<p><strong>ಚಾಮರಾಜನಗರ: </strong>ನಗರಸಭೆಗೆ ಸೇರಿದ ಜಾಗದಲ್ಲಿ ಈಗ ಫ್ಲೆಕ್ಸ್ ಬೋರ್ಡ್, ಕರಪತ್ರ ಅಂಟಿಸುವ ಪರಿಪಾಠ ಉಲ್ಬಣಿಸಿದ್ದು, ನಾಗರಿಕರು ತೊಂದರೆ ಅನುಭವಿಸುವಂತಾಗಿದೆ. <br /> <br /> ಯಾವುದೇ, ವ್ಯಕ್ತಿ, ಸಂಘ-ಸಂಸ್ಥೆಗಳು ನಗರ ಸ್ಥಳೀಯ ಸಂಸ್ಥೆಗೆ ಸೇರಿದ ಸ್ಥಳದಲ್ಲಿ ಬೇಕಾಬಿಟ್ಟಿ ಯಾಗಿ ಕರಪತ್ರ ಅಂಟಿಸುವಂತಿಲ್ಲ. ಶುಭಾಶಯ ಕೋರುವ ಜಾಹೀರಾತು ಫಲಕ ಅಳವಡಿಸುವಂತಿಲ್ಲ. ನಗರಸಭೆ ನಿಗದಿಪಡಿಸಿದ ಶುಲ್ಕ ಪಾವತಿಸಿ ಅನುಮತಿ ಪಡೆದ ನಂತರವೇ ಫಲಕ ಅಳವಡಿಸಬೇಕು. ಆದರೆ, ಅಂಥ ನಿಯಮಗಳೇ ನಗರದ ವಾಪ್ತಿ ಪಾಲನೆಯಾಗುತ್ತಿಲ್ಲ. <br /> <br /> ರಾಜಕೀಯ ಪಕ್ಷಕ್ಕೆ ಸೇರಿದ ವ್ಯಕ್ತಿಯೊಬ್ಬರು ಯಾವುದಾದರು ಘಟಕಕ್ಕೆ ಆಯ್ಕೆಯಾದರೆ ಅವರ ಭಾವಚಿತ್ರಸಹಿತ ಶುಭ ಕೋರುವ ಫ್ಲೆಕ್ಸ್ ಬೋರ್ಡ್ಗಳು ರಸ್ತೆಬದಿಯಲ್ಲಿ ರಾರಾಜಿಸುತ್ತವೆ. ಇದರಿಂದ ನಾಗರಿಕರು ಹಾಗೂ ವಾಹನ ಸಂಚಾರಕ್ಕೆ ತೊಂದರೆಯಾಗುತ್ತಿದೆ. ಜೋಡಿರಸ್ತೆಯಲ್ಲಿ ಅಳವಡಿಸುತ್ತಿರುವ ಫ್ಲೆಕ್ಸ್ ಬೋರ್ಡ್ಗಳು ಇದಕ್ಕೆ ನೈಜ ಉದಾಹರಣೆ. <br /> <br /> ಪಚ್ಚಪ್ಪ ವೃತ್ತದಿಂದ ರಾಮಸಮುದ್ರದವರೆಗೆ ಜೋಡಿರಸ್ತೆಯ ಮಧ್ಯದಲ್ಲಿ ಗುತ್ತಿಗೆ ಮೇಲೆ ಜಾಹೀರಾತು ಹಾಕಲು ನಗರಸಭೆಯಿಂದ ಜಾಹೀರಾತು ಫಲಕ ನೆಡಲಾಗಿದೆ. ಆದರೆ, ಇಲ್ಲಿಯವರೆಗೆ ಯಾವುದೇ ಕಂಪೆನಿ, ಅಂಗಡಿಗಳ ಜಾಹೀರಾತು ಪ್ರಕಟಗೊಂಡಿಲ್ಲ. ಜಾಹೀರಾತು ಬಂದರೆ ನಗರಸಭೆಗೆ ಆದಾಯ ಬರಲಿದೆ. <br /> <br /> ಆದರೆ, ಈ ಫಲಕಗಳಿಗೆ ಕೆಲವು ಮಂದಿ ತಮ್ಮ ವೈಯಕ್ತಿಕ ಪ್ರಚಾರದ ಫ್ಲೆಕ್ಸ್ ಬೋರ್ಡ್ ಕಟ್ಟುವ ಧೈರ್ಯ ಮಾಡಿರುವುದು ಉಂಟು. ಜೋಡಿರಸ್ತೆಯಲ್ಲಿ ಇಂಥ ಶುಭ ಕೋರುವ ಪುಕ್ಕಟೆ ಪ್ರಚಾರ ಫಲಕಗಳು ರಾರಾಜಿಸುತ್ತಿವೆ. ಆದರೆ, ಈ ಬಗ್ಗೆ ನಗರಸಭೆಯಿಂದ ಯಾವುದೇ ಕ್ರಮಕೈಗೊಂಡಿಲ್ಲ. <br /> <br /> ರಸ್ತೆಯ ಎರಡು ಬದಿಗೂ ತಾಗುವಂತೆಯೇ ಫ್ಲೆಕ್ಸ್ ಬೋರ್ಡ್ ಅಳವಡಿಸುತ್ತಿರುವುದರಿಂದ ಸುಗಮ ವಾಹನ ಸಂಚಾರಕ್ಕೂ ಕಷ್ಟವಾಗಿದೆ. ಫ್ಲೆಕ್ಸ್ ಬೋರ್ಡ್ಗೆ ಬಳಸುವ ಕಟ್ಟಿಗೆ, ಮೊಳೆ ಇತ್ಯಾದಿಗಳಿಂದ ಸವಾರರು ತೊಂದರೆ ಅನುಭವಿಸುವಂತಾಗಿದೆ. ಸ್ವಲ್ಪ ಎಚ್ಚರತಪ್ಪಿದರೂ ಈ ಬೋರ್ಡ್ಗಳಿಗೆ ವಾಹನಗಳು ಡಿಕ್ಕಿ ಹೊಡೆದು ಅವಘಡ ಸಂಭವಿಸುವುದು ಕಟ್ಟಿಟ್ಟಬುತ್ತಿ. <br /> <br /> ಜತೆಗೆ, ನಗರದ ವಿವಿಧ ಬಡಾವಣೆಯಲ್ಲಿ ರಸ್ತೆಯ ಅಂಚಿನಲ್ಲಿ ಅಳವಡಿಸಿರುವ ಮಾರ್ಗಸೂಚಿ ಫಲಕಗಳಿಗೆ ಕರಪತ್ರ ಅಂಟಿಸುವ ಪ್ರವೃತ್ತಿ ಮುಂದುವರಿದಿದೆ. ಇದರ ಪರಿಣಾಮ ಪರ ಊರುಗಳಿಂದ ಬರುವ ನಾಗರಿಕರು ಬಡಾವಣೆಯ ವಿಳಾಸ ಹುಡುಕಲು ಪರದಾಡುವಂತಾಗಿದೆ. <br /> <br /> ಬಡಾವಣೆಯ ಮಾರ್ಗಸೂಚಿ ಫಲಕಗಳಿಗೆ ಶಾಲಾ-ಕಾಲೇಜಿನ ಪ್ರವೇಶಾತಿಯ ಕರಪತ್ರ, ಸಿನಿಮಾ, ಖಾಸಗಿ ವೈದ್ಯಕೀಯ ಸೇವೆ ಇತ್ಯಾದಿ ಕರಪತ್ರ ಅಂಟಿಸುತ್ತಿರುವ ಪರಿಣಾಮ ನಾಗರಿಕರು ತೊಂದರೆ ಅನುಭವಿಸುವಂತಾಗಿದೆ. <br /> <br /> ಸರ್ಕಾರಿ ಕಟ್ಟಡದ ಗೋಡೆಗಳಿಗೂ ಸಿನಿಮಾ, ಸಮಾವೇಶದ ಕರಪತ್ರ ಅಂಟಿಸುತ್ತಿರುವುದು ಸಾಮಾನ್ಯವಾಗಿದೆ. ಆದರೆ, ಈ ಬಗ್ಗೆ ನಗರಸಭೆ ಆಡಳಿತ ದಿಟ್ಟಕ್ರಮ ಕೈಗೊಂಡು ಸಂಬಂಧ ಪಟ್ಟವರಿಗೆ ಎಚ್ಚರಿಕೆ ನೀಡಿ ದಂಡ ವಿಧಿಸುವ ಕಾರ್ಯಕ್ಕೆ ಮುಂದಾಗಿಲ್ಲ ಎಂಬುದು ನಾಗರಿಕರ ದೂರು. <br /> <br /> `ಅನಧಿಕೃತವಾಗಿ ಅಳವಡಿಸುವ ಫ್ಲೆಕ್ಸ್ ಬೋರ್ಡ್ಗಳಿಂದ ಫುಟ್ಪಾತ್ನಲ್ಲಿ ಸಂಚರಿಸುವುದು ಕೂಡ ಕಷ್ಟಕರವಾಗಿದೆ. ಪಚ್ಚಪ್ಪ ವೃತ್ತ ಇದಕ್ಕೊಂದು ನಿದರ್ಶನ. ರಾಜಕೀಯ ಸಮಾವೇಶ ಇತ್ಯಾದಿ ನಡೆದರೆ ಸಾರ್ವಜನಿಕ ಸ್ಥಳದಲ್ಲೂ ನಿಯಮ ಬಾಹಿರವಾಗಿ ಫ್ಲೆಕ್ಸ್ ಬೋರ್ಡ್ ಅಳವಡಿಸುವುದು ಹೆಚ್ಚುತ್ತಿದೆ. ಇದರಿಂದ ನಾಗರಿಕರು ತೊಂದರೆ ಅನುಭವಿಸುವಂತಾಗಿದೆ. <br /> <br /> ವಾಹನ ಸವಾರರು ಫ್ಲೆಕ್ಸ್ ಬೋರ್ಡ್ ನೋಡುವ ಆತುರದಲ್ಲಿ ಎಚ್ಚರ ತಪ್ಪಿದರೆ ಅಪಘಾತಕ್ಕೀಡಾಗುತ್ತಾರೆ. ನಗರಸಭೆ ಮಾತ್ರ ಅನಧಿಕೃತ ಫ್ಲೆಕ್ಸ್ ಬೋರ್ಡ್ ಹಾವಳಿ ತಡೆಗೆ ದಿವ್ಯಮೌನ ತಳೆದಿದೆ. ಕೂಡಲೇ, ತೆರವಿಗೆ ಮುಂದಾಗಬೇಕು~ ಎಂದು ಒತ್ತಾಯಿಸುತ್ತಾರೆ ಹಿರಿಯ ನಾಗರಿಕ ಮಹದೇವ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಾಮರಾಜನಗರ: </strong>ನಗರಸಭೆಗೆ ಸೇರಿದ ಜಾಗದಲ್ಲಿ ಈಗ ಫ್ಲೆಕ್ಸ್ ಬೋರ್ಡ್, ಕರಪತ್ರ ಅಂಟಿಸುವ ಪರಿಪಾಠ ಉಲ್ಬಣಿಸಿದ್ದು, ನಾಗರಿಕರು ತೊಂದರೆ ಅನುಭವಿಸುವಂತಾಗಿದೆ. <br /> <br /> ಯಾವುದೇ, ವ್ಯಕ್ತಿ, ಸಂಘ-ಸಂಸ್ಥೆಗಳು ನಗರ ಸ್ಥಳೀಯ ಸಂಸ್ಥೆಗೆ ಸೇರಿದ ಸ್ಥಳದಲ್ಲಿ ಬೇಕಾಬಿಟ್ಟಿ ಯಾಗಿ ಕರಪತ್ರ ಅಂಟಿಸುವಂತಿಲ್ಲ. ಶುಭಾಶಯ ಕೋರುವ ಜಾಹೀರಾತು ಫಲಕ ಅಳವಡಿಸುವಂತಿಲ್ಲ. ನಗರಸಭೆ ನಿಗದಿಪಡಿಸಿದ ಶುಲ್ಕ ಪಾವತಿಸಿ ಅನುಮತಿ ಪಡೆದ ನಂತರವೇ ಫಲಕ ಅಳವಡಿಸಬೇಕು. ಆದರೆ, ಅಂಥ ನಿಯಮಗಳೇ ನಗರದ ವಾಪ್ತಿ ಪಾಲನೆಯಾಗುತ್ತಿಲ್ಲ. <br /> <br /> ರಾಜಕೀಯ ಪಕ್ಷಕ್ಕೆ ಸೇರಿದ ವ್ಯಕ್ತಿಯೊಬ್ಬರು ಯಾವುದಾದರು ಘಟಕಕ್ಕೆ ಆಯ್ಕೆಯಾದರೆ ಅವರ ಭಾವಚಿತ್ರಸಹಿತ ಶುಭ ಕೋರುವ ಫ್ಲೆಕ್ಸ್ ಬೋರ್ಡ್ಗಳು ರಸ್ತೆಬದಿಯಲ್ಲಿ ರಾರಾಜಿಸುತ್ತವೆ. ಇದರಿಂದ ನಾಗರಿಕರು ಹಾಗೂ ವಾಹನ ಸಂಚಾರಕ್ಕೆ ತೊಂದರೆಯಾಗುತ್ತಿದೆ. ಜೋಡಿರಸ್ತೆಯಲ್ಲಿ ಅಳವಡಿಸುತ್ತಿರುವ ಫ್ಲೆಕ್ಸ್ ಬೋರ್ಡ್ಗಳು ಇದಕ್ಕೆ ನೈಜ ಉದಾಹರಣೆ. <br /> <br /> ಪಚ್ಚಪ್ಪ ವೃತ್ತದಿಂದ ರಾಮಸಮುದ್ರದವರೆಗೆ ಜೋಡಿರಸ್ತೆಯ ಮಧ್ಯದಲ್ಲಿ ಗುತ್ತಿಗೆ ಮೇಲೆ ಜಾಹೀರಾತು ಹಾಕಲು ನಗರಸಭೆಯಿಂದ ಜಾಹೀರಾತು ಫಲಕ ನೆಡಲಾಗಿದೆ. ಆದರೆ, ಇಲ್ಲಿಯವರೆಗೆ ಯಾವುದೇ ಕಂಪೆನಿ, ಅಂಗಡಿಗಳ ಜಾಹೀರಾತು ಪ್ರಕಟಗೊಂಡಿಲ್ಲ. ಜಾಹೀರಾತು ಬಂದರೆ ನಗರಸಭೆಗೆ ಆದಾಯ ಬರಲಿದೆ. <br /> <br /> ಆದರೆ, ಈ ಫಲಕಗಳಿಗೆ ಕೆಲವು ಮಂದಿ ತಮ್ಮ ವೈಯಕ್ತಿಕ ಪ್ರಚಾರದ ಫ್ಲೆಕ್ಸ್ ಬೋರ್ಡ್ ಕಟ್ಟುವ ಧೈರ್ಯ ಮಾಡಿರುವುದು ಉಂಟು. ಜೋಡಿರಸ್ತೆಯಲ್ಲಿ ಇಂಥ ಶುಭ ಕೋರುವ ಪುಕ್ಕಟೆ ಪ್ರಚಾರ ಫಲಕಗಳು ರಾರಾಜಿಸುತ್ತಿವೆ. ಆದರೆ, ಈ ಬಗ್ಗೆ ನಗರಸಭೆಯಿಂದ ಯಾವುದೇ ಕ್ರಮಕೈಗೊಂಡಿಲ್ಲ. <br /> <br /> ರಸ್ತೆಯ ಎರಡು ಬದಿಗೂ ತಾಗುವಂತೆಯೇ ಫ್ಲೆಕ್ಸ್ ಬೋರ್ಡ್ ಅಳವಡಿಸುತ್ತಿರುವುದರಿಂದ ಸುಗಮ ವಾಹನ ಸಂಚಾರಕ್ಕೂ ಕಷ್ಟವಾಗಿದೆ. ಫ್ಲೆಕ್ಸ್ ಬೋರ್ಡ್ಗೆ ಬಳಸುವ ಕಟ್ಟಿಗೆ, ಮೊಳೆ ಇತ್ಯಾದಿಗಳಿಂದ ಸವಾರರು ತೊಂದರೆ ಅನುಭವಿಸುವಂತಾಗಿದೆ. ಸ್ವಲ್ಪ ಎಚ್ಚರತಪ್ಪಿದರೂ ಈ ಬೋರ್ಡ್ಗಳಿಗೆ ವಾಹನಗಳು ಡಿಕ್ಕಿ ಹೊಡೆದು ಅವಘಡ ಸಂಭವಿಸುವುದು ಕಟ್ಟಿಟ್ಟಬುತ್ತಿ. <br /> <br /> ಜತೆಗೆ, ನಗರದ ವಿವಿಧ ಬಡಾವಣೆಯಲ್ಲಿ ರಸ್ತೆಯ ಅಂಚಿನಲ್ಲಿ ಅಳವಡಿಸಿರುವ ಮಾರ್ಗಸೂಚಿ ಫಲಕಗಳಿಗೆ ಕರಪತ್ರ ಅಂಟಿಸುವ ಪ್ರವೃತ್ತಿ ಮುಂದುವರಿದಿದೆ. ಇದರ ಪರಿಣಾಮ ಪರ ಊರುಗಳಿಂದ ಬರುವ ನಾಗರಿಕರು ಬಡಾವಣೆಯ ವಿಳಾಸ ಹುಡುಕಲು ಪರದಾಡುವಂತಾಗಿದೆ. <br /> <br /> ಬಡಾವಣೆಯ ಮಾರ್ಗಸೂಚಿ ಫಲಕಗಳಿಗೆ ಶಾಲಾ-ಕಾಲೇಜಿನ ಪ್ರವೇಶಾತಿಯ ಕರಪತ್ರ, ಸಿನಿಮಾ, ಖಾಸಗಿ ವೈದ್ಯಕೀಯ ಸೇವೆ ಇತ್ಯಾದಿ ಕರಪತ್ರ ಅಂಟಿಸುತ್ತಿರುವ ಪರಿಣಾಮ ನಾಗರಿಕರು ತೊಂದರೆ ಅನುಭವಿಸುವಂತಾಗಿದೆ. <br /> <br /> ಸರ್ಕಾರಿ ಕಟ್ಟಡದ ಗೋಡೆಗಳಿಗೂ ಸಿನಿಮಾ, ಸಮಾವೇಶದ ಕರಪತ್ರ ಅಂಟಿಸುತ್ತಿರುವುದು ಸಾಮಾನ್ಯವಾಗಿದೆ. ಆದರೆ, ಈ ಬಗ್ಗೆ ನಗರಸಭೆ ಆಡಳಿತ ದಿಟ್ಟಕ್ರಮ ಕೈಗೊಂಡು ಸಂಬಂಧ ಪಟ್ಟವರಿಗೆ ಎಚ್ಚರಿಕೆ ನೀಡಿ ದಂಡ ವಿಧಿಸುವ ಕಾರ್ಯಕ್ಕೆ ಮುಂದಾಗಿಲ್ಲ ಎಂಬುದು ನಾಗರಿಕರ ದೂರು. <br /> <br /> `ಅನಧಿಕೃತವಾಗಿ ಅಳವಡಿಸುವ ಫ್ಲೆಕ್ಸ್ ಬೋರ್ಡ್ಗಳಿಂದ ಫುಟ್ಪಾತ್ನಲ್ಲಿ ಸಂಚರಿಸುವುದು ಕೂಡ ಕಷ್ಟಕರವಾಗಿದೆ. ಪಚ್ಚಪ್ಪ ವೃತ್ತ ಇದಕ್ಕೊಂದು ನಿದರ್ಶನ. ರಾಜಕೀಯ ಸಮಾವೇಶ ಇತ್ಯಾದಿ ನಡೆದರೆ ಸಾರ್ವಜನಿಕ ಸ್ಥಳದಲ್ಲೂ ನಿಯಮ ಬಾಹಿರವಾಗಿ ಫ್ಲೆಕ್ಸ್ ಬೋರ್ಡ್ ಅಳವಡಿಸುವುದು ಹೆಚ್ಚುತ್ತಿದೆ. ಇದರಿಂದ ನಾಗರಿಕರು ತೊಂದರೆ ಅನುಭವಿಸುವಂತಾಗಿದೆ. <br /> <br /> ವಾಹನ ಸವಾರರು ಫ್ಲೆಕ್ಸ್ ಬೋರ್ಡ್ ನೋಡುವ ಆತುರದಲ್ಲಿ ಎಚ್ಚರ ತಪ್ಪಿದರೆ ಅಪಘಾತಕ್ಕೀಡಾಗುತ್ತಾರೆ. ನಗರಸಭೆ ಮಾತ್ರ ಅನಧಿಕೃತ ಫ್ಲೆಕ್ಸ್ ಬೋರ್ಡ್ ಹಾವಳಿ ತಡೆಗೆ ದಿವ್ಯಮೌನ ತಳೆದಿದೆ. ಕೂಡಲೇ, ತೆರವಿಗೆ ಮುಂದಾಗಬೇಕು~ ಎಂದು ಒತ್ತಾಯಿಸುತ್ತಾರೆ ಹಿರಿಯ ನಾಗರಿಕ ಮಹದೇವ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
