ಬುಧವಾರ, ಜೂನ್ 16, 2021
22 °C

ಒಬಾಮ ವಿರುದ್ಧ ಕೀಳುಮಟ್ಟದ ಜೋಕ್ ; ಕ್ಷಮೆ ಕೋರಿದ ನ್ಯಾಯಾಧೀಶ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಒಬಾಮ ವಿರುದ್ಧ ಕೀಳುಮಟ್ಟದ ಜೋಕ್ ; ಕ್ಷಮೆ ಕೋರಿದ ನ್ಯಾಯಾಧೀಶ

ಲಾಸ್ ಏಂಜಲೀಸ್ (ಪಿಟಿಐ): ಆಫ್ರಿಕಾ ಮೂಲದ ಅಮೆರಿಕದ ಪ್ರಜೆಗಳನ್ನು `ನಾಯಿ~ಗಳಿಗೆ ಹೋಲಿಸುವ ಮೂಲಕ ಅಮೆರಿಕದ ಅಧ್ಯಕ್ಷ ಬರಾಕ್ ಒಬಾಮ ಅವರನ್ನು ಉದ್ದೇಶಿಸಿ ಬರೆದಿದ್ದ ಕೀಳುಮಟ್ಟದ `ಜೋಕ್~ ಒಂದನ್ನು ಇ-ಮೇಲ್ ಕಳುಹಿಸಿದ್ದ ಜಿಲ್ಲಾ ಮುಖ್ಯ ನ್ಯಾಯಾಧೀಶರೊಬ್ಬರು ಕೊನೆಗೂ ತಮ್ಮ ತಪ್ಪಿಗಾಗಿ ಒಬಾಮ ಅವರ ಕ್ಷಮೆ ಕೋರಿದ್ದಾರೆ.



ಮೊಂಟಾನಾದ ಜಿಲ್ಲಾ ಮುಖ್ಯ ನ್ಯಾಯಾಧೀಶ ರಿಚರ್ಡ್ ಸೆಬುಲ್, ಕಚೇರಿಯಿಂದ ತಮ್ಮ ಏಳು ಆಪ್ತ ಮಿತ್ರರಿಗೆ ಈ ಜೋಕ್ ಅನ್ನು ಇ-ಮೇಲ್ ಮಾಡಿದ್ದರು.



ಅವರ ಮಿತ್ರನೊಬ್ಬ ರಿಚರ್ಡ್ ಅವರ  ಹೆಸರಿನ ಸಮೇತ ಇತರರಿಗೆ ಮಾತ್ರವಲ್ಲದೆ, `ಗ್ರೇಟ್ ಫಾಲ್ಸ್ ಟ್ರಿಬ್ಯೂನ್~ ಪತ್ರಿಕೆಗೂ ಆ ಜೋಕ್ ಅನ್ನು ಕಳುಹಿಸ್ದ್ದಿದ. ಇದು ವಿವಾದವನ್ನು ಹುಟ್ಟುಹಾಕಿತ್ತು.



`ಈ ವಿಷಯ ಬಹಿರಂಗ ಚರ್ಚೆಗೆ ಕಾರಣವಾಗುತ್ತದೆ ಮತ್ತು ಇಷ್ಟು ದೊಡ್ಡ ವಿವಾದಕ್ಕೆ ಗುರಿಯಾಗುತ್ತದೆ ಎಂಬ ಅರಿವು ನನಗೆ ಇರಲಿಲ್ಲ. ಇದೊಂದು ಅತ್ಯಂತ ಖಾಸಗಿ ವಿಷಯ. ಖಾಸಗಿ ಪತ್ರ ಬಹಿರಂಗವಾಗಿದ್ದು ವಿಷಾದನೀಯ~ ಎಂದು ರಿಚರ್ಡ್ ಸ್ಥಳೀಯ ಪತ್ರಿಕೆಗೆ    ನೀಡಿದ ಸಂದರ್ಶನದಲ್ಲಿ     ತಿಳಿಸಿದ್ದಾರೆ.



`ನಾನು ಜನಾಂಗವಾದಿಯೂ ಅಲ್ಲ; ಜನಾಂಗೀಯ ನಿಂದನೆ ಮಾಡುವ ಉದ್ದೇಶವೂ ಇರಲಿಲ್ಲ. ಜತೆಗೆ ನಮ್ಮ ಅಧ್ಯಕ್ಷ ಒಬಾಮ ಅವರ ಅಭಿಮಾನಿಯೂ ಅಲ್ಲ. ಅದರಲ್ಲಿ ಒಬಾಮ ವಿರೋಧಿ ಸಂದೇಶವಿದ್ದ ಕಾರಣ ಅವರನ್ನು ಕಿಚಾಯಿಸುವ ಉದ್ದೇಶದಿಂದ ಇ-ಮೇಲ್ ಕಳುಹಿಸಿದ್ದೆ ಅಷ್ಟೆ~ ಎಂದು ರಿಚರ್ಡ್ ಸ್ಪಷ್ಟನೆ ನೀಡಿದ್ದಾರೆ. 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.