ಕಾಕಿ ಸೊಪ್ಪಿನ ವ್ಯಂಜನ

ಕಾಕಿಸೊಪ್ಪಿನ ಚಟ್ನಿ ಬೇಕಾಗುವ ಸಾಮಾನುಗಳು: ಒಂದು ಮುಷ್ಟಿ ಕಾಕಿಸೊಪ್ಪು,ಒಂದು ಮುಷ್ಟಿ ಎಲವರಿಗೆ ಸೊಪ್ಪು, ಒಂದು ಮುಷ್ಟಿ ಹೊನಗನ್ನೆ ಸೊಪ್ಪು, 1 1/2 ಚಮಚ ಜೀರಿಗೆ, 1/2 ಚಮಚ ಮೆಂತೆ, ನಿಂಬೆಗಾತ್ರದ ಹುಣಸೆ ಹಣ್ಣು, 5-6 ಮೆಣಸಿನ ಕಾಳು, 5-6 ಬ್ಯಾಡಗಿ ಮೆಣಸಿನಕಾಯಿ, ಒಂದು ಬಟ್ಟಲು ಕೊಬ್ಬರಿತುರಿ, ಉಪ್ಪು.

ಮಾಡುವ ವಿಧಾನ: ಎಲ್ಲಾ ಸೊಪ್ಪುಗಳನ್ನು ಬಾಂಡ್ಲಿಯಲ್ಲಿ ಹಾಕಿ ಹುರಿದುಕೊಳ್ಳಬೇಕು. ಜೀರಿಗೆ,ಮೆಂತೆ, ಮೆಣಸಿನ ಕಾಳು, ಮೆಣಸಿನ ಕಾಯಿಗೆ ಸ್ವಲ್ಪ ಎಣ್ಣೆ ಹಾಕಿ ಹುರಿದುಕೊಳ್ಳಬೇಕು. ಆ ನಂತರ ಕೊಬ್ಬರಿ ತುರಿ, ಹುಣಸೆಹಣ್ಣು, ಉಪ್ಪು, ಹುರಿದ ಪದಾರ್ಥಗಳನ್ನು ಹಾಕಿ ರುಬ್ಬಬೇಕು. ಈ ಚಟ್ನಿ ಚಪಾತಿ, ಅನ್ನದ ಜೊತೆ ಬಳಸಬಹುದು. ನಾಲಿಗೆಗೆ ರುಚಿ ಕೊಡುವ ಈ ಚಟ್ನಿ ಬಲು ರುಚಿ.

ಕಾಕಿಸೊಪ್ಪಿನ ಕುಡಿ ತಂಬುಳಿ ಬೇಕಾಗುವ ಸಾಮಗ್ರಿ: ಒಂದು ಮುಷ್ಟಿ ಕಾಕಿ ಕುಡಿ, 4-5 ಮೆಣಸಿನ ಕಾಳು,5 ಚಮಚ ಕಾಯಿತುರಿ,1 ಚಮಚ ಜೀರಿಗೆ, ಚಿಟಿಕೆ ಅರಿಶಿನ, 1ಚಮಚ ತುಪ್ಪ, ಒಂದು ಬಟ್ಟಲು ಸಿಹಿ ಮಜ್ಜಿಗೆ, ಉಪ್ಪು, ಬೆಲ್ಲ. ಕಾಕಿಕುಡಿಯನ್ನು ಸೋಸಿಕೊಂಡು ತುಪ್ಪಹಾಕಿ ಹುರಿದುಕೊಳ್ಳಬೇಕು. ಜೀರಿಗೆ, ಮೆಣಸಿನ ಕಾಳು, ಕಾಯಿತುರಿ, ಅರಿಶಿನ ಪುಡಿ, ಹುರಿದ ಕಾಕಿಸೊಪ್ಪು ಎಲ್ಲವನ್ನು ನಯವಾಗಿ ರುಬ್ಬಿಕೊಳ್ಳಬೇಕು. ರುಚಿಗೆ ತಕ್ಕಷ್ಟು ಉಪ್ಪು, ಬೆಲ್ಲ, ಸಿಹಿಮಜ್ಜಿಗೆ ಹಾಕಿ ತುಪ್ಪದ ಒಗ್ಗರಣೆ ಕೊಡಿ. ದೇಹ ತಂಪಿಗೆ ಈ ತಂಬುಳಿ ಪ್ರಯೋಜನಕಾರಿ. (ರುಚಿಯಲ್ಲಿ ಈ ಸೊಪ್ಪು ಒಗರಾದರೂ ಅಧರಕ್ಕೆ ಕಹಿ ಉದರಕ್ಕೆ ಸಿಹಿ)

ಕಾಕಿಸೊಪ್ಪಿನ ಹಾಲುಸಾರು ಬೇಕಾಗುವ ಸಾಮಗ್ರಿ: ಒಂದು ಮುಷ್ಟಿ ಕಾಕಿ ಸೊಪ್ಪು, 5-6 ಮೆಣಸಿನ ಕಾಳು, 2-3 ಒಣಮೆಣಸಿನ ಕಾಯಿ, 5-6 ಬೆಳ್ಳುಳ್ಳಿ ಬೀಜ, 1/4 ಬಟ್ಟಲು ತೆಂಗಿನ ತುರಿ, ರುಚಿಗೆ ತಕ್ಕಷ್ಟು ಉಪ್ಪು.

ಮಾಡುವ ವಿಧಾನ : ಮೊದಲು ಕಾಕಿಸೊಪ್ಪನ್ನು ಬೇಯಿಸಿಕೊಳ್ಳಬೇಕು. ಇದಕ್ಕೆ ಮೆಣಸಿನ ಕಾಳು,ಒಣಮೆಣಸು, ಬೆಳ್ಳುಳ್ಳಿ, ತೆಂಗಿನ ತುರಿ ಹಾಕಿ ರುಬ್ಬಿಕ್ದೊಳ್ಳಿ. ಇದನ್ನು ಒಂದು ಕುದಿ ಕುದಿಸಿ. ಇದು ಆರಿದ ಮೇಲೆ ಹಾಲು ಹಾಕಿ ಊಟದಲ್ಲಿ ಬಳಸಿದರೆ ಸಂಧಿವಾತ ವಾಸಿಯಾಗುವುದು. ಎದೆಹಾಲು ವೃದ್ಧಿಯಾಗುವುದು.

ಕಾಕಿ ಸೊಪ್ಪಿನ ಪಲ್ಯ ಬೇಕಾಗುವ ಸಾಮಗ್ರಿ: ಒಂದು ಮುಷ್ಟಿ ಕಾಕಿ ಸೊಪ್ಪು, ಒಂದು ಬಟ್ಟಲು ಮೊಳಕೆ ತರಿಸಿದ ಹೆಸರು ಕಾಳು, 2-3 ಹಸಿಮೆಣಸಿನ ಕಾಯಿ,1 ಈರುಳ್ಳಿ, 1/2 ಹೋಳು ನಿಂಬೆಹಣ್ಣು, ಉದ್ದಿನ ಬೇಳೆ, ಕಡಲೆ ಬೇಳೆ, ಅರಿಶಿನ, ಸಾಸಿವೆ, ಗೋಲಿ ಗಾತ್ರದ ಬೆಣ್ಣೆ.

ಮಾಡುವ ವಿಧಾನ: ಬೆಣ್ಣೆ ಕರಗಿಸಿ ಅದಕ್ಕೆ ಉದ್ದಿನ ಬೇಳೆ, ಕಡಲೆಬೇಳೆ, ಸಾಸಿವೆ, ಅರಿಶಿನ ಹಾಕಿ ಒಗ್ಗರಣೆ ಚಟಪಟಗುಡಿಸಿ. ಇದಕ್ಕೆ ಸಣ್ಣದಾಗಿ ಹೆಚ್ಚಿದ ಕಾಕಿಸೊಪ್ಪು, ಮೆಣಸಿನಕಾಯಿ, ಮೊಳಕೆ ತರಿಸಿದ ಹೆಸರು ಕಾಳು ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಬೇಯಿಸಿ ಕೆಳಗಿಳಿಸಿ. ಅನಂತರ ನಿಂಬೆ ಹಣ್ಣಿನ ರಸ ಬೆರಸಿ ಬಳಸಿದರೆ ಕಫ ಕರಗಿ ಕೆಮ್ಮು ನಿವಾರಣೆಯಾಗುತ್ತದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಾಕಿ ಸೊಪ್ಪಿನ ವ್ಯಂಜನ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್