<p><strong>ನೀವು ಭವಿಷ್ಯದ ಕನಸುಗಳನ್ನು ಕಾಣುತ್ತಾ ಕಾಲೇಜಿನಲ್ಲಿದ್ದೀರಾ? ಕಾಲೇಜ್, ಹಾಸ್ಟೆಲ್ ಶುಲ್ಕ, ಇತ್ಯಾದಿಗಳಿಗೆ ಹಣ ಒದಗಿಸುವುದು ಸವಾಲೆನಿಸುತ್ತಿದೆಯೇ? ಹಣದ ಕೊರತೆಯಿಂದ, ವ್ಯಕ್ತಿತ್ವ ವಿಕಸನ ಅಥವಾ ಇತರ ಕೋರ್ಸ್ ಸೇರಲಾಗುತ್ತಿಲ್ಲವೇ? ಹಾಗಿದ್ದಲ್ಲಿ, ಮುಂದೆ ಓದಿ</strong>.<br /> <br /> ಆಕಾಶ್, ನಗರದ ಕಾಲೇಜೊಂದರಲ್ಲಿ ಅಂತಿಮ ಬಿ.ಬಿ.ಎ. ಓದುತ್ತಿದ್ದಾನೆ. ಕ್ಯಾಟ್ ಪರೀಕ್ಷೆಯಲ್ಲಿ ಪಾಸಾಗಿ ಐ.ಐ.ಎಂ.ನಲ್ಲಿ ಮ್ಯೋನೇಜ್ಮೆಂಟ್ ಮಾಡುವ ಆಕಾಂಕ್ಷೆ ಅವನದು. <br /> <br /> ಕಾಲೇಜ್ ಮುಗಿದ ಮೇಲೆ, ಕ್ಯಾಟ್ ಪರೀಕ್ಷೆಗೆ ಕೋಚಿಂಗ್; ನಂತರ ರಾತ್ರಿ ಒಂಬತ್ತರವರೆಗೆ ಫಾಸ್ಟ್ ಫುಡ್ ಕೆಫೆಯಲ್ಲಿ ಕೆಲಸ. ಹಾಸ್ಟೆಲ್ನಲ್ಲಿ ಮಲಗುವ ಮುಂಚೆ ಒಂದೆರಡು ಗಂಟೆ ವ್ಯಾಸಂಗ. ಇದು ಅವನ ದಿನಚರಿ.<br /> <br /> ಆಕಾಶ್ನಂತಹ ವಿಧ್ಯಾರ್ಥಿಗಳನ್ನು ನೋಡಿದರೆ ಹೆಮ್ಮೆ ಎನಿಸುತ್ತದೆ. ವಾಸ್ತವವಾಗಿ, ಇಂದು ಅನೇಕ ವಿಧ್ಯಾರ್ಥಿಗಳು ಪಾರ್ಟ್ ಟೈಮ್ ಕೆಲಸಗಳನ್ನು ಮಾಡುತ್ತಾ, ಸ್ವಾವಲಂಬಿಗಳಾಗಿದ್ದಾರೆ.<br /> <br /> ಆದ್ದರಿಂದ, ನಿಮಗೂ ಹಣದ ಅವಶ್ಯಕತೆ ಇದ್ದಲ್ಲಿ ಯೋಚಿಸುವ ಅಗತ್ಯವಿಲ್ಲ. ದಿನಕ್ಕೆ ಒಂದೆರಡು ಗಂಟೆಯನ್ನು ಕಾದಿಟ್ಟರೆ ಸಾಕು; ನಿಮ್ಮ ದೈನಂದಿನ ಅಥವಾ ಹೆಚ್ಚುವರಿ ಹಣದ ಅವಶ್ಯಕತೆಯನ್ನು ಪೂರೈಸುವ ಆವಕಾಶಗಳೀಗ ಲಭ್ಯ. <br /> <br /> <strong>ಪಾರ್ಟ್ ಟೈಮ್ ಕೆಲಸಗಳೇಕೆ ಬೇಕು?</strong><br /> ಶಿಕ್ಷಣ ಈಗೊಂದು ವ್ಯಾಪಾರವಾಗಿದೆ. ಪದವಿ, ಸ್ನಾತಕೋತ್ತರ ಕೋರ್ಸ್ಗಳ ಕಾಲೇಜ್, ಹಾಸ್ಟೆಲ್ ಶುಲ್ಕಗಳು ಹೆಚ್ಚಾಗುತ್ತಲೇ ಇವೆ. ಇದಲ್ಲದೆ, ಪುಸ್ತಕ, ಬಸ್, ಬಟ್ಟೆಬರೆಗಳೂ ದುಬಾರಿಯಾಗುತ್ತಿವೆ. <br /> <br /> ಇನ್ನು ವೃತ್ತಿಪರ ಕೋರ್ಸ್ಗಳಾದ ಎಂ.ಬಿ.ಬಿ.ಎಸ್., ಬಿ.ಇ., ಎಂ.ಬಿ.ಎ. ಇತ್ಯಾದಿಗಳಿಗೆ, ಕೇವಲ ಅರ್ಹತೆ ಇದ್ದರೆ ಸಾಲದು; ಈ ಕೋರ್ಸ್ಗಳಿಗೆ ಹಣ ಒದಗಿಸುವುದೊಂದು ಸಾಹಸವೇ. <br /> <br /> ಆದರೆ, ಪಾರ್ಟ್ ಟೈಮ್ ಕೆಲಸಗಳನ್ನು ಮಾಡಲು ಇವಷ್ಟೇ ಕಾರಣಗಳಲ್ಲ. ಅನೇಕ ಮಧ್ಯಮ ಮತ್ತು ಉನ್ನತ ವರ್ಗದ ವಿಧ್ಯಾರ್ಥಿಗಳ ಅಭಿಪ್ರಾಯ ಬೇರೆ ಇವೆ. ಎರಡನೇ ಬಿ.ಎಸ್.ಸಿ. ವಿಧ್ಯಾರ್ಥಿನಿ ಸೌಮ್ಯ ಹೇಳುವಂತೆ, `ಮುಂದೆ ಹೋಟೆಲ್ ಉದ್ಯಮದಲ್ಲಿ ಕೆಲಸ ಮಾಡುವ ಇಚ್ಛೆ ಇದೆ. <br /> <br /> ಆದ್ದರಿಂದಲೇ, ನಾನೀಗ ಪಂಚತಾರ ಹೋಟೆಲೊಂದರಲ್ಲಿ ಪಾರ್ಟ್ ಟೈಮ್ ಮಾಡುತ್ತಿದ್ದೇನೆ. ವಾರಾಂತ್ಯದಲ್ಲಿ ಮಾತ್ರ ಮಾಡುವ ಈ ಕೆಲಸದಿಂದ ಅನುಭವದ ಜೊತೆಗೆ, ನನ್ನ ವೈಯಕ್ತಿಕ ಅವಶ್ಯಕತೆಗಳಿಗಾಗಿ ಮನೆಯಲ್ಲಿ ಹಣವನ್ನು ಕೇಳುವ ಗೋಜಿಲ್ಲ.~ ಇನ್ನಿತರ ವಿಧ್ಯಾರ್ಥಿಗಳು, ತಮ್ಮ ಒಡನಾಡಿಗಳ ಪ್ರಭಾವದಿಂದಲೂ, ಪಾಕೆಟ್ ಹಣ ನೀಡುವ ಸ್ವಾತಂತ್ರ್ಯದಿಂದಲೂ, ಪಾರ್ಟ್ ಟೈಂ ಕೆಲಸಗಳನ್ನು ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡಿದ್ದಾರೆ.<br /> <br /> <strong>ಕೆಲಸಗಳು ಅನೇಕ; ಆಯ್ಕೆ ಸುಲಭ</strong><br /> ಜಾಗತೀಕರಣದ ಬಳಿಕ, ಪಾರ್ಟ್ ಟೈಮ್ ಕೆಲಸಗಳ ಆಯ್ಕೆ ಸುಲಭ. ಏಕೆಂದರೆ, ನಿಮಗಿರುವ ಸಮಯ, ಅಭಿರುಚಿ ಮತ್ತು ಅವಶ್ಯಕತೆಗಳಿಗೆ ತಕ್ಕಂತೆ ಕೆಲಸಗಳಿವೆ. ಅವುಗಳ ಬಗೆ ಹೀಗಿದೆ:<br /> <br /> <strong>ಮಾರ್ಕೆಟಿಂಗ್:</strong> ಈ ವೃತ್ತಿಯಲ್ಲಿ ಎರಡು ಬಗೆಗಳಿವೆ. ಒಂದು, ನೀವು ಆಫೀಸ್ ಅಥವಾ ಮನೆಯಲ್ಲಿ ಕುಳಿತು ಫೋನ್ ಮುಖಾಂತರ ಗ್ರಾಹಕರ ವಿವರಗಳನ್ನು ಶೇಖರಿಸುವುದು, ಅದರಲ್ಲಿರುವ ತಪ್ಪುಗಳನ್ನು ಸರಿಪಡಿಸುವುದು, ಇತ್ಯಾದಿ. ಇದಕ್ಕೆ ಡೇಟಾಬೇಸ್ ಮ್ಯೋನೇಜ್ಮೆಂಟ್ ಎಂದೂ ಕರೆಯುತ್ತಾರೆ. <br /> <br /> ಇದೊಂದು ಸುಲಭದ ಕೆಲಸ ಮತ್ತು ನೀವು ಕಂಪ್ಯೂಟರ್ಗೆ ಅಳವಡಿಸುವ ಪ್ರತಿಯೊಂದು ಗ್ರಾಹಕರ ದಾಖಲೆಗೂ ನಿಗದಿತ ಫೀ ದೊರೆಯುತ್ತದೆ.<br /> <br /> ಎರಡನೆಯದಾಗಿ, ಉದ್ದಿಮೆಗಳಿಗೆ ಮತ್ತು ಮನೆಮನೆಗಳಿಗೆ ಭೇಟಿ ನೀಡಿ ಉತ್ಪನ್ನಗಳ ಪ್ರಚಾರವನ್ನು ಮಾಡುವ ಕೆಲಸಗಳೂ ದೊರೆಯುತ್ತವೆ. ಇದರ ಜೊತೆಗೆ, ಅನೇಕ ಆಫೀಸುಗಳಲ್ಲಿ ತಾತ್ಕಾಲಿಕ ಕೆಲಸಗಳಿರುತ್ತವೆ.<br /> <br /> <strong>ಹೋಟೆಲ್, ಕಾಫಿ-ಶಾಪ್, ರೆಸ್ಟೋರೆಂಟ್ಗಳು: </strong>ಗ್ರಾಹಕರಿಗೆ ನೆರವಾಗುವ ಅನೇಕ ಸೇವೆಗಳಿಗೆ-ತಿಂಡಿ, ತಿನಿಸುಗಳ ಪಟ್ಟಿ, ಸರಬರಾಜು, ಬಿಲ್ಲಿಂಗ್, ಉಸ್ತುವಾರಿ, ಸತ್ಕಾರ-ಬದ್ಧರಾಗಿರುವುದು, ಸೇವೆಯಲ್ಲಿನ ಕುಂದು ಕೊರತೆಗಳ ನಿವಾರಣೆಗೆ ಗಮನ ಕೊಡುವುದು. ಈಗ, ಇಂತಹ ಅನೇಕ ಕೆಲಸಗಳು ವಿಧ್ಯಾರ್ಥಿಗಳಿಗೆ ಲಭ್ಯ.<br /> <br /> <strong>ಮಾಧ್ಯಮಗಳು</strong>: ಇಂದಿನ ಸ್ಪರ್ಧಾತ್ಮಕ ಉದ್ಯಮಗಳಲ್ಲಿ ಮಾಧ್ಯಮಗಳೂ ಸೇರಿವೆ. ಟಿ.ವಿ. ಚಾನೆಲ್, ರೇಡಿಯೊ, ಪತ್ರಿಕೆಗಳ ಪ್ರಚಾರಕ್ಕಾಗಿ ಮತ್ತು ಸಂಶೋಧನೆಗಾಗಿ, ವಿಧ್ಯಾರ್ಥಿಗಳನ್ನು ಅವಲಂಬಿಸುತ್ತಾರೆ. <br /> <br /> ದಿನಂಪ್ರತಿ ಒಂದೆರಡು ಗಂಟೆ ಅಥವಾ ವಾರಾಂತ್ಯದಲ್ಲಿ ಮಾಡುವ ಈ ಕೆಲಸದಲ್ಲಿ ನಿಮಗೆ ಒಳ್ಳೆಯ ಅನುಭವ ಸಹಾ ಲಭ್ಯ. <br /> <br /> <strong>ಅಧ್ಯಾಪನ: </strong>ಬೇರೆ ವಿಧ್ಯಾರ್ಥಿಗಳಿಗೆ ಕಲಿಸುವುದರಿಂದ ಹಲವಾರು ಪ್ರಯೋಜನಗಳಿವೆ. ಬೇರೆಯವರಿಗೆ ಕಲಿಸುವುದರಿಂದ, ನಿಮ್ಮ ಕಲಿಕೆಯೂ ನಿರಂತರವಾಗಿರುತ್ತದೆ. ನಿಮ್ಮ ಜ್ಞಾನಾರ್ಜನೆಯ ಜೊತೆಗೆ ಆದರ್ಶವಾದ ಕೆಲಸ ಮಾಡಿದಂತೆಯೂ ಆಗುತ್ತದೆ. ಇದಲ್ಲದೆ, ನಿಮ್ಮ ಹಣದ ಅಗತ್ಯಗಳಿಗೆ ಸಹಾಯವಾಗುತ್ತದೆ. <br /> <br /> <strong>ಬರವಣಿಗೆ, ಅನುವಾದ:</strong> ನಿಮಗೆ ಬರವಣಿಗೆಯಲ್ಲಿ ಅಭಿರುಚಿ ಇದ್ದಲ್ಲಿ, ಈ ನಿಟ್ಟಿನಲ್ಲಿ ಅನೇಕ ಅವಕಾಶಗಳಿವೆ. ಪ್ರಿಂಟ್ ಮಾಧ್ಯಮದ ಜೊತೆಗೆ ಅಂತರ್ಜಾಲದ ಅನೇಕ ಪತ್ರಿಕೆಗಳಿಗೆ, ವೆಬ್ಸೈಟ್ಗಳಿಗೆ, ಪುಸ್ತಕಗಳಿಗೆ, ಬರೆಯುವ ಮತ್ತು ಅನುವಾದಿಸುವ ಪಾರ್ಟ್ಟೈಮ್ ಕೆಲಸಗಳಿವೆ. ಮತ್ತು, ಪ್ರಿಂಟ್ ಮಾಧ್ಯಮದ ಬರವಣಿಗೆಯನ್ನು ಕಂಪ್ಯೂಟರ್ಗೆ ಅಳವಡಿಸುವ ಕೆಲಸಗಳೂ ಸಿಗುತ್ತವೆ.<br /> <br /> <strong>ಶಾಪಿಂಗ್ ಮಾಲ್</strong>: ನೀವು ಯುವಕ, ಯುವತಿಯರನ್ನು ಮಾಲ್ಗಳಲ್ಲಿ ಕ್ರೆಡಿಟ್ ಕಾರ್ಡ್, ಬ್ಯಾಂಕ್, ರೆಸಾರ್ಟ್, ಮೊಬೈಲ್ ಇತ್ಯಾದಿಗಳ ಪ್ರಚಾರ ಮಾಡುತ್ತಿರುವುದನ್ನು ನೋಡಿರಬಹುದು.<br /> <br /> ಅದೇ ರೀತಿ, ಸೂಪರ್ ಮಾರ್ಕೆಟ್ಟಿನ ಒಳಗಡೆಯೂ, ಅನೇಕ ನೂತನ ಉತ್ಪನ್ನಗಳನ್ನು ಜನಪ್ರಿಯಗೊಳಿಸಲು ಪಾರ್ಟ್ ಟೈಮ್ ಪ್ರವರ್ತಕರನ್ನು ನಿಯಮಿಸುತ್ತಾರೆ.<br /> <br /> <strong>ಪ್ರದರ್ಶನಗಳು:</strong> ಅನೇಕ ಸಮ್ಮೇಳನಗಳಿಗೆ, ಪ್ರದರ್ಶನಗಳಿಗೆ ಪ್ರಚಾರಕರು ಮತ್ತು ಪರಿಚಾರಿಕೆಯರ ಅಗತ್ಯವಿರುತ್ತದೆ. <br /> <br /> ಆಗಮಿಸಿದ ಅತಿಥಿಗಳನ್ನು ಸ್ವಾಗತಿಸಿ, ಅವರನ್ನು ಪೂರ್ವನಿರ್ಧಾರಿತ ಸ್ಥಳಕ್ಕೆ ಕರೆದೊಯ್ಯುವುದು ಅಥವಾ ಉತ್ಪನ್ನಗಳ ಮಾಹಿತಿಯನ್ನು ನೀಡುವುದು. ಇಂತಹ ಸರಳ ಜವಾಬ್ದಾರಿಗಳನ್ನು ನಿಭಾಯಿಸಿದರೆ, ಆಕರ್ಷಕ ಸಂಭಾವನೆ ಸಿಗುತ್ತದೆ.<br /> <br /> <strong>ಹವ್ಯಾಸಿ ಉದ್ಯೋಗಗಳು: </strong>ನಿಮಗೆ ವಿವಿಧ ಹವ್ಯಾಸಗಳಲ್ಲಿ ಹೆಚ್ಚಿನ ಅಭಿರುಚಿ ಇರಬಹುದು. ಉದಾಹರಣೆಗೆ, ಸಂಗೀತ, ನೃತ್ಯ, ಚಿತ್ರಕಲೆ, ಈಜು, ಯೋಗ, ಇತ್ಯಾದಿಗಳಲ್ಲಿ ಪರಿಣತಿ ಇದ್ದರೆ, ಇತರರಿಗೆ ಹೇಳಿಕೊಡುವುದು ಹೆಚ್ಚಿನ ಆದಾಯಕ್ಕೆ ಆಧಾರವಾಗಬಹುದು. <br /> <br /> <strong>ಪಾರ್ಟ್ ಟೈಮ್ ಕೆಲಸಗಳ ಅನುಕೂಲಗಳೇನು?</strong><br /> ಪಾರ್ಟ್ ಟೈಮ್ ಕೆಲಸಗಳಿಂದ ವಿಧ್ಯಾರ್ಥಿಗಳಿಗೆ ಆಗುವ ಲಾಭಗಳು, ಪ್ರಯೋಜನಗಳು ಅನೇಕ.<br /> <strong>ಕರ್ತವ್ಯ ಮತು ಜವಾಬ್ದಾರಿ: </strong>ಪ್ರಾಯದಲ್ಲೇ ಕೆಲಸಕ್ಕೆ ಸೇರುವುದರಿಂದ ನಿಮ್ಮ ಕರ್ತವ್ಯಗಳ ಮತ್ತು ಜವಾಬ್ದಾರಿಗಳ ಅರಿವು ನಿಮಗಾಗುತ್ತದೆ. ಏಕೆಂದರೆ, ಯಾವುದೇ ಕೆಲಸಕ್ಕೆ ಸೇರಿದಾಗ, ಈ ವಿಷಯಗಳಿಗೇ ನಿಮ್ಮ ತರಬೇತಿಯಲ್ಲಿ ಒತ್ತು ನೀಡಲಾಗುತ್ತದೆ. <br /> <br /> ಈ ಅರಿವು, ನಿಮ್ಮ ವಿಧ್ಯಾರ್ಥಿ ಮತ್ತು ಖಾಸಗಿ ಜೀವನದಲ್ಲೂ ಉಪಯುಕ್ತ. ಹಾಗಾಗಿ, ನಿಮ್ಮ ನಡೆ, ನುಡಿಯಲ್ಲಿ ಪರಿಪಕ್ವತೆ ಸಹಜವಾಗಿಯೇ ಬರುತ್ತದೆ. <br /> <br /> ಪರಿಣಾಮವಾಗಿ, ನೀವು ಕಾಲೇಜು ಮತ್ತು ಮನೆಯಲ್ಲಿ, ಎಲ್ಲರ ಮೆಚ್ಚುಗೆಗೆ ಪಾತ್ರರಾಗುತ್ತೀರ.<br /> <br /> <strong>ಶಿಸ್ತು ಮತ್ತು ಸಮಯ ಪ್ರಜ್ಞೆ</strong>: ಸಾಧನೆಗೆ ಶಿಸ್ತೇ ಅತಿ ಮುಖ್ಯ. ಪಾರ್ಟ್ಟೈಮ್ ಕೆಲಸದಲ್ಲಿ, ನಿಮ್ಮ ಸಮಯದ ಮೇಲೆ ಹೆಚ್ಚಿನ ಒತ್ತಡ ಮೂಡುವುದು ಸ್ವಾಭಾವಿಕ. ಈ ಒತ್ತಡದ ಸಕಾರಾತ್ಮಕ ಪ್ರಯೋಜನವೇನೆಂದರೆ, ನಿಮ್ಮಲ್ಲಿ ಸಮಯ ಪ್ರಜ್ಞೆ ಮೂಡಿ, ಸಮಯವನ್ನು ನಿರ್ವಹಿಸುವ ಸಾಮರ್ಥ್ಯವೂ ಬೆಳೆಯುತ್ತದೆ. <br /> <br /> ಅಮೂಲ್ಯವಾದ ಸಮಯವನ್ನು ವೇಳಾಪಟ್ಟಿಯಂತೆ ವ್ಯವಸ್ಥಿತವಾಗಿ ಉಪಯೋಗಿಸುತ್ತೀರ. ಈ ಶಿಸ್ತು ಮತ್ತು ಸಮಯ ಪ್ರಜ್ಞೆ, ಜೀವನದ ಯಶಸ್ಸಿಗೆ ಅತ್ಯವಶ್ಯಕ.<br /> <br /> <strong>ಕೌಶಲ್ಯಗಳ ಕಲಿಯುವಿಕೆ:</strong> ನೀವು ಯಾವ ಕೆಲಸವನ್ನು ಆರಿಸಿಕೊಳ್ಳುತ್ತಿರಿ ಎನ್ನುವುದರ ಮೇಲೆ, ನಿಮಗೆ ವಿವಿಧ ಕೌಶಲ್ಯಗಳ ಮಾಹಿತಿ ಮತ್ತು ತರಬೇತಿಯಾಗುತ್ತದೆ. <br /> <br /> ಉದಾಹರಣೆಗೆ, ನೀವು ಮಾರ್ಕೆಟಿಂಗ್ನಲ್ಲಿ ಪಾರ್ಟ್ಟೈಮ್ ಕೆಲಸವನ್ನು ಒಪ್ಪಿಕೊಂಡರೆ, ನಿಮಗೆ ಇದಕ್ಕೆ ಸಂಬಂಧಪಟ್ಟ ಕೌಶಲ್ಯಗಳು - ಮಾತುಗಾರಿಕೆ, ವ್ಯಕ್ತಿತ್ವ ವಿಕಸನ , ಸಮಯೋಜಿತ ಜಾಣ್ಮೆ - ಇತ್ಯಾದಿಗಳ ಬಗ್ಗೆ ತರಬೇತಿ ಸಿಗುತ್ತದೆ. <br /> <br /> ಸಾಮಾನ್ಯವಾಗಿ, ನಿಮ್ಮ ಅಭಿರುಚಿಯ ಆಧಾರದ ಮೇಲೆ, ನಿಮ್ಮ ವೃತ್ತಿಯ ನಿರ್ಧಾರವಾಗುತ್ತದೆ. <br /> <br /> ಪಾರ್ಟ್ ಟೈಮ್ ಮತ್ತು ನೀವು ಅಪೇಕ್ಷಿಸುವ ಕಾಯಂ ವೃತ್ತಿಯಲ್ಲಿ ಹೊಂದಾಣಿಕೆ ಇದ್ದರೆ, ನೀವು ಬೆಳೆಸಿಕೊಂಡ ನೂತನ ಕೌಶಲ್ಯಗಳು ಉಪಯೋಗಕ್ಕೆ ಬಂದು, ವೃತ್ತಿಯಲ್ಲಿ ಮೇಲುಮಟ್ಟವನ್ನು ತಲಪಲು ಸಾಧ್ಯವಾಗುತ್ತದೆ. <br /> <br /> <strong>ಸ್ವಾವಲಂಬನೆ</strong>: ಪಾರ್ಟ್ಟೈಮ್ ಕೆಲಸಗಳಿಂದ ನಿಮ್ಮ ಹಣದ ಸಮಸ್ಯೆಗಳ ನಿವಾರಣೆಯಾಗುತ್ತದೆ. ನಿಮ್ಮ ಮುಂದಿನ ವಿದ್ಯಾಭ್ಯಾಸಕ್ಕಾಗಿ ಹಣವನ್ನು ಕೂಡಿಡಬಹುದು; ಜೊತೆಗೆ, ಸಂಸಾರಕ್ಕೂ ನೆರವಾಗಬಹುದು. <br /> <br /> ಎಲ್ಲಕ್ಕಿಂತ ಹೆಚ್ಚಿನದಾಗಿ, ಸ್ವಾವಲಂಬಿತರಾಗಿ ಜೀವನದಲ್ಲಿ ಮೇಲೆ ಬರುವುದು ಒಂದು ಹೆಮ್ಮೆಯ ವಿಚಾರ. ಜೀವನದ ನಿಯಮಗಳ, ಮೌಲ್ಯಗಳ ಮಹತ್ವ ಮತ್ತು ಪ್ರಯೋಜನಗಳ ಅರಿವಾದಂತೆ, ನಿಮ್ಮಲ್ಲಿ ಅಹಂಕಾರ, ಪ್ರತಿಷ್ಠೆಯ ಬದಲಾಗಿ ಆತ್ಮಾಭಿಮಾನ ಮತ್ತು ಆತ್ಮವಿಶ್ವಾಸ ಹೆಚ್ಚುತ್ತದೆ. <br /> <br /> ಪಾರ್ಟ್ ಟೈಮ್ ಕೆಲಸಗಳಲ್ಲಿ ವೈವಿಧ್ಯತೆಗಳಿವೆ. ಕುತೂಹಲ ಕೆರಳಿಸುವ ಸವಾಲುಗಳಿವೆ. ಈ ಸವಾಲುಗಳನ್ನು ಎದುರಿಸಲು, ಬೇಕಾಗುವ ಕೌಶಲಗಳ ತರಬೇತಿ ನಿಮ್ಮದಾಗುತ್ತದೆ. <br /> <br /> ನೀವು ಆರಿಸಿಕೊಳ್ಳುವ ಕೆಲಸವನ್ನು ಅವಲಂಬಿಸಿ, ತಿಂಗಳೊಂದಕ್ಕೆ ಸುಮಾರು 10,000 ರೂಪಾಯಿಗಳವರೆಗೆ ಸಂಪಾದನೆಯಾಗಬಹುದು. <br /> <br /> ಕಾರ್ಪೊರೆಟ್ ವಲಯದ ಅನೇಕ ಮಾನವ ಸಂಪನ್ಮೂಲ ಅಧಿಕಾರಿಗಳ ಪ್ರಕಾರ, ಇಂತಹ ಪಾರ್ಟ್ ಟೈಮ್ ಕೆಲಸಗಳು, ವಿಧ್ಯಾಭ್ಯಾಸದ ನಂತರ ಕಾಯಂ ಕೆಲಸ ಸಿಗುವಲ್ಲಿಯೂ ಸಹಾಯಕಾರಿ. ಆದರೆ, ಯಾವಾಗಲೂ ನಿಮ್ಮ ಒಳಿತನ್ನೇ ಬಯಸುವ ನಿಮ್ಮ ತಂದೆತಾಯಿಯರೊಡನೆ ಸಮಾಲೋಚಿಸಿಯೇ, ಕೆಲಸದ ಬಗ್ಗೆ ನಿರ್ಧರಿಸಿ.<br /> <br /> <strong>ಪಾರ್ಟ್ಟೈಮ್ ಕೆಲಸವೆಂದರೆ ಅದೊಂದು ಅವಮಾನವೂ ಅಲ್ಲ;</strong> ಶಾಪವೂ ಅಲ್ಲ. ಬದಲಾಗಿ, ನಿಮ್ಮ ಸಹಜ ಮಾನಸಿಕ ಪ್ರವೃತ್ತಿ ಸಕಾರಾತ್ಮಕವಾಗಿ ಬೆಳೆಯುತ್ತದೆ. <br /> <br /> ಪರಿಣಾಮವಾಗಿ, ನಿಮ್ಮ ಮೌಲ್ಯಗಳು ಊರ್ಜಿತಗೊಂಡು, ನಿಮ್ಮ ವ್ಯಕ್ತಿತ್ವ ಅಚ್ಚುಕಟ್ಟಾಗುತ್ತದೆ. ನಿಮ್ಮ ಮತ್ತು ಮನೆಯವರ ಆಸೆ, ಅಭಿಲಾಷೆಗಳಿಗೆ ಪೂರಕವಾಗಿ, ನಿಮ್ಮ ಯಶಸ್ಸಿನ ದಾರಿದೀಪವಾಗುತ್ತದೆ. <br /> <br /> ಅಮೆರಿಕ ದೇಶದ ಹೆಸರಾಂತ ಮುತ್ಸದ್ದಿ, ಲೇಖಕ ಮತ್ತು ವಿಜ್ಞಾನಿ ಬೆಂಜಮಿನ್ ಫ್ರಾಂಕ್ಲಿನ್ ಹೇಳಿದಂತೆ, ಸ್ವತಂತ್ರವಾಗಿರಿ, ಚಟುವಟಿಕೆಯಿಂದಿರಿ, ದುಂದುವೆಚ್ಚ ಮಾಡದಿರಿ, ಈ ಕಿವಿಮಾತು ಮರೆಯದಿರಿ .<br /> (<strong>ಲೇಖಕರು ಮ್ಯೋನೇಜ್ಮೆಂಟ್ ಮತ್ತು ವೃತ್ತಿ ಸಲಹಾಗಾರರು. ಇ-ಮೇಲ್: …</strong>: info@promaxintl.com)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನೀವು ಭವಿಷ್ಯದ ಕನಸುಗಳನ್ನು ಕಾಣುತ್ತಾ ಕಾಲೇಜಿನಲ್ಲಿದ್ದೀರಾ? ಕಾಲೇಜ್, ಹಾಸ್ಟೆಲ್ ಶುಲ್ಕ, ಇತ್ಯಾದಿಗಳಿಗೆ ಹಣ ಒದಗಿಸುವುದು ಸವಾಲೆನಿಸುತ್ತಿದೆಯೇ? ಹಣದ ಕೊರತೆಯಿಂದ, ವ್ಯಕ್ತಿತ್ವ ವಿಕಸನ ಅಥವಾ ಇತರ ಕೋರ್ಸ್ ಸೇರಲಾಗುತ್ತಿಲ್ಲವೇ? ಹಾಗಿದ್ದಲ್ಲಿ, ಮುಂದೆ ಓದಿ</strong>.<br /> <br /> ಆಕಾಶ್, ನಗರದ ಕಾಲೇಜೊಂದರಲ್ಲಿ ಅಂತಿಮ ಬಿ.ಬಿ.ಎ. ಓದುತ್ತಿದ್ದಾನೆ. ಕ್ಯಾಟ್ ಪರೀಕ್ಷೆಯಲ್ಲಿ ಪಾಸಾಗಿ ಐ.ಐ.ಎಂ.ನಲ್ಲಿ ಮ್ಯೋನೇಜ್ಮೆಂಟ್ ಮಾಡುವ ಆಕಾಂಕ್ಷೆ ಅವನದು. <br /> <br /> ಕಾಲೇಜ್ ಮುಗಿದ ಮೇಲೆ, ಕ್ಯಾಟ್ ಪರೀಕ್ಷೆಗೆ ಕೋಚಿಂಗ್; ನಂತರ ರಾತ್ರಿ ಒಂಬತ್ತರವರೆಗೆ ಫಾಸ್ಟ್ ಫುಡ್ ಕೆಫೆಯಲ್ಲಿ ಕೆಲಸ. ಹಾಸ್ಟೆಲ್ನಲ್ಲಿ ಮಲಗುವ ಮುಂಚೆ ಒಂದೆರಡು ಗಂಟೆ ವ್ಯಾಸಂಗ. ಇದು ಅವನ ದಿನಚರಿ.<br /> <br /> ಆಕಾಶ್ನಂತಹ ವಿಧ್ಯಾರ್ಥಿಗಳನ್ನು ನೋಡಿದರೆ ಹೆಮ್ಮೆ ಎನಿಸುತ್ತದೆ. ವಾಸ್ತವವಾಗಿ, ಇಂದು ಅನೇಕ ವಿಧ್ಯಾರ್ಥಿಗಳು ಪಾರ್ಟ್ ಟೈಮ್ ಕೆಲಸಗಳನ್ನು ಮಾಡುತ್ತಾ, ಸ್ವಾವಲಂಬಿಗಳಾಗಿದ್ದಾರೆ.<br /> <br /> ಆದ್ದರಿಂದ, ನಿಮಗೂ ಹಣದ ಅವಶ್ಯಕತೆ ಇದ್ದಲ್ಲಿ ಯೋಚಿಸುವ ಅಗತ್ಯವಿಲ್ಲ. ದಿನಕ್ಕೆ ಒಂದೆರಡು ಗಂಟೆಯನ್ನು ಕಾದಿಟ್ಟರೆ ಸಾಕು; ನಿಮ್ಮ ದೈನಂದಿನ ಅಥವಾ ಹೆಚ್ಚುವರಿ ಹಣದ ಅವಶ್ಯಕತೆಯನ್ನು ಪೂರೈಸುವ ಆವಕಾಶಗಳೀಗ ಲಭ್ಯ. <br /> <br /> <strong>ಪಾರ್ಟ್ ಟೈಮ್ ಕೆಲಸಗಳೇಕೆ ಬೇಕು?</strong><br /> ಶಿಕ್ಷಣ ಈಗೊಂದು ವ್ಯಾಪಾರವಾಗಿದೆ. ಪದವಿ, ಸ್ನಾತಕೋತ್ತರ ಕೋರ್ಸ್ಗಳ ಕಾಲೇಜ್, ಹಾಸ್ಟೆಲ್ ಶುಲ್ಕಗಳು ಹೆಚ್ಚಾಗುತ್ತಲೇ ಇವೆ. ಇದಲ್ಲದೆ, ಪುಸ್ತಕ, ಬಸ್, ಬಟ್ಟೆಬರೆಗಳೂ ದುಬಾರಿಯಾಗುತ್ತಿವೆ. <br /> <br /> ಇನ್ನು ವೃತ್ತಿಪರ ಕೋರ್ಸ್ಗಳಾದ ಎಂ.ಬಿ.ಬಿ.ಎಸ್., ಬಿ.ಇ., ಎಂ.ಬಿ.ಎ. ಇತ್ಯಾದಿಗಳಿಗೆ, ಕೇವಲ ಅರ್ಹತೆ ಇದ್ದರೆ ಸಾಲದು; ಈ ಕೋರ್ಸ್ಗಳಿಗೆ ಹಣ ಒದಗಿಸುವುದೊಂದು ಸಾಹಸವೇ. <br /> <br /> ಆದರೆ, ಪಾರ್ಟ್ ಟೈಮ್ ಕೆಲಸಗಳನ್ನು ಮಾಡಲು ಇವಷ್ಟೇ ಕಾರಣಗಳಲ್ಲ. ಅನೇಕ ಮಧ್ಯಮ ಮತ್ತು ಉನ್ನತ ವರ್ಗದ ವಿಧ್ಯಾರ್ಥಿಗಳ ಅಭಿಪ್ರಾಯ ಬೇರೆ ಇವೆ. ಎರಡನೇ ಬಿ.ಎಸ್.ಸಿ. ವಿಧ್ಯಾರ್ಥಿನಿ ಸೌಮ್ಯ ಹೇಳುವಂತೆ, `ಮುಂದೆ ಹೋಟೆಲ್ ಉದ್ಯಮದಲ್ಲಿ ಕೆಲಸ ಮಾಡುವ ಇಚ್ಛೆ ಇದೆ. <br /> <br /> ಆದ್ದರಿಂದಲೇ, ನಾನೀಗ ಪಂಚತಾರ ಹೋಟೆಲೊಂದರಲ್ಲಿ ಪಾರ್ಟ್ ಟೈಮ್ ಮಾಡುತ್ತಿದ್ದೇನೆ. ವಾರಾಂತ್ಯದಲ್ಲಿ ಮಾತ್ರ ಮಾಡುವ ಈ ಕೆಲಸದಿಂದ ಅನುಭವದ ಜೊತೆಗೆ, ನನ್ನ ವೈಯಕ್ತಿಕ ಅವಶ್ಯಕತೆಗಳಿಗಾಗಿ ಮನೆಯಲ್ಲಿ ಹಣವನ್ನು ಕೇಳುವ ಗೋಜಿಲ್ಲ.~ ಇನ್ನಿತರ ವಿಧ್ಯಾರ್ಥಿಗಳು, ತಮ್ಮ ಒಡನಾಡಿಗಳ ಪ್ರಭಾವದಿಂದಲೂ, ಪಾಕೆಟ್ ಹಣ ನೀಡುವ ಸ್ವಾತಂತ್ರ್ಯದಿಂದಲೂ, ಪಾರ್ಟ್ ಟೈಂ ಕೆಲಸಗಳನ್ನು ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡಿದ್ದಾರೆ.<br /> <br /> <strong>ಕೆಲಸಗಳು ಅನೇಕ; ಆಯ್ಕೆ ಸುಲಭ</strong><br /> ಜಾಗತೀಕರಣದ ಬಳಿಕ, ಪಾರ್ಟ್ ಟೈಮ್ ಕೆಲಸಗಳ ಆಯ್ಕೆ ಸುಲಭ. ಏಕೆಂದರೆ, ನಿಮಗಿರುವ ಸಮಯ, ಅಭಿರುಚಿ ಮತ್ತು ಅವಶ್ಯಕತೆಗಳಿಗೆ ತಕ್ಕಂತೆ ಕೆಲಸಗಳಿವೆ. ಅವುಗಳ ಬಗೆ ಹೀಗಿದೆ:<br /> <br /> <strong>ಮಾರ್ಕೆಟಿಂಗ್:</strong> ಈ ವೃತ್ತಿಯಲ್ಲಿ ಎರಡು ಬಗೆಗಳಿವೆ. ಒಂದು, ನೀವು ಆಫೀಸ್ ಅಥವಾ ಮನೆಯಲ್ಲಿ ಕುಳಿತು ಫೋನ್ ಮುಖಾಂತರ ಗ್ರಾಹಕರ ವಿವರಗಳನ್ನು ಶೇಖರಿಸುವುದು, ಅದರಲ್ಲಿರುವ ತಪ್ಪುಗಳನ್ನು ಸರಿಪಡಿಸುವುದು, ಇತ್ಯಾದಿ. ಇದಕ್ಕೆ ಡೇಟಾಬೇಸ್ ಮ್ಯೋನೇಜ್ಮೆಂಟ್ ಎಂದೂ ಕರೆಯುತ್ತಾರೆ. <br /> <br /> ಇದೊಂದು ಸುಲಭದ ಕೆಲಸ ಮತ್ತು ನೀವು ಕಂಪ್ಯೂಟರ್ಗೆ ಅಳವಡಿಸುವ ಪ್ರತಿಯೊಂದು ಗ್ರಾಹಕರ ದಾಖಲೆಗೂ ನಿಗದಿತ ಫೀ ದೊರೆಯುತ್ತದೆ.<br /> <br /> ಎರಡನೆಯದಾಗಿ, ಉದ್ದಿಮೆಗಳಿಗೆ ಮತ್ತು ಮನೆಮನೆಗಳಿಗೆ ಭೇಟಿ ನೀಡಿ ಉತ್ಪನ್ನಗಳ ಪ್ರಚಾರವನ್ನು ಮಾಡುವ ಕೆಲಸಗಳೂ ದೊರೆಯುತ್ತವೆ. ಇದರ ಜೊತೆಗೆ, ಅನೇಕ ಆಫೀಸುಗಳಲ್ಲಿ ತಾತ್ಕಾಲಿಕ ಕೆಲಸಗಳಿರುತ್ತವೆ.<br /> <br /> <strong>ಹೋಟೆಲ್, ಕಾಫಿ-ಶಾಪ್, ರೆಸ್ಟೋರೆಂಟ್ಗಳು: </strong>ಗ್ರಾಹಕರಿಗೆ ನೆರವಾಗುವ ಅನೇಕ ಸೇವೆಗಳಿಗೆ-ತಿಂಡಿ, ತಿನಿಸುಗಳ ಪಟ್ಟಿ, ಸರಬರಾಜು, ಬಿಲ್ಲಿಂಗ್, ಉಸ್ತುವಾರಿ, ಸತ್ಕಾರ-ಬದ್ಧರಾಗಿರುವುದು, ಸೇವೆಯಲ್ಲಿನ ಕುಂದು ಕೊರತೆಗಳ ನಿವಾರಣೆಗೆ ಗಮನ ಕೊಡುವುದು. ಈಗ, ಇಂತಹ ಅನೇಕ ಕೆಲಸಗಳು ವಿಧ್ಯಾರ್ಥಿಗಳಿಗೆ ಲಭ್ಯ.<br /> <br /> <strong>ಮಾಧ್ಯಮಗಳು</strong>: ಇಂದಿನ ಸ್ಪರ್ಧಾತ್ಮಕ ಉದ್ಯಮಗಳಲ್ಲಿ ಮಾಧ್ಯಮಗಳೂ ಸೇರಿವೆ. ಟಿ.ವಿ. ಚಾನೆಲ್, ರೇಡಿಯೊ, ಪತ್ರಿಕೆಗಳ ಪ್ರಚಾರಕ್ಕಾಗಿ ಮತ್ತು ಸಂಶೋಧನೆಗಾಗಿ, ವಿಧ್ಯಾರ್ಥಿಗಳನ್ನು ಅವಲಂಬಿಸುತ್ತಾರೆ. <br /> <br /> ದಿನಂಪ್ರತಿ ಒಂದೆರಡು ಗಂಟೆ ಅಥವಾ ವಾರಾಂತ್ಯದಲ್ಲಿ ಮಾಡುವ ಈ ಕೆಲಸದಲ್ಲಿ ನಿಮಗೆ ಒಳ್ಳೆಯ ಅನುಭವ ಸಹಾ ಲಭ್ಯ. <br /> <br /> <strong>ಅಧ್ಯಾಪನ: </strong>ಬೇರೆ ವಿಧ್ಯಾರ್ಥಿಗಳಿಗೆ ಕಲಿಸುವುದರಿಂದ ಹಲವಾರು ಪ್ರಯೋಜನಗಳಿವೆ. ಬೇರೆಯವರಿಗೆ ಕಲಿಸುವುದರಿಂದ, ನಿಮ್ಮ ಕಲಿಕೆಯೂ ನಿರಂತರವಾಗಿರುತ್ತದೆ. ನಿಮ್ಮ ಜ್ಞಾನಾರ್ಜನೆಯ ಜೊತೆಗೆ ಆದರ್ಶವಾದ ಕೆಲಸ ಮಾಡಿದಂತೆಯೂ ಆಗುತ್ತದೆ. ಇದಲ್ಲದೆ, ನಿಮ್ಮ ಹಣದ ಅಗತ್ಯಗಳಿಗೆ ಸಹಾಯವಾಗುತ್ತದೆ. <br /> <br /> <strong>ಬರವಣಿಗೆ, ಅನುವಾದ:</strong> ನಿಮಗೆ ಬರವಣಿಗೆಯಲ್ಲಿ ಅಭಿರುಚಿ ಇದ್ದಲ್ಲಿ, ಈ ನಿಟ್ಟಿನಲ್ಲಿ ಅನೇಕ ಅವಕಾಶಗಳಿವೆ. ಪ್ರಿಂಟ್ ಮಾಧ್ಯಮದ ಜೊತೆಗೆ ಅಂತರ್ಜಾಲದ ಅನೇಕ ಪತ್ರಿಕೆಗಳಿಗೆ, ವೆಬ್ಸೈಟ್ಗಳಿಗೆ, ಪುಸ್ತಕಗಳಿಗೆ, ಬರೆಯುವ ಮತ್ತು ಅನುವಾದಿಸುವ ಪಾರ್ಟ್ಟೈಮ್ ಕೆಲಸಗಳಿವೆ. ಮತ್ತು, ಪ್ರಿಂಟ್ ಮಾಧ್ಯಮದ ಬರವಣಿಗೆಯನ್ನು ಕಂಪ್ಯೂಟರ್ಗೆ ಅಳವಡಿಸುವ ಕೆಲಸಗಳೂ ಸಿಗುತ್ತವೆ.<br /> <br /> <strong>ಶಾಪಿಂಗ್ ಮಾಲ್</strong>: ನೀವು ಯುವಕ, ಯುವತಿಯರನ್ನು ಮಾಲ್ಗಳಲ್ಲಿ ಕ್ರೆಡಿಟ್ ಕಾರ್ಡ್, ಬ್ಯಾಂಕ್, ರೆಸಾರ್ಟ್, ಮೊಬೈಲ್ ಇತ್ಯಾದಿಗಳ ಪ್ರಚಾರ ಮಾಡುತ್ತಿರುವುದನ್ನು ನೋಡಿರಬಹುದು.<br /> <br /> ಅದೇ ರೀತಿ, ಸೂಪರ್ ಮಾರ್ಕೆಟ್ಟಿನ ಒಳಗಡೆಯೂ, ಅನೇಕ ನೂತನ ಉತ್ಪನ್ನಗಳನ್ನು ಜನಪ್ರಿಯಗೊಳಿಸಲು ಪಾರ್ಟ್ ಟೈಮ್ ಪ್ರವರ್ತಕರನ್ನು ನಿಯಮಿಸುತ್ತಾರೆ.<br /> <br /> <strong>ಪ್ರದರ್ಶನಗಳು:</strong> ಅನೇಕ ಸಮ್ಮೇಳನಗಳಿಗೆ, ಪ್ರದರ್ಶನಗಳಿಗೆ ಪ್ರಚಾರಕರು ಮತ್ತು ಪರಿಚಾರಿಕೆಯರ ಅಗತ್ಯವಿರುತ್ತದೆ. <br /> <br /> ಆಗಮಿಸಿದ ಅತಿಥಿಗಳನ್ನು ಸ್ವಾಗತಿಸಿ, ಅವರನ್ನು ಪೂರ್ವನಿರ್ಧಾರಿತ ಸ್ಥಳಕ್ಕೆ ಕರೆದೊಯ್ಯುವುದು ಅಥವಾ ಉತ್ಪನ್ನಗಳ ಮಾಹಿತಿಯನ್ನು ನೀಡುವುದು. ಇಂತಹ ಸರಳ ಜವಾಬ್ದಾರಿಗಳನ್ನು ನಿಭಾಯಿಸಿದರೆ, ಆಕರ್ಷಕ ಸಂಭಾವನೆ ಸಿಗುತ್ತದೆ.<br /> <br /> <strong>ಹವ್ಯಾಸಿ ಉದ್ಯೋಗಗಳು: </strong>ನಿಮಗೆ ವಿವಿಧ ಹವ್ಯಾಸಗಳಲ್ಲಿ ಹೆಚ್ಚಿನ ಅಭಿರುಚಿ ಇರಬಹುದು. ಉದಾಹರಣೆಗೆ, ಸಂಗೀತ, ನೃತ್ಯ, ಚಿತ್ರಕಲೆ, ಈಜು, ಯೋಗ, ಇತ್ಯಾದಿಗಳಲ್ಲಿ ಪರಿಣತಿ ಇದ್ದರೆ, ಇತರರಿಗೆ ಹೇಳಿಕೊಡುವುದು ಹೆಚ್ಚಿನ ಆದಾಯಕ್ಕೆ ಆಧಾರವಾಗಬಹುದು. <br /> <br /> <strong>ಪಾರ್ಟ್ ಟೈಮ್ ಕೆಲಸಗಳ ಅನುಕೂಲಗಳೇನು?</strong><br /> ಪಾರ್ಟ್ ಟೈಮ್ ಕೆಲಸಗಳಿಂದ ವಿಧ್ಯಾರ್ಥಿಗಳಿಗೆ ಆಗುವ ಲಾಭಗಳು, ಪ್ರಯೋಜನಗಳು ಅನೇಕ.<br /> <strong>ಕರ್ತವ್ಯ ಮತು ಜವಾಬ್ದಾರಿ: </strong>ಪ್ರಾಯದಲ್ಲೇ ಕೆಲಸಕ್ಕೆ ಸೇರುವುದರಿಂದ ನಿಮ್ಮ ಕರ್ತವ್ಯಗಳ ಮತ್ತು ಜವಾಬ್ದಾರಿಗಳ ಅರಿವು ನಿಮಗಾಗುತ್ತದೆ. ಏಕೆಂದರೆ, ಯಾವುದೇ ಕೆಲಸಕ್ಕೆ ಸೇರಿದಾಗ, ಈ ವಿಷಯಗಳಿಗೇ ನಿಮ್ಮ ತರಬೇತಿಯಲ್ಲಿ ಒತ್ತು ನೀಡಲಾಗುತ್ತದೆ. <br /> <br /> ಈ ಅರಿವು, ನಿಮ್ಮ ವಿಧ್ಯಾರ್ಥಿ ಮತ್ತು ಖಾಸಗಿ ಜೀವನದಲ್ಲೂ ಉಪಯುಕ್ತ. ಹಾಗಾಗಿ, ನಿಮ್ಮ ನಡೆ, ನುಡಿಯಲ್ಲಿ ಪರಿಪಕ್ವತೆ ಸಹಜವಾಗಿಯೇ ಬರುತ್ತದೆ. <br /> <br /> ಪರಿಣಾಮವಾಗಿ, ನೀವು ಕಾಲೇಜು ಮತ್ತು ಮನೆಯಲ್ಲಿ, ಎಲ್ಲರ ಮೆಚ್ಚುಗೆಗೆ ಪಾತ್ರರಾಗುತ್ತೀರ.<br /> <br /> <strong>ಶಿಸ್ತು ಮತ್ತು ಸಮಯ ಪ್ರಜ್ಞೆ</strong>: ಸಾಧನೆಗೆ ಶಿಸ್ತೇ ಅತಿ ಮುಖ್ಯ. ಪಾರ್ಟ್ಟೈಮ್ ಕೆಲಸದಲ್ಲಿ, ನಿಮ್ಮ ಸಮಯದ ಮೇಲೆ ಹೆಚ್ಚಿನ ಒತ್ತಡ ಮೂಡುವುದು ಸ್ವಾಭಾವಿಕ. ಈ ಒತ್ತಡದ ಸಕಾರಾತ್ಮಕ ಪ್ರಯೋಜನವೇನೆಂದರೆ, ನಿಮ್ಮಲ್ಲಿ ಸಮಯ ಪ್ರಜ್ಞೆ ಮೂಡಿ, ಸಮಯವನ್ನು ನಿರ್ವಹಿಸುವ ಸಾಮರ್ಥ್ಯವೂ ಬೆಳೆಯುತ್ತದೆ. <br /> <br /> ಅಮೂಲ್ಯವಾದ ಸಮಯವನ್ನು ವೇಳಾಪಟ್ಟಿಯಂತೆ ವ್ಯವಸ್ಥಿತವಾಗಿ ಉಪಯೋಗಿಸುತ್ತೀರ. ಈ ಶಿಸ್ತು ಮತ್ತು ಸಮಯ ಪ್ರಜ್ಞೆ, ಜೀವನದ ಯಶಸ್ಸಿಗೆ ಅತ್ಯವಶ್ಯಕ.<br /> <br /> <strong>ಕೌಶಲ್ಯಗಳ ಕಲಿಯುವಿಕೆ:</strong> ನೀವು ಯಾವ ಕೆಲಸವನ್ನು ಆರಿಸಿಕೊಳ್ಳುತ್ತಿರಿ ಎನ್ನುವುದರ ಮೇಲೆ, ನಿಮಗೆ ವಿವಿಧ ಕೌಶಲ್ಯಗಳ ಮಾಹಿತಿ ಮತ್ತು ತರಬೇತಿಯಾಗುತ್ತದೆ. <br /> <br /> ಉದಾಹರಣೆಗೆ, ನೀವು ಮಾರ್ಕೆಟಿಂಗ್ನಲ್ಲಿ ಪಾರ್ಟ್ಟೈಮ್ ಕೆಲಸವನ್ನು ಒಪ್ಪಿಕೊಂಡರೆ, ನಿಮಗೆ ಇದಕ್ಕೆ ಸಂಬಂಧಪಟ್ಟ ಕೌಶಲ್ಯಗಳು - ಮಾತುಗಾರಿಕೆ, ವ್ಯಕ್ತಿತ್ವ ವಿಕಸನ , ಸಮಯೋಜಿತ ಜಾಣ್ಮೆ - ಇತ್ಯಾದಿಗಳ ಬಗ್ಗೆ ತರಬೇತಿ ಸಿಗುತ್ತದೆ. <br /> <br /> ಸಾಮಾನ್ಯವಾಗಿ, ನಿಮ್ಮ ಅಭಿರುಚಿಯ ಆಧಾರದ ಮೇಲೆ, ನಿಮ್ಮ ವೃತ್ತಿಯ ನಿರ್ಧಾರವಾಗುತ್ತದೆ. <br /> <br /> ಪಾರ್ಟ್ ಟೈಮ್ ಮತ್ತು ನೀವು ಅಪೇಕ್ಷಿಸುವ ಕಾಯಂ ವೃತ್ತಿಯಲ್ಲಿ ಹೊಂದಾಣಿಕೆ ಇದ್ದರೆ, ನೀವು ಬೆಳೆಸಿಕೊಂಡ ನೂತನ ಕೌಶಲ್ಯಗಳು ಉಪಯೋಗಕ್ಕೆ ಬಂದು, ವೃತ್ತಿಯಲ್ಲಿ ಮೇಲುಮಟ್ಟವನ್ನು ತಲಪಲು ಸಾಧ್ಯವಾಗುತ್ತದೆ. <br /> <br /> <strong>ಸ್ವಾವಲಂಬನೆ</strong>: ಪಾರ್ಟ್ಟೈಮ್ ಕೆಲಸಗಳಿಂದ ನಿಮ್ಮ ಹಣದ ಸಮಸ್ಯೆಗಳ ನಿವಾರಣೆಯಾಗುತ್ತದೆ. ನಿಮ್ಮ ಮುಂದಿನ ವಿದ್ಯಾಭ್ಯಾಸಕ್ಕಾಗಿ ಹಣವನ್ನು ಕೂಡಿಡಬಹುದು; ಜೊತೆಗೆ, ಸಂಸಾರಕ್ಕೂ ನೆರವಾಗಬಹುದು. <br /> <br /> ಎಲ್ಲಕ್ಕಿಂತ ಹೆಚ್ಚಿನದಾಗಿ, ಸ್ವಾವಲಂಬಿತರಾಗಿ ಜೀವನದಲ್ಲಿ ಮೇಲೆ ಬರುವುದು ಒಂದು ಹೆಮ್ಮೆಯ ವಿಚಾರ. ಜೀವನದ ನಿಯಮಗಳ, ಮೌಲ್ಯಗಳ ಮಹತ್ವ ಮತ್ತು ಪ್ರಯೋಜನಗಳ ಅರಿವಾದಂತೆ, ನಿಮ್ಮಲ್ಲಿ ಅಹಂಕಾರ, ಪ್ರತಿಷ್ಠೆಯ ಬದಲಾಗಿ ಆತ್ಮಾಭಿಮಾನ ಮತ್ತು ಆತ್ಮವಿಶ್ವಾಸ ಹೆಚ್ಚುತ್ತದೆ. <br /> <br /> ಪಾರ್ಟ್ ಟೈಮ್ ಕೆಲಸಗಳಲ್ಲಿ ವೈವಿಧ್ಯತೆಗಳಿವೆ. ಕುತೂಹಲ ಕೆರಳಿಸುವ ಸವಾಲುಗಳಿವೆ. ಈ ಸವಾಲುಗಳನ್ನು ಎದುರಿಸಲು, ಬೇಕಾಗುವ ಕೌಶಲಗಳ ತರಬೇತಿ ನಿಮ್ಮದಾಗುತ್ತದೆ. <br /> <br /> ನೀವು ಆರಿಸಿಕೊಳ್ಳುವ ಕೆಲಸವನ್ನು ಅವಲಂಬಿಸಿ, ತಿಂಗಳೊಂದಕ್ಕೆ ಸುಮಾರು 10,000 ರೂಪಾಯಿಗಳವರೆಗೆ ಸಂಪಾದನೆಯಾಗಬಹುದು. <br /> <br /> ಕಾರ್ಪೊರೆಟ್ ವಲಯದ ಅನೇಕ ಮಾನವ ಸಂಪನ್ಮೂಲ ಅಧಿಕಾರಿಗಳ ಪ್ರಕಾರ, ಇಂತಹ ಪಾರ್ಟ್ ಟೈಮ್ ಕೆಲಸಗಳು, ವಿಧ್ಯಾಭ್ಯಾಸದ ನಂತರ ಕಾಯಂ ಕೆಲಸ ಸಿಗುವಲ್ಲಿಯೂ ಸಹಾಯಕಾರಿ. ಆದರೆ, ಯಾವಾಗಲೂ ನಿಮ್ಮ ಒಳಿತನ್ನೇ ಬಯಸುವ ನಿಮ್ಮ ತಂದೆತಾಯಿಯರೊಡನೆ ಸಮಾಲೋಚಿಸಿಯೇ, ಕೆಲಸದ ಬಗ್ಗೆ ನಿರ್ಧರಿಸಿ.<br /> <br /> <strong>ಪಾರ್ಟ್ಟೈಮ್ ಕೆಲಸವೆಂದರೆ ಅದೊಂದು ಅವಮಾನವೂ ಅಲ್ಲ;</strong> ಶಾಪವೂ ಅಲ್ಲ. ಬದಲಾಗಿ, ನಿಮ್ಮ ಸಹಜ ಮಾನಸಿಕ ಪ್ರವೃತ್ತಿ ಸಕಾರಾತ್ಮಕವಾಗಿ ಬೆಳೆಯುತ್ತದೆ. <br /> <br /> ಪರಿಣಾಮವಾಗಿ, ನಿಮ್ಮ ಮೌಲ್ಯಗಳು ಊರ್ಜಿತಗೊಂಡು, ನಿಮ್ಮ ವ್ಯಕ್ತಿತ್ವ ಅಚ್ಚುಕಟ್ಟಾಗುತ್ತದೆ. ನಿಮ್ಮ ಮತ್ತು ಮನೆಯವರ ಆಸೆ, ಅಭಿಲಾಷೆಗಳಿಗೆ ಪೂರಕವಾಗಿ, ನಿಮ್ಮ ಯಶಸ್ಸಿನ ದಾರಿದೀಪವಾಗುತ್ತದೆ. <br /> <br /> ಅಮೆರಿಕ ದೇಶದ ಹೆಸರಾಂತ ಮುತ್ಸದ್ದಿ, ಲೇಖಕ ಮತ್ತು ವಿಜ್ಞಾನಿ ಬೆಂಜಮಿನ್ ಫ್ರಾಂಕ್ಲಿನ್ ಹೇಳಿದಂತೆ, ಸ್ವತಂತ್ರವಾಗಿರಿ, ಚಟುವಟಿಕೆಯಿಂದಿರಿ, ದುಂದುವೆಚ್ಚ ಮಾಡದಿರಿ, ಈ ಕಿವಿಮಾತು ಮರೆಯದಿರಿ .<br /> (<strong>ಲೇಖಕರು ಮ್ಯೋನೇಜ್ಮೆಂಟ್ ಮತ್ತು ವೃತ್ತಿ ಸಲಹಾಗಾರರು. ಇ-ಮೇಲ್: …</strong>: info@promaxintl.com)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>