ಬುಧವಾರ, ಜೂನ್ 23, 2021
28 °C

ಕಾಂಗ್ರೆಸ್‌ ಹಿತಾಸಕ್ತಿಗೆ ನೆರವಾಗುವುದೇ ತೃತೀಯರಂಗದ ಗುರಿ:ಮೋದಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮುಜಫ್ಪರಪುರ (ಪಿಟಿಐ): ಕಾಂಗ್ರೆಸ್‌ ಹಿತಾಸಕ್ತಿಗಳಿಗೆ ನೆರವಾಗುವುದೇ ತೃತೀಯ ರಂಗದ ಗುರಿಯಾಗಿದ್ದು, ದೇಶಕ್ಕೆ ಯಾವುದೇ ಒಳ್ಳೆಯ ಕೆಲಸ ಮಾಡಲು ಸಾಧ್ಯವಿಲ್ಲ’ ಎಂದು ಬಿಜೆಪಿ ಪ್ರಧಾನಿ ಅಭ್ಯರ್ಥಿ ನರೇಂದ್ರ ಮೋದಿ ಟೀಕಿಸಿದ್ದಾರೆ.

ಇಲ್ಲಿ ನಡೆದ ಪಕ್ಷದ ಪ್ರಚಾರ ಸಭೆಯೊಂದರಲ್ಲಿ  ಮಾತನಾಡಿದ ಅವರು ‘ಕಾಂಗ್ರೆಸ್‌ ಹಿತಾಸಕ್ತಿಗಳಿಗೆ ಸಹಾಯ ಮಾಡುವುದೇ ತೃತೀಯ ರಂಗದ ನೈಜ ಗುರಿ’ ಎಂದು ಜರಿದರು.

ಬಿಹಾರ ಮುಖ್ಯಮಂತ್ರಿ ನಿತಿಶ್‌ ಕುಮಾರ್‌ ವಿರುದ್ಧವೂ ವಾಗ್ದಾಳಿ ನಡೆಸಿದ ಮೋದಿ, ‘ಒಂದು ವರ್ಷದ ಅಥವಾ ಆರು ತಿಂಗಳ ಹಿಂದೆ ನೀವು ತೃತೀಯ ರಂಗದ ಬಗ್ಗೆ ಕೇಳಿದ್ದಿರಾ? ಚುನಾವಣೆಯ ಅಂಗವಾಗಿ ಇದು ರಚನೆಯಾಗಿದೆ. ಇದು ಚುನಾವಣೆಗಳನ್ನು ಹಾಳುಗೆಡವಬಹುದಷ್ಟೆ. ದೇಶಕ್ಕೆ ಏನು ಒಳ್ಳೆಯದು ಮಾಡದು’ ಎಂದು ಮೋದಿ ವ್ಯಂಗ್ಯವಾಡಿದರು.

ಕಾಂಗ್ರೆಸ್‌ ಹಾಗೂ ಇತರೆ ಪಕ್ಷಗಳ ವಿರುದ್ಧವೂ ಹರಿಹಾಯ್ದ ಮೋದಿ, ‘ಎಲ್ಲಾ ಜಾತಿಗಳು ಹಾಗೂ ಪಂಗಡಗಳ ಹಿತಾಸಕ್ತಿಗೆ ನೆರವಾಗುವುದು ಬಿಜೆಪಿಯ  ಜಾತ್ಯತೀತದ ಅರ್ಥ. ಆದರೆ ಬೇರೆ ಪಕ್ಷಗಳಲ್ಲಿ ಇದಕ್ಕೆ ‘ಮೋದಿ ಅಧಿಕಾರಕ್ಕೆ ಬರುವುದನ್ನು ತಡೆಯುವುದು ಎಂಬ ಸಂಕೀರ್ಣ ಅರ್ಥವಿದೆ’ ಎಂದು ಅಭಿಪ್ರಾಯ ಪಟ್ಟರು.

ನಿತಿಶ್‌ ಕುಮಾರ್‌ ಅವರ ಅಭಿವೃದ್ಧಿ ವಿರುದ್ಧವೂ ವಾಗ್ದಾಳಿ ನಡೆಸಿದ ಮೋದಿ ‘ರಾಜ್ಯದಲ್ಲಿ ಕೇವಲ 23ರಷ್ಟು ನಿವಾಸಗಳು ಶೌಚಾಲಯ ಹೊಂದಿದ್ದು, ಕೇವಲ ಶೇಕಡಾ 16ರಷ್ಟು ವಿದ್ಯುತ್‌ ಸಂಪರ್ಕ ಹೊಂದಿವೆ’ ಎಂದು ಜರಿದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.