ಕೆಲವು ಸಂಕ್ಷಿಪ್ತ ಸಿನಿಮಾ ಸುದ್ದಿಗಳು
ವಿದೇಶದಲ್ಲಿ `ಮಾಗಡಿ~
ಕೆ.ಸುರೇಶ್ ಗೋಸ್ವಾಮಿ ನಿರ್ದೇಶಿಸುತ್ತಿರುವ ಬಾಮಾ ಹರೀಶ್ ನಿರ್ಮಾಣದ `ಮಾಗಡಿ~ ಚಿತ್ರದ ಹಾಡಿನ ಚಿತ್ರೀಕರಣಕ್ಕಾಗಿ ಚಿತ್ರತಂಡ ಬ್ಯಾಂಕಾಕ್ ಮತ್ತು ಪಟಾಯಂಗಳಿಗೆ ತೆರಳಿದೆ. ದೀಪಕ್, ರಕ್ಷಿತಾ ಅಭಿನಯಿಸಿರುವ ಈ ಚಿತ್ರಕ್ಕೆ ರಾಜೇಶ್ ರಾಮನಾಥ್ ಸಂಗೀತ ಸಂಯೋಜನೆ ಮಾಡಿದ್ದಾರೆ. ರಮೇಶ್ ಛಾಯಾಗ್ರಹಣ ಚಿತ್ರಕ್ಕಿದೆ. ರವಿ, ರಂಗತೇಜ, ಮಹೇಶ್, ಗೋಪಿ, ರಮೇಶ್ ಪಂಡಿತ್ ಮುಂತಾದವರು ತಾರಾಬಳಗದಲ್ಲಿದ್ದಾರೆ.
`ಸೂಪರ್ ಶಾಸ್ತ್ರಿ~ ಚಿತ್ರೀಕರಣ
ಪ್ರಜ್ವಲ್ ದೇವರಾಜ್ ನಾಯಕರಾಗಿ ನಟಿಸಿರುವ `ಸೂಪರ್ ಶಾಸ್ತ್ರಿ~ ಚಿತ್ರದ ಚಿತ್ರೀಕರಣ ಬೆಂಗಳೂರಿನಲ್ಲಿ ಭರದಿಂದ ಸಾಗುತ್ತಿದೆ. ಜಿ.ರಾಮಚಂದ್ರನ್ ನಿರ್ಮಾಣದ ಈ ಚಿತ್ರಕ್ಕೆ ರವಿರಾಜ್ ನಿರ್ದೇಶನವಿದೆ. ಕಾಶಿ ವಿಶ್ವನಾಥ್ ಛಾಯಾಗ್ರಹಣ, ದೇವ ಸಂಗೀತ, ಕೆ.ಕಲ್ಯಾಣ್ ಸಾಹಿತ್ಯ ಚಿತ್ರಕ್ಕಿದೆ. ಮಾಸ್ ಮಾದ ಸಾಹಸ ನಿರ್ದೇಶಿಸಿದ್ದಾರೆ. ನಾಯಕಿಯಾಗಿ ಹರಿಪ್ರಿಯ ಅಭಿನಯಿಸಿದ್ದಾರೆ. ರಂಗಾಯಣ ರಘು, ಬುಲೆಟ್ ಪ್ರಕಾಶ್, ಉಮಾಶ್ರೀ, ರೇಖಾಕುಮಾರ್, ಮಿಮಿಕ್ರಿ ರಾಜಗೋಪಾಲ್ ಮುಂತಾದವರು ನಟಿಸಿದ್ದಾರೆ.
`ಹೊಸ ಪ್ರೇಮ ಪುರಾಣ~ ಡಬ್ಬಿಂಗ್
ನಿತಿನ್ ಗೌಡ, ರಾಧಿಕಾ ಗಾಂಧಿ, ಶ್ರದ್ಧಾದಾಸ್, ಪೂಜಾಗಾಂಧಿ ಅಭಿನಯಿಸಿರುವ `ಹೊಸ ಪ್ರೇಮ ಪುರಾಣ~ ಚಿತ್ರದ ಡಬ್ಬಿಂಗ್ ಕಾರ್ಯ ಪೂರ್ಣಗೊಂಡಿದೆ. ಗೌರಿ ವೆಂಕಟೇಶ್ ಛಾಯಾಗ್ರಹಣ ಮಾಡಿದ್ದಾರೆ. ರಾಜೇಶ್ ರಾಮನಾಥ್ ಸಂಗೀತವಿದೆ.
ಬಾದಾಮಿಯಲ್ಲಿ `ಬಾಡಿಗಾರ್ಡ್~
ಜಗ್ಗೇಶ್, ಡೈಸಿ ಶಾ, ಸ್ಫೂರ್ತಿ ಅಭಿನಯದ `ಬಾಡಿಗಾರ್ಡ್~ ಚಿತ್ರದ ಹಾಡುಗಳ ಚಿತ್ರೀಕರಣ ಬಾದಾಮಿ, ಐಹೊಳೆ, ಬಿಜಾಪುರ, ಹೈದರಾಬಾದ್‌ಗಳಲ್ಲಿ ಹದಿಮೂರು ದಿನಗಳ ಕಾಲ ನಡೆಯಿತು. ಚಿತ್ರೀಕರಣ ಪೂರ್ಣಗೊಂಡಿದ್ದು ಮಾತಿನ ಜೋಡಣೆ ನಡೆಯುತ್ತಿದೆ. ಟಿ.ಎ.ಆನಂದ್ ಚಿತ್ರದ ನಿರ್ದೇಶಕರು. ಅಶೋಕ್ ವಿ.ರಾಮ್ ಛಾಯಾಗ್ರಹಣ ಚಿತ್ರಕ್ಕಿದೆ. ಕವಿರಾಜ್, ವಿ.ಮನೋಹರ್, ರಾಮ್‌ನಾರಾಯಣ್ ಸಾಹಿತ್ಯ ರಚಿಸಿದ್ದಾರೆ.
`ಚಿತ್ರಾನ್ನ~ ಚಿತ್ರಕ್ಕೆ ಡಿಟಿಎಸ್
ಸಾಯಿಜಾಧವ್ ನಿರ್ದೇಶನದ `ಚಿತ್ರಾನ್ನ~ ಚಿತ್ರಕ್ಕೆ ಡಿಟಿಎಸ್ ಕಾರ್ಯ ಪೂರ್ಣಗೊಂಡಿದೆ. ಶಕ್ತಿ, ವಿಕಾಸ್, ವೆಂಕಿ, ಜಾಹ್ನವಿ, ದೀಪಿಕಾ ಅವಿನಾಶ್ ಮುಂತಾದವರು ನಟಿಸಿರುವ ಈ ಚಿತ್ರಕ್ಕೆ ಮಹಾಂತೇಶ್ ಛಾಯಾಗ್ರಹಣವಿದೆ. ಹಿತನ್ ಸಂಗೀತ ನೀಡಿದ್ದಾರೆ. ಮಾಲೂರು ಶ್ರೀನಿವಾಸ್ ನೃತ್ಯಸಂಯೋಜನೆ ಮಾಡಿದ್ದಾರೆ.
ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?
ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.
ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.
ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.
ಬರಹ ಇಷ್ಟವಾಯಿತೆ?
0
0
0
0
0
