ಏಪ್ರಿಲ್-ಮೇ: ದುಪ್ಪಟ್ಟು ಯೂರಿಯಾ ಆಮದು

ನವದೆಹಲಿ(ಪಿಟಿಐ): ಪ್ರಸಕ್ತ ಹಣಕಾಸು ವರ್ಷದ ಮೊದಲ ಎರಡು ತಿಂಗಳಲ್ಲಿ ಯೂರಿಯಾ ಆಮದು ದುಪ್ಪಟ್ಟಾಗಿದೆ. ಈ ಬಾರಿ ಉತ್ತಮ ಮುಂಗಾರು ನಿರೀಕ್ಷೆ ಇರುವುದರಿಂದ ಈ ರಸಗೊಬ್ಬರಕ್ಕೆ ಬೇಡಿಕೆ ಹೆಚ್ಚಬಹುದು ಎಂಬ ನಿರೀಕ್ಷೆಯಲ್ಲಿ ಆಮದು ಪ್ರಮಾಣವನ್ನು ಹೆಚ್ಚಿಸಲಾಗಿದ್ದು, ಏಪ್ರಿಲ್-ಮೇ ತಿಂಗಳಲ್ಲಿ 6.54 ಲಕ್ಷ ಟನ್ ತರಿಸಿಕೊಳ್ಳಲಾಗಿದೆ.



ಕಳೆದ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ 3.51 ಲಕ್ಷ ಟನ್ ಆಮದಾಗಿತ್ತು. 2012-13ನೇ ಹಣಕಾಸು ವರ್ಷದಲ್ಲಿ ಟನ್‌ಗೆ 417 ಡಾಲರ್ ದರದಲ್ಲಿ ಒಟ್ಟು 80.44 ಲಕ್ಷ ಟನ್ ಯೂರಿಯಾ ತರಿಸಿಕೊಳ್ಳಲಾಗಿತ್ತು ಎಂದು ಕೇಂದ್ರ ರಸಗೊಬ್ಬರ ಸಚಿವಾಲಯ ಮಂಗಳವಾರ ತಿಳಿಸಿದೆ.