಿದ್ದಾರೆ. <br /> <br /> ಪೊಲೀಸರು ಗುರುವಾರ ಸ್ಥಳೀಯ ವೆಲ್ಡಿಂಗ್ ಕೆಲಸಗಾರರನ್ನು ಸಂಪರ್ಕಿಸಿ ಮಾಹಿತಿ ಕಲೆ ಹಾಕಿದ್ದಾರೆ. ಪಟಾಕಿ ತಯಾರಿಕೆಯಲ್ಲಿ ನೈಪುಣ್ಯ ಸಾಧಿಸಿದ ಸ್ಥಳೀಯರು ತಯಾರಿಸಿದ ಕಚ್ಚಾ ಬಾಂಬ್ನಂತೆ ಇದು ಕಾಣುತ್ತಿದ್ದು, ಸಂಕೀರ್ಣ ಬೆಸುಗೆ ಕೆಲಸವನ್ನು ಸ್ಥಳೀಯರೇ ಮಾಡಿರಬಹುದು ಎಂದು ಡಿಐಜಿ ಅಸೀಮ್ ಅರುಣ್ ಹೇಳಿದ್ದಾರೆ.<br /> <br /> ಇದು ಉಗ್ರರ ಕೃತ್ಯ ಇರಬಹುದು ಎಂಬ ವಾದವನ್ನು ಪೊಲೀಸರು ತಳ್ಳಿಹಾಕಿದ್ದಾರೆ. ಉಳಿದ ತನಿಖಾ ಸಂಸ್ಥೆಗಳು ಪ್ರಕರಣಕ್ಕೆ ಸಂಬಂಧಿಸಿದಂತೆ ಇನ್ನೂ ಅಂತಿಮ ನಿರ್ಧಾರಕ್ಕೆ ಬಂದಿಲ್ಲ. ಬರೇಲಿ, ಕಾನ್ಪುರ ಮತ್ತು ದೆಹಲಿಗಳಿಗೆ ವಿಶೇಷ ಪೊಲೀಸ್ ತಂಡಗಳನ್ನು ಕಳುಹಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಆಗ್ರಾ, (ಐಎಎನ್ಎಸ್): </strong>ಕಳೆದ ಶನಿವಾರ ನಾಲ್ಕು ಜೀವಗಳನ್ನು ಬಲಿ ಪಡೆದ ಆಗ್ರಾ ಬಾಂಬ್ ಸ್ಫೋಟಕ್ಕೆ ಬಳಸಿದ ಸಂಕೀರ್ಣ ವೆಲ್ಡಿಂಗ್ ಕೆಲಸ ಪ್ರಕರಣದ ತನಿಖೆ ನಡೆಸುತ್ತಿರುವ ಪೊಲೀಸರ ಗಮನ ಸೆಳೆದಿದೆ. ಅದರ ಜಾಡು ಹಿಡಿದು ಹೊರಟಿರುವ ಪೊಲೀಸರು ಮಹತ್ವದ ಮಾಹಿತಿ ಕಲೆ ಹಾಕುತ್ತಿದ್ದಾರೆ. <br /> <br /> ಈ ವಿಧ್ವಂಸಕ ಕೃತ್ಯಕ್ಕೆ ಬಳಸಲಾಗಿರುವ ಸುಧಾರಿತ ಸ್ಫೋಟಕ ಸಾಧನದಲ್ಲಿ ಅಳವಡಿಸಿರುವ ರಾಸಾಯನಿಕ, ಎಲೆಕ್ಟ್ರಾನಿಕ್ ಬಿಡಿಭಾಗ ಉಳಿದ ಬಾಂಬ್ಗಳಂತೆ ಸಾಮಾನ್ಯವಾಗಿವೆ. ಆದರೆ, ಅವುಗಳನ್ನು ಜೋಡಿಸಿರುವ ಬಗೆ, ವಿನ್ಯಾಸ ಹಾಗೂ ಬೆಸುಗೆ (ವೆಲ್ಡಿಂಗ್) ಕಾರ್ಯ ಮಾತ್ರ ವಿಭಿನ್ನವಾಗಿದೆ. ಈ ತರಹದ ಸಂಕೀರ್ಣ ವಿಶೇಷ ವೆಲ್ಡಿಂಗ್ ಪೊಲೀಸರ ಗಮನ ಸೆಳೆದಿದ್ದು ಈವರೆಗೂ ಇಂತಹ ಬೆಸುಗೆ ಕಾರ್ಯ ಕಂಡಿಲ್ಲ ಎಂದಿದ್ದಾರೆ. <br /> <br /> ಪೊಲೀಸರು ಗುರುವಾರ ಸ್ಥಳೀಯ ವೆಲ್ಡಿಂಗ್ ಕೆಲಸಗಾರರನ್ನು ಸಂಪರ್ಕಿಸಿ ಮಾಹಿತಿ ಕಲೆ ಹಾಕಿದ್ದಾರೆ. ಪಟಾಕಿ ತಯಾರಿಕೆಯಲ್ಲಿ ನೈಪುಣ್ಯ ಸಾಧಿಸಿದ ಸ್ಥಳೀಯರು ತಯಾರಿಸಿದ ಕಚ್ಚಾ ಬಾಂಬ್ನಂತೆ ಇದು ಕಾಣುತ್ತಿದ್ದು, ಸಂಕೀರ್ಣ ಬೆಸುಗೆ ಕೆಲಸವನ್ನು ಸ್ಥಳೀಯರೇ ಮಾಡಿರಬಹುದು ಎಂದು ಡಿಐಜಿ ಅಸೀಮ್ ಅರುಣ್ ಹೇಳಿದ್ದಾರೆ.<br /> <br /> ಇದು ಉಗ್ರರ ಕೃತ್ಯ ಇರಬಹುದು ಎಂಬ ವಾದವನ್ನು ಪೊಲೀಸರು ತಳ್ಳಿಹಾಕಿದ್ದಾರೆ. ಉಳಿದ ತನಿಖಾ ಸಂಸ್ಥೆಗಳು ಪ್ರಕರಣಕ್ಕೆ ಸಂಬಂಧಿಸಿದಂತೆ ಇನ್ನೂ ಅಂತಿಮ ನಿರ್ಧಾರಕ್ಕೆ ಬಂದಿಲ್ಲ. ಬರೇಲಿ, ಕಾನ್ಪುರ ಮತ್ತು ದೆಹಲಿಗಳಿಗೆ ವಿಶೇಷ ಪೊಲೀಸ್ ತಂಡಗಳನ್ನು ಕಳುಹಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>