ಆಧಾರ್ ಇಷ್ಟೊಂದು ವಿಳಂಬವೇಕೆ?

ನಾನು ಕಳೆದ ಫೆಬ್ರುವರಿಯಲ್ಲಿ `ಆಧಾರ್~ಗೆ ಸಂಬಂಧಿಸಿದಂತೆ ಮಾಹಿತಿಯನ್ನು ಒದಗಿಸಿರುತ್ತೇನೆ.

ಆದರೆ ಇದುವರೆಗೂ `ಆಧಾರ್~ ಗುರುತಿನ ಪತ್ರ ನನ್ನ ಕೈಸೇರಿಲ್ಲ. ಕೇವಲ ಮಾಹಿತಿ ಒದಗಿರುವುದಕ್ಕೆ `ಆಧಾರ~ವಿದೆ ಅಷ್ಟೆ.

ಅಂದರೆ 7 ತಿಂಗಳಾಯಿತು. ಇನ್ನೂ ಏಕೆ ತಡ? ಮರು ಮಾಹಿತಿ ಕೊಡಬೇಕೆ ಎಂಬುದನ್ನಾದರೂ ತಿಳಿದು ಕೊಳ್ಳೋಣವೆಂದು ಅಲ್ಲಿರುವ ದೂರವಾಣಿ ಸಂಖ್ಯೆಯನ್ನು ಸಂಪರ್ಕಿಸಿದರೆ ಯಾವಾಗಲೂ ಕಾರ್ಯನಿರತವಾಗಿರುತ್ತದೆ. ನನ್ನ ನಂತರ ಮಾಹಿತಿ ಕೊಟ್ಟವರಿಗೂ ಕೇವಲ 2 ತಿಂಗಳಿನಲ್ಲಿ `ಆಧಾರ್~ ಗುರುತಿನ ಚೀಟಿ ತಲುಪಿದೆ. ದಯವಿಟ್ಟು ಈ ಸಮಸ್ಯೆಗೆ ಯಾರನ್ನು ಸಂಪರ್ಕಿಸಬೇಕೆಂದು ತಿಳಿಯುತ್ತಿಲ್ಲ. ಕಣ್ಣು ಮಿಟುಕಿಸುವಷ್ಟರಲ್ಲಿ ಎಲ್ಲವೂ ಸಿಗುವ ಎಲೆಕ್ಟ್ರಾನಿಕ್ ಯುಗದಲ್ಲಿ ಒಂದು ಗುರುತಿನ ಚೀಟಿ ಪಡೆಯಲು ಇಷ್ಟು ದಿನಗಳೇ?