ಐಎಎಸ್ ದಂಪತಿ ಅಕ್ರಮ ಆಸ್ತಿತನಿಖೆಗೆ ಸಮಿತಿ ರಚನೆ

ನವದೆಹಲಿ (ಪಿಟಿಐ): ಐಎಎಸ್ ದಂಪತಿ ಅರವಿಂದ ಮತ್ತು ಟಿನು ಜೋಷಿ ಇವರಿಗೆ ಸೇರಿದ 360 ಕೋಟಿ ರೂಪಾಯಿ ಮೌಲ್ಯದ ಅಕ್ರಮ ಆಸ್ತಿ ಕುರಿತು ತನಿಖೆ ನಡೆಸಲು ಮಧ್ಯಪ್ರದೇಶ ಸರ್ಕಾರ ನಿವೃತ್ತ ಐಎಎಸ್ ಅಧಿಕಾರಿ ನೇತೃತ್ವದಲ್ಲಿ ಸಮಿತಿಯೊಂದನ್ನು ರಚಿಸಿದೆ.



ರಾಜ್ಯದ ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾಣ್ ಬುಧವಾರ ಈ ಮಾಹಿತಿ ನೀಡಿ, ‘ಇತರರಿಗೆ ಮಾದರಿ ಆಗುವಂತಹ ಕ್ರಮ’ ಕೈಗೊಳ್ಳುತ್ತೇವೆ ಎಂದರು.ರಾಜ್ಯದ ನಿವೃತ್ತ ಮುಖ್ಯ ಕಾರ್ಯದರ್ಶಿ ನಿರ್ಮಲಾ ಬಕ್ ತನಿಖೆ ನಡೆಸುತ್ತಿದ್ದು, ಆದಷ್ಟು ಬೇಗ ವರದಿ ಸಲ್ಲಿಸಬೇಕು ಎಂದು ಅವರಿಗೆ ಆದೇಶಿಸಲಾಗಿದೆ ಎಂದು ಚೌಹಾಣ್ ಹೇಳಿದರು.



ಈ ಮಧ್ಯೆ ಆದಾಯ ತೆರಿಗೆ ಇಲಾಖೆ ಆರೋಪಿ ದಂಪತಿಯ ಆದಾಯದ ಲೆಕ್ಕಾಚಾರ ನಡೆಸಿ, ವರದಿ ಯನ್ನು ಕೇಂದ್ರ ಕಚೇರಿಗೆ ಸಲ್ಲಿಸಿದ್ದಾರೆ. ಆದಾಯ ಮೊತ್ತ, ತೆರಿಗೆ ಬಾಕಿ, ವಸೂಲಿ ಮಾಡಬೇಕಾದ ಮೊತ್ತ  ಇತ್ಯಾದಿಗಳನ್ನು ಇನ್ನಷ್ಟೇ ಪ್ರಕಟಣೆ ಮಾಡಬೇಕಾಗಿದೆ.