ಶುಕ್ರವಾರ, ಮೇ 27, 2022
28 °C

ಕಾಮನ್‌ವೆಲ್ತ್ ಕೂಟ: ನಿತ್ಯ 600 ಕಾಂಡೋಮ್ ಬಳಕೆ!

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ (ಪಿಟಿಐ): ಕಾಮನ್‌ವೆಲ್ತ್ ಕ್ರೀಡಾಕೂಟದ ವೇಳೆ ಅಥ್ಲೀಟ್‌ಗಳು ಮತ್ತು ಅಧಿಕಾರಿಗಳು ಸಾಕಷ್ಟು ಮೋಜು ಅನುಭವಿಸಿದ್ದಾರೆ ಎಂಬುದು ಇದೀಗ ಬಹಿರಂಗವಾಗಿದೆ. ನವದೆಹಲಿಯಲ್ಲಿ ನಡೆದ 11 ದಿನಗಳ ಕೂಟದ ವೇಳೆ ಪ್ರತಿದಿನ ಸರಾಸರಿ 640 ಕಾಂಡೋಮ್‌ಗಳು ಬಿಕರಿಯಾಗಿವೆ! ದೆಹಲಿ ಸರ್ಕಾರದ ಅಂಕಿಅಂಶ ಈ ಮಾಹಿತಿ ನೀಡಿದೆ.



ಕೂಟದ ವೇಳೆ ದೆಹಲಿ ಏಡ್ಸ್ ನಿಯಂತ್ರಣ ಸೊಸೈಟಿಯು ಕ್ರೀಡಾಗ್ರಾಮದಲ್ಲಿ ಹಲವು ಕಾಂಡೋಮ್ ವಿತರಣಾ ಯಂತ್ರಗಳನ್ನು ಸ್ಥಾಪಿಸಿದ್ದವು. ಅಥ್ಲೀಟ್‌ಗಳು ಮತ್ತು ಅಧಿಕಾರಿಗಳಲ್ಲಿ ‘ಸುರಕ್ಷಿತ ಲೈಂಗಿಕತೆ’ಯ ಬಗ್ಗೆ ಜಾಗೃತಿ ಮೂಡಿಸಲು ಈ ಕ್ರಮ ಕೈಗೊಳ್ಳಲಾಗಿತ್ತು.



ಮಾಹಿತಿ ಹಕ್ಕು ಕಾಯ್ದೆಯಡಿ ಸಲ್ಲಿಸಿದ್ದ ಅರ್ಜಿಗೆ ಉತ್ತರವಾಗಿ ದೆಹಲಿ ಸರ್ಕಾರದ ಆರೋಗ್ಯ ಇಲಾಖೆ ಈ ವಿವರ ನೀಡಿದೆ. ಪ್ರತಿದಿನ 640ರ ಸರಾಸರಿಯಂತೆ ಕೂಟದ ಅವಧಿಯಲ್ಲಿ ಒಟ್ಟಾರೆ 7680 ಕಾಂಡೋಮ್‌ಗಳು ಬಿಕರಿಯಾಗಿವೆ.



ಕ್ರೀಡಾಗ್ರಾಮದಲ್ಲಿ 77 ರಾಷ್ಟ್ರಗಳ ಅಥ್ಲೀಟ್‌ಗಳು ಮತ್ತು ಅಧಿಕಾರಿಗಳು ಒಳಗೊಂಡಂತೆ ಒಟ್ಟು 6 ಸಾವಿರ ಮಂದಿ ತಂಗಿದ್ದರು. ಇದಲ್ಲದೆ ದೆಹಲಿಯ ಪ್ರಮುಖ ಹೋಟೆಲ್, ಕ್ರೀಡಾಂಗಣ ಮತ್ತು ಮಾರುಕಟ್ಟೆ ಒಳಗೊಂಡಂತೆ ವಿವಿಧ ಕಡೆ ಕೂಟದ ಅವಧಿಯಲ್ಲಿ ಕಾಂಡೋಮ್ ಮಾರಾಟ ಯಂತ್ರಗಳನ್ನು ಸ್ಥಾಪಿಸಲಾಗಿತ್ತು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.