ಕೈವಾರ; ಅಪಸ್ವರ ಬೇಡ

ಕೈವಾರ ಕ್ಷೇತ್ರದ ಅಭಿವೃದ್ಧಿಗೆ ರಾಜ್ಯ ಸರ್ಕಾರ ನೀಡಿದ್ದ ಒಂದು ಕೋಟಿ ರೂ ಅನುದಾನವನ್ನು ಧರ್ಮಾಧಿಕಾರಿ ಎಂ. ಆರ್. ಜಯರಾಂ ನಿರಾಕರಿಸಿದ ಕ್ರಮವನ್ನು ಲೇಖಕ ಸಿ. ಎಸ್. ದ್ವಾರಕನಾಥ್ ಪ್ರಜಾವಾಣಿಗೆ ಬರೆದ ಪತ್ರದಲ್ಲಿ ಸ್ವಾಗತಿಸಿದ್ದಾರೆ.

ಆದರೆ ಕ್ಷೇತ್ರದ ಆಡಳಿತದ ಬಗ್ಗೆ ಅವರು ಸಲ್ಲದ ಟೀಕೆಗಳನ್ನು ಮಾಡಿದ್ದಾರೆ.



ದ್ವಾರಕಾನಾಥ್ ಅವರ ಬಳಿ ಕೈವಾರ ಕ್ಷೇತ್ರದ ಪರಂಪರೆಯ ಬಗ್ಗೆ ದಾಖಲೆಗಳಿದ್ದರೆ ಅದನ್ನು ಪ್ರಕಟಿಸಲಿ. ಅದನ್ನು ಬಿಟ್ಟು   ಜಾತಿ ಮತ್ತು ಕುಟುಂಬ ರಾಜಕಾರಣದ ಆರೋಪಗಳನ್ನು ಮಾಡಿ ಕ್ಷೇತ್ರದ ಅಭಿವೃದ್ಧಿಗೆ ಪ್ರಗತಿಗೆ ಅಡ್ಡಿ ಮಾಡುವುದು ಬೇಡ.



ದಿ. ಎಂ. ಎಸ್. ರಾಮಯ್ಯ ಮತ್ತು ಅವರ ಮಗ ಎಂ. ಆರ್. ಜಯರಾಂ ಅವರು  ಸೇವಾ ಮನೋಭಾವದಿಂದ ದುಡಿದಿದ್ದಾರೆ. ಕ್ಷೇತ್ರದಲ್ಲಿ ದೈನಂದಿನ ಪೂಜಾ ಕೈಂಕರ್ಯ, ಉಚಿತ ಸಾಮೂಹಿಕ ವಿವಾಹ, ಉಚಿತ ಭೋಜನ, ಸಾಂಸ್ಕೃತಿಕ ಕಾರ್ಯಕ್ರಮಗಳು ವ್ಯವಸ್ಥಿತವಾಗಿ ನಡೆಯುತ್ತಿವೆ. ಈ ಹಂತದಲ್ಲಿ ಕ್ಷೇತ್ರದ ಆಡಳಿತದ ಬಗ್ಗೆ ಅಪಸ್ವರ ಎತ್ತಿ ಒಳ್ಳೆಯ ಕೆಲಸಗಳಿಗೆ ಅಡ್ಡಿ ಮಾಡುವುದು ಬೇಡ.