ಬುಧವಾರ, ಫೆಬ್ರವರಿ 19, 2020
24 °C

ಕಡೂರು: ತರಳಬಾಳು ಹುಣ್ಣಿಮೆ ಮಹೋತ್ಸವ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕಡೂರು: ತರಳಬಾಳು ಹುಣ್ಣಿಮೆ ಮಹೋತ್ಸವ

ಕಡೂರು:  ಎಲ್ಲೆಲ್ಲೂ ಹಾರಾಡುವ `ಶಿವ~ ಲಾಂಛನದ ಕೇಸರಿ ಬಾವುಟಗಳು, ದಾರಿಯುದ್ದಕ್ಕೂ ಸ್ವಾಗತ ಕಮಾನುಗಳು, ಮಠದ ಆನೆಯ ಗಂಭೀರ ನಡೆಯ ಮಧ್ಯೆ ಸಿರಿಗೆರೆ ಮಠದ ಶಿವಮೂರ್ತಿ ಶಿವಾಚಾರ್ಯ ಸ್ವಾಮೀಜಿ  ಅವರನ್ನು ಪಟ್ಟಣದ ನಾಗರಿಕರು ಸೋಮವಾರ ಭವ್ಯವಾಗಿ ಸ್ವಾಗತಿಸಿದರು.

ಪಟ್ಟಣಕ್ಕೆ ಸಾವಿರಾರು ಭಕ್ತರ ಜತೆ ಆಗಮಿಸಿದ ಹುಣ್ಣಿಮೆ ಮಹೋತ್ಸವದ ಕೇಂದ್ರಬಿಂದು ಸಿರಿಗೆರೆ ಸ್ವಾಮೀಜಿ  ಅವರನ್ನು ತರಳಬಾಳು ಹುಣ್ಣಿಮೆ ಆಚರಣಾ ಸಮಿತಿ ಸದಸ್ಯರು ಮತ್ತು ಭಕ್ತರು ಪಟ್ಟಣದ ವೇದಾವತಿ ಬಾಲಿಕಾ ಪ್ರೌಢಶಾಲೆ ಬಳಿ ಭಕ್ತಿ-ಗೌರವಗಳೊಂದಿಗೆ ಬರಮಾಡಿಕೊಂಡರು.

ನಂತರ ಸ್ವಾಮೀಜಿ ಅವರನ್ನು ನಾಲ್ಕು ಕುದುರೆಗಳ ಸಾರೋಟಿನಲ್ಲಿ ಸ್ವಾಮೀಜಿ  ಅವಯನ್ನು ಕುಳ್ಳಿರಿಸಿ ಬಿ.ಎಚ್.ರಸ್ತೆ ಮುಖಾಂತರ ಮೆರವಣಿಗೆಯಲ್ಲಿ ಬಸವೇಶ್ವರ ವೃತ್ತದ ಬಳಿಗೆ ಕರೆ ತರಲಾಯಿತು. ಮಹಿಳೆಯರ ವೀರಗಾಸೆ ಕುಣಿತ, ತಟ್ಟೀರಾಯ, ನಾಸಿಕ್ ಬ್ಯಾಂಡ್, ಛತ್ರಿ, ಚಾಮರಗಳು, ನೂರಾರು ಯುವಕರ ಬೈಕ್‌ಗಳ ಆರ್ಭಟ, ಪಟಾಕಿಗಳ ಸದ್ದಿನ ನಡುವೆ ಮೆರವಣಿಗೆಯ ಸಡಗರ ಇಮ್ಮಡಿಸಿತ್ತು. ಮೆರವಣಿಗೆ ಮಾರ್ಗದಲ್ಲಿ ತಳಿರು ತೋರಣ, ಬಾಳೆಕಂದುಗಳೊಂದಿಗೆ ಪಟ್ಟಣವನ್ನು ಸಿಂಗರಿಸಲಾಗಿತ್ತು.

ಬಸವೇಶ್ವರ ವೃತ್ತದಲ್ಲಿ ವಿಶಾಲ ಚಾರಿಟಬಲ್ ಟ್ರಸ್ಟ್ ಮೂಲಕ ನಿರ್ಮಿಸಿರುವ ಬಸವೇಶ್ವರರ ಪುತ್ಥಳಿಯನ್ನು ಯಳನಾಡು ಸ್ವಾಮೀಜಿ ಜತೆ ಸಿರಿಗೆರೆ ಸ್ವಾಮೀಜಿ ಅನಾವರಣಗೊಳಿಸಿದರು.

ದಾವಣಗೆರೆ, ಚಿತ್ರದುರ್ಗ, ಹಾವೇರಿ, ಬಳ್ಳಾರಿ, ಚಿಕ್ಕಮಗಳೂರು ಕಡೆಯಿಂದ ಭಕ್ತರ ಸಾಗರವೇ ಪಟ್ಟಣಕ್ಕೆ ಹರಿದು ಬಂದಿತ್ತು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)