ಬುಧವಾರ, ಮೇ 25, 2022
31 °C

ಎಥೆನಾಲ್ ಅಧಿಕ ಉತ್ಪಾದನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ(ಪಿಟಿಐ): ದೇಶದಲ್ಲಿನ `ಎಥೆನಾಲ್~ ಉತ್ಪಾದನೆ   2012ರಲ್ಲಿ ಶೇ 29ರಷ್ಟು ಹೆಚ್ಚಳವಾಗುವ ನಿರೀಕ್ಷೆ ಇದೆ.



ಸಕ್ಕರೆಯ ಉತ್ಪಾದನೆ ಹೆಚ್ಚಾಗಿರುವುದರಿಂದ ಪ್ರಸಕ್ತ ಮಾರುಕಟ್ಟೆ ವರ್ಷ(2011 ಅಕ್ಟೋಬರ್‌ನಿಂದ 2012ರ ಸೆಪ್ಟೆಂಬರ್) ಭಾರತದಲ್ಲಿ 217 ಕೋಟಿ ಲೀಟರ್ ಎಥೆನಾಲ್ ಉತ್ಪಾದನೆ ಆಗಲಿದೆ ಎಂದು  ಅಮೆರಿಕದ ಕೃಷಿ ಇಲಾಖೆ(ಯುಎಸ್‌ಡಿಎ) ಅಂದಾಜು ಮಾಡಿದೆ.



2010-11ರ ಮಾರುಕಟ್ಟೆ ವರ್ಷದಲ್ಲಿ ಭಾರತದಲ್ಲಿ 168.10 ಕೋಟಿ ಲೀಟರ್ ಎಥೆನಾಲ್ ಉತ್ಪಾದನೆ ಆಗಿದ್ದಿತು.



ಭಾರತದಲ್ಲಿ ಸಕ್ಕರೆಯ ಮೊಲಾಸಸ್‌ನಿಂದಲೇ ಸಾಂಪ್ರದಾಯಿಕ ಶೈಲಿಯಲ್ಲಿ ಎಥೆನಾಲ್ ಉತ್ಪಾದಿಸಲಾಗುತ್ತಿದೆ. 2011-12ರ ಮಾರುಕಟ್ಟೆ ವರ್ಷದಲ್ಲಿ ಭಾರತದಲ್ಲಿ ಒಟ್ಟು 2.60 ಕೋಟಿ ಟನ್ ಸಕ್ಕರೆ ಉತ್ಪಾದನೆ ಆಗುವ ಅಂದಾಜಿದೆ.

 

ವಾಸ್ತವವಾಗಿ ಭಾರತದ ಆಂತರಿಕ ಮಾರುಕಟ್ಟೆಯಲ್ಲಿನ ಸಕ್ಕರೆ ಬೇಡಿಕೆ 2.20 ಕೋಟಿ ಟನ್‌ಗಳಷ್ಟಿದ್ದು, ಈ ಬಾರಿ ಅಗತ್ಯಕ್ಕಿಂತಲೂ ಹೆಚ್ಚು ಸಕ್ಕರೆ ಉತ್ಪಾದನೆ ಆಗಲಿದೆ. ಇದೇ ವೇಳೆ ಎಥೆನಾಲ್ ಉತ್ಪಾದನೆಯೂ ಹೆಚ್ಚಲಿದೆ ಎಂದಿದೆ `ಯುಎಡಿಎ~ದ ಇತ್ತೀಚಿನ ವರದಿ.



ಆದರೆ, ಭಾರತದಲ್ಲಿನ ಎಥೆನಾಲ್ ಬೇಡಿಕೆ ಈ ವರ್ಷ 208.50 ಕೋಟಿ ಲೀಟರ್‌ನಷ್ಟಿರಲಿದೆ. ಜತೆಗೆ ಪ್ರಸಕ್ತ ಮಾರುಕಟ್ಟೆ ವರ್ಷದಲ್ಲಿ 8 ಕೋಟಿ ಲೀಟರ್ ಎಥೆನಾಲ್ ಆಮದು  ಸಹ ಆಗಲಿದೆ. ಅಂದರೆ ಅಗತ್ಯಕ್ಕಿಂತ ತುಸು ಹೆಚ್ಚೇ ಎಥೆನಾಲ್ ಲಭ್ಯವಿರಲಿದೆ ಎಂದು ವರದಿಯಲ್ಲಿ ವಿವರಿಸಲಾಗಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.