ಏಕ ವ್ಯಕ್ತಿ ಚುನಾವಣಾ ಪ್ರಚಾರ: ಆರೋಪ

ಪಣಜಿ (ಪಿಟಿಐ): ಬಿಜೆಪಿ ಪ್ರಧಾನಿ ಅಭ್ಯರ್ಥಿ ನರೇಂದ್ರ ಮೋದಿ ವಿರುದ್ಧ ಕಿಡಿ ಕಾರಿರುವ ಗೋವಾ ಚರ್ಚ್‌, ‘ಅಧ್ಯಕ್ಷೀಯ ಚುನಾವಣೆ ರೀತಿಯಲ್ಲಿ ಏಕ ವ್ಯಕ್ತಿ ಕೇಂದ್ರಿತ­ವಾಗಿ ಚುನಾವಣಾ ಪ್ರಚಾರ ನಡೆಯುತ್ತಿದೆ’ ಎಂದು ಆರೋಪಿಸಿದೆ.



ಗೋವಾ ಧರ್ಮಪ್ರಾಂತದ ಸಮಾಜ ಸೇವಾ ಘಟಕವಾದ ಸಾಮಾಜಿಕ ನ್ಯಾಯ ಮತ್ತು ಶಾಂತಿ ಮಂಡಳಿಯು (ಸಿಎಸ್‌ಜೆಪಿ) ಬುಧವಾರ ಬಿಡುಗಡೆ ಮಾಡಿರುವ ಚುನಾವಣಾ ಸಂಬಂಧಿ ಕರಪತ್ರದಲ್ಲಿ ಈ ರೀತಿ ಹೇಳಿದೆ.



ಉತ್ತಮ ಆಡಳಿತದ ‘ಕಲ್ಪಿತ’ ಮಾದರಿಗಳನ್ನು ಸಮಾಜದ ಮುಂದೆ ಪ್ರದರ್ಶಿಸಲಾಗುತ್ತಿದೆ ಎಂದೂ ಸಿಎಸ್‌ಜೆಪಿ ದೂರಿದೆ.