ಈಜು ನಿಲ್ಲಿಸಿದ ಚಿನ್ನದ ಮೀನು

ಲಂಡನ್: `ಬಾಲ್ಟಿಮೋರ್ ಬುಲೆಟ್~, `ಫ್ಲೈಯಿಂಗ್ ಫಿಶ್~ ಖ್ಯಾತಿಯ ಈಜು ತಾರೆ ಅಮೆರಿಕದ ಮೈಕಲ್ ಫೆಲ್ಪ್ಸ್ ವೃತ್ತಿಪರ ಸ್ಪರ್ಧೆಯಿಂದ ದೂರವಾಗಿದ್ದಾರೆ. ಇದರೊಂದಿಗೆ ಕಳೆದ ಒಂದು ದಶಕಕ್ಕೂ ಅಧಿಕ ಕಾಲ ಈಜುಕೊಳದಲ್ಲಿ ಮಿರಮಿರನೆ ಮಿಂಚಿದ ನಕ್ಷತ್ರವೊಂದು ತೆರೆಮರೆಗೆ ಸರಿದಂತಾಗಿದೆ.

. ಲಂಡನ್ ಒಲಿಂಪಿಕ್ಸ್ ಬಳಿಕ ನಿವೃತ್ತಿಯಾಗುವುದಾಗಿ ಫೆಲ್ಪ್ಸ್ ಈ ಮೊದಲೇ ಪ್ರಕಟಿಸಿದ್ದರು. ಈ ಕಾರಣ ಒಲಿಂಪಿಕ್ ಅರೆನಾದಲ್ಲಿ ಶನಿವಾರ ನಡೆದ ಪುರುಷರ 4ಷ100 ಮೀ. ಮೆಡ್ಲೆ ರಿಲೇ ಅವರ ಕೊನೆಯ ಸ್ಪರ್ಧೆಯಾಗಿತ್ತು. ಇದರಲ್ಲಿ ಅಗ್ರಸ್ಥಾನ ಪಡೆದ ಅಮೆರಿಕದ ತಂಡ ಫೆಲ್ಪ್ಸ್ಗೆ `ಚಿನ್ನದ ಉಡುಗೊರೆ~ ನೀಡಿತು.

. ವೃತ್ತಿಜೀವನದ ಕೊನೆಯ ಸ್ಪರ್ಧೆಯಲ್ಲೂ ಚಿನ್ನ ಗೆದ್ದದ್ದು ಫೆಲ್ಪ್ಸ್ ಅವರ ಸಾಮರ್ಥ್ಯ ಏನೆಂಬುದನ್ನು ತೋರಿಸಿಕೊಟ್ಟಿದೆ. ಮುಂದಿನ ವಿಶ್ವಚಾಂಪಿಯನ್ಷಿಪ್ ಅಥವಾ 2016ರ ರಿಯೊ ಡಿ ಜನೈರೊ ಒಲಿಂಪಿಕ್ಸ್ ಕೂಟದ ಈಜುಕೊಳದಲ್ಲಿ ಫೆಲ್ಪ್ಸ್ ಎಂಬ `ಚಿನ್ನದ ಮೀನ~ನ್ನು ಅಭಿಮಾನಿಗಳಿಗೆ ಕಾಣಲು ಸಾಧ್ಯವಿಲ್ಲ.

. ಒಲಿಂಪಿಕ್ಸ್ನಲ್ಲಿ ಅತ್ಯಧಿಕ ಪದಕ ಗೆದ್ದ ಸ್ಪರ್ಧಿ (22)

ಅತಿ ಹೆಚ್ಚು ಚಿನ್ನದ ಪದಕ (18)

ವೈಯಕ್ತಿಕ ವಿಭಾಗದಲ್ಲಿ ಗರಿಷ್ಠ ಚಿನ್ನ (11)

ವೈಯಕ್ತಿಕ ವಿಭಾಗದಲ್ಲಿ ಅತಿ ಹೆಚ್ಚು ಪದಕ ಗೆದ್ದುಕೊಂಡ ಪುರುಷ ಸ್ಪರ್ಧಿ (13)

ಒಟ್ಟು 39 ಬಾರಿ (29 ವೈಯಕ್ತಿಕ; 10 ರಿಲೇ) ವಿಶ್ವದಾಖಲೆ ಮುರಿದ ಶ್ರೇಯ

ಒಂದೇ ಒಲಿಂಪಿಕ್ ಕೂಟದಲ್ಲಿ ಅತ್ಯಧಿಕ ಚಿನ್ನದ ಪದಕ (ಬೀಜಿಂಗ್ ಕೂಟದಲ್ಲಿ 8)

ಆರು ಸಲ `ವರ್ಷದ ಶ್ರೇಷ್ಠ ಈಜುಗಾರ~ ಪ್ರಶಸ್ತಿ; ಎಂಟು ಸಲ `ಅಮೆರಿಕದ ವರ್ಷದ ಶ್ರೇಷ್ಠ ಈಜು ಸ್ಪರ್ಧಿ~ ಪ್ರಶಸ್ತಿ

ಪ್ರಮುಖ ಅಂತರರಾಷ್ಟ್ರೀಯ ಕೂಟಗಳಲ್ಲಿ ಒಟ್ಟು 71 ಪದಕ (57 ಚಿನ್ನ, 11 ಬೆಳ್ಳಿ, 3 ಕಂಚು)

. ಅಮೆರಿಕ ಗೆಲುವು ಪಡೆಯುತ್ತಿದ್ದಂತೆಯೇ ತಂಡದ ಇತರ ಸದಸ್ಯರಾದ ಮ್ಯಾಟ್ ಗ್ರಿವರ್ಸ್, ಬ್ರೆಂಡನ್ ಹ್ಯಾನ್ಸೆನ್ ಮತ್ತು ನಥಾನ್ ಅಡ್ರಿಯಾನ್ ಅವರು ಫೆಲ್ಪ್ಸ್ ಅವರನ್ನು ಅಪ್ಪಿಕೊಂಡು ಅಭಿನಂದಿಸಿದರು. `ಥ್ಯಾಂಕ್ ಯು ಲಂಡನ್~ ಎಂದು ಬರೆದಿದ್ದ ಬ್ಯಾನರ್ನ್ನು ನಾಲ್ಕು ಮಂದಿಯೂ ಪ್ರದರ್ಶಿಸಿದರು. ಅದಕ್ಕೆ ಅಭಿಮಾನಿಗಳು `ವಿ ಮಿಸ್ ಯು~ ಎಂಬ ಬ್ಯಾನರ್ ಮೂಲಕ ಪ್ರತಿಕ್ರಿಯಿಸಿದರು.

. ತಮ್ಮ ಪುತ್ರನ ಕೊನೆಯ ಸ್ಪರ್ಧೆಯನ್ನು ವೀಕ್ಷಿಸಲು ಗ್ಯಾಲರಿಯಲ್ಲಿ ತಾಯಿ ಡೆಬೀ ಫೆಲ್ಪ್ಸ್ ಹಾಗೂ ಕುಟುಂಬದ ಇತರ ಸದಸ್ಯರು ಇದ್ದರು. ವಿಜಯವೇದಿಕೆಯಲ್ಲಿ ಫೆಲ್ಪ್ಸ್ ಕಣ್ಣೀರು ಸುರಿಸಿದರು. ಇದೇ ಕೊನೆಯ ಅವಕಾಶ ಎಂಬ ಭಾವನೆ ಫೆಲ್ಪ್ಸ್ ಮನದಲ್ಲಿ ಮೂಡಿರಬಹುದು.

. 2000 ದಲ್ಲಿ ನಡೆದಿದ್ದ ಸಿಡ್ನಿ ಒಲಿಂಪಿಕ್ಸ್ನಲ್ಲಿ ಪಾಲ್ಗೊಳ್ಳುವ ಸಂದರ್ಭ ಫೆಲ್ಪ್ಸ್ 15 ವರ್ಷದ ಹುಡುಗ. ಚೊಚ್ಚಲ ಕೂಟದಲ್ಲಿ ಅವರಿಗೆ ಪದಕ ಲಭಿಸಿರಲಿಲ್ಲ. ಇದೀಗ 27ರ ಹರೆಯದಲ್ಲಿ ಸ್ಪರ್ಧಾತ್ಮಕ ಈಜುವಿಗೆ ನಿವೃತ್ತಿ ಹೇಳಿದ್ದಾರೆ. ಈ ಅವಧಿಯಲ್ಲಿ ಮಾಡಿದ ಸಾಧನೆ, ಗೆದ್ದ ಪದಕ, ಮುರಿದ ವಿಶ್ವದಾಖಲೆಗಳು ಹಲವು. ಭವಿಷ್ಯದ ಈಜು ಸ್ಪರ್ಧಿಗಳಿಗೆ ಉತ್ತೇಜನ ಹಾಗೂ ಭಾರಿ ಸವಾಲಾಗುವಂತಹ ಸಾಧನೆಗಳನ್ನು ಮಾಡಿ ಫೆಲ್ಪ್ಸ್ ಈಜುಕೊಳದಿಂದ ಮೇಲೇರಿದ್ದಾರೆ.

. ಒಲಿಂಪಿಕ್ಸ್ನಲ್ಲಿ ಒಟ್ಟು 22 ಪದಕಗಳನ್ನು ಗೆದ್ದ ಸಾಧನೆಯಂತೂ ಅಮೋಘ. ಇದರಲ್ಲಿ 18 ಚಿನ್ನ ಒಳಗೊಂಡಿವೆ. ಬೀಜಿಂಗ್ನಲ್ಲಿ ಎಂಟು ಚಿನ್ನ ಜಯಿಸಿ ಐತಿಹಾಸಿಕ ಶ್ರೇಯಕ್ಕೆ ಭಾಜನರಾಗಿದ್ದರು. ಫೆಲ್ಪ್ಸ್ ಇಷ್ಟು ಸುದೀರ್ಘ ಅವಧಿಯವರೆಗೆ ಫಿಟ್ನೆಸ್ ಕಾಪಾಡಿಕೊಂಡದ್ದು ಮೆಚ್ಚುವಂತಹ ಅಂಶ.

. ಫೆಲ್ಪ್ಸ್ ಲಂಡನ್ ಕೂಟದ ತಮ್ಮ ಮೊದಲ ಸ್ಪರ್ಧೆಯಲ್ಲಿ (400 ಮೀ. ವೈಯಕ್ತಿಕ ಮೆಡ್ಲೆ) ಪದಕ ಗೆಲ್ಲುವಲ್ಲಿ ವಿಫಲರಾಗಿದ್ದರು. ಆ ಬಳಿಕ ಎಂದಿನ ಫಾರ್ಮ್ ಕಂಡುಕೊಂಡು ಒಟ್ಟು ನಾಲ್ಕು ಚಿನ್ನ ಹಾಗೂ ಎರಡು ಕಂಚು ಗೆದ್ದುಕೊಳ್ಳಲು ಯಶಸ್ವಿಯಾದರು.

. `ಫಿನಾ~ದಿಂದ ಗೌರವ: ನಿವೃತ್ತಿ ಪ್ರಕಟಿಸಿದ ಫೆಲ್ಪ್ಸ್ ಅವರನ್ನು ಅಂತರರಾಷ್ಟ್ರೀಯ ಈಜು ಫೆಡರನೇಷನ್ (ಫಿನಾ) ಶನಿವಾರ ಗೌರವಿಸಿತು. ಫೆಡರೇಷನ್ನ ಅಧ್ಯಕ್ಷ ಜೂಲಿಯೊ ಮ್ಯಾಗ್ಲಿಯೊನಿ ಟ್ರೋಫಿಯನ್ನು ನೀಡಿದರು. ಅದರಲ್ಲಿ `ಫೆಲ್ಪ್ಸ್ ಸಾರ್ವಕಾಲೀಕ ಶ್ರೇಷ್ಠ ಒಲಿಂಪಿಕ್ ಅಥ್ಲೀಟ್~ ಎಂದು ಬರೆಯಲಾಗಿತ್ತು.

. `ಬಯಸಿದ್ದೆಲ್ಲವನ್ನೂ ಮಾಡಿ ತೋರಿಸಿದೆ~

. ಲಂಡನ್ (ರಾಯಿಟರ್ಸ್): `ಏನು ಮಾಡಬೇಕೆಂದು ಬಯಸಿದ್ದೇನೋ, ಅವೆಲ್ಲವನ್ನೂ ಮಾಡಿ ತೋರಿಸಿದ್ದೇನೆ. ನನ್ನ ಮನಸ್ಸಿನಲ್ಲಿ ಹಲವು ಗುರಿಗಳಿದ್ದವು. ಎಲ್ಲವೂ ಈಡೇರಿವೆ. ಕೋಚ್ (ಬಾಬ್ ಬೌಮನ್) ಅವರ ನೆರವಿನಿಂದ ಇದನ್ನೆಲ್ಲ ಮಾಡಲು ಸಾಧ್ಯವಾಗಿದೆ~

. ಕಳೆದ ಕೆಲ ವರ್ಷಗಳಿಂದ ಈಜುಕೊಳದ ರಾಜನಾಗಿ ಮೆರೆದ ಫೆಲ್ಪ್ಸ್ ಲಂಡನ್ ಒಲಿಂಪಿಕ್ಸ್ನಲ್ಲಿ ತಮ್ಮ ಕೊನೆಯ ಸ್ಪರ್ಧೆಯ ಬಳಿಕ ಪ್ರತಿಕ್ರಿಯಿಸಿದ್ದು ಹೀಗೆ. `ಅತ್ಯುತ್ತಮ ಫಾರ್ಮ್ನಲ್ಲಿದ್ದರೂ ಏಕೆ ನಿವೃತ್ತಿಯಾಗುವಿರಿ?~ ಎಂಬ ಪ್ರಶ್ನೆಗೆ ಅವರು ಈ ಮೇಲಿನಂತೆ ಉತ್ತರಿಸಿದರು.

. `30 ವರ್ಷ ವಯಸ್ಸಿನ ಬಳಿಕ ಈಜುವುದಿಲ್ಲ ಎಂದು ನನ್ನಲ್ಲೇ ಹೇಳಿಕೊಂಡಿದ್ದೆ. ಅದಕ್ಕಾಗಿ ಇನ್ನೂ ಮೂರು ವರ್ಷಗಳಿವೆ. ಆದರೂ ನನಗೆ ಮೂರು ವರ್ಷಗಳ ಕಾಲ ಕಾಯಲು ಸಾಧ್ಯವಿಲ್ಲ~ ಎಂದರು.

. `ಅಂತಿಮ ಪದಕ ಪಡೆಯಲು ವಿಜಯ ವೇದಿಕೆಗೆ ಏರಿದಾಗ ಕಣ್ಣುಗಳು ತೇವಗೊಂಡವು. ಕಣ್ಣೀರನ್ನು ತಡೆಯಲು ಪ್ರಯತ್ನಿಸಿದೆ. ಬಳಿಕ ಆ ಪ್ರಯತ್ನ ಕೈಬಿಟ್ಟೆ. ವೃತ್ತಿಜೀವನದ ಕೊನೆಯ ಕೆಲವು ದಿನಗಳನ್ನು ಎಂದೆಂದಿಗೂ ಮರೆಯಲಾರೆ~ ಎಂದರು.

. `ವಿಶ್ವದ ವಿವಿಧ ಭಾಗಗಳಿಗೆ ಪ್ರವಾಸ ಕೈಗೊಳ್ಳುವುದು ಮುಂದಿನ ಗುರಿ. ಏಕೆಂದರೆ ಈಗಾಗಲೇ ವಿಶ್ವದ ಹಲವು ಕಡೆಗಳಿಗೆ ಪ್ರಯಾಣಿಸಿದ್ದೇನೆ. ಆದರೆ ಆ ಪ್ರವಾಸವನ್ನು ಅನುಭವಿಸಿಲ್ಲ~ ಎನ್ನುತ್ತಾ ನಗು ಬೀರಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಈಜು ನಿಲ್ಲಿಸಿದ ಚಿನ್ನದ ಮೀನು

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ