<p>ಮೇಡಂ ನಾನು ಎರಡೇ ಎರಡು ಹಲಸಿನ ಹಣ್ಣು ತಿಂದಿದ್ದೆ (ತೊಳೆಯಲ್ಲ) ಎಂದು ಅವರು ಹೇಳಿದಾಗ, ಅವರಿಗೆ ಹೊಟ್ಟೆನೋವು ಬಂದದ್ದು ಯಾಕೆ ಎಂಬುದು ನನಗೆ ಅರ್ಥವಾಗಿತ್ತು! </p>.<p>ಕ್ಲಿನಿಕ್ ಇಟ್ಟ ಆರಂಭದ ದಿನಗಳು. ಮೆಡಿಕಲ್ ಕ್ಯಾಂಪ್ಗಳಲ್ಲಿ ರೋಗಿಗಳನ್ನು ಮಾತನಾಡಿಸಿ ಗೊತ್ತಿತ್ತು. ಹಳ್ಳಿಗಳಲ್ಲೇ ಹೆಚ್ಚು ಕ್ಯಾಂಪ್ಗಳು ಇರುತ್ತಿದ್ದುದರಿಂದ ಕ್ಲಿನಿಕ್ಗೆ ಬರುವ ರೋಗಿಗಳನ್ನು ಹೇಗೆ ನಡೆಸಿಕೊಳ್ಳಬೇಕು ಎಂಬುದನ್ನು ಅರಿಯಲು ನನಗೆ ಹೆಚ್ಚು ಅನುಕೂಲವಾಯ್ತೇನೋ?</p>.<p>ನಾನು ಕ್ಲಿನಿಕ್ ಇಟ್ಟಿದ್ದು ಜಕ್ಕಸಂದ್ರ ಎಂಬ ಹಳ್ಳಿಯಲ್ಲಿ. ಆಯುರ್ವೇದದಲ್ಲಿ ಔಷಧಿಗಿಂತ ದಿನಚರ್ಯೆಗೇ ಹೆಚ್ಚು ಮಹತ್ವ. ಹಾಗಾಗಿ ಎಲ್ಲ ರೋಗಿಗಳ ದಿನಚರ್ಯೆ ಕೇಳುವುದನ್ನು ರೂಢಿ ಮಾಡಿಕೊಂಡಿದ್ದೆ. ಕ್ಯಾಂಪ್ನಲ್ಲಿದ್ದಾಗ ನಮ್ಮ ಗುರುಗಳು ಬೈಯ್ಯುತ್ತಿದ್ದರು `ತಲೆಗೆಲ್ಲ ಒಂದೇ ಮಂತ್ರ ಅನ್ನೋ ಹಾಗೆ, ಬೆಳಿಗ್ಗೆ ಸ್ನಾನಕ್ಕೆ ಮೊದ್ಲು ಎಣ್ಣೆ ಹಚ್ಬೇಕು, ಊಟದಲ್ಲಿ ತುಪ್ಪ ಇರ್ಬೇಕು ಅಂತೀರಲ್ಲ. ಅವ್ರ ಇದನ್ನೆಲ್ಲ ಮಾಡಕ್ಕಾಗುತ್ತಾ?' ಅಂತ.</p>.<p>ಇದರಿಂದ ನನ್ನ ರೋಗಿಗಳನ್ನು ಪ್ರಶ್ನೆ ಕೇಳುವಾಗ ಯಾವ ರೀತಿ ಎಚ್ಚರಿಕೆ ವಹಿಸಬೇಕು, ಯಾವ ರೀತಿ ನಾಜೂಕಿನಿಂದ ಅವರಿಂದ ಉತ್ತರ ಪಡೆಯಬೇಕು ಎಂಬುದನ್ನು ನಾನು ಚೆನ್ನಾಗಿಯೇ ಕಲಿತುಕೊಂಡಿದ್ದೆ. `ಏನಮ್ಮೋ, ವಾರಕ್ಕೊಮ್ಮೆ ಸ್ನಾನ ಮಾಡ್ತೀರಾ?' (ಅವ್ರ ಮನಸ್ಸಿಗೆ ನೋವಾಗದ ರೀತಿಯಲ್ಲಿ ಪ್ರಶ್ನೆ ಇರುತ್ತಿತ್ತು) ಆಗ ಅವರು ಖುಷಿಯಾಗಿ `ಇಲ್ಲ ಡಾಕ್ಟ್ರೇ, ವಾರಕ್ಕೆ ಎರಡು ಸಾರಿ ಮಾಡ್ತೀನಿ' ಎನ್ನುತ್ತಿದ್ದರು. ಶಾಲೆಗೆ ಹೋಗುವ ಬಹುತೇಕ ಮಕ್ಕಳು ಸಹ ವಾರಕ್ಕೊಮ್ಮೆಯೇ ಸ್ನಾನ ಮಾಡುತ್ತಿದ್ದುದು.</p>.<p>ಆಮೇಲೆ ನನ್ನ ಡೈಲಾಗುಗಳನ್ನೇ ಬದಲಾಯಿಸಿಕೊಂಡೆ. `ನೀವು ಯಾವತ್ತು ಸ್ನಾನ ಮಾಡ್ತೀರೋ ಆ ದಿನ ಎಣ್ಣೆ ಹಚ್ಚಿ ಹತ್ತು ನಿಮಿಷ ಬಿಡಿ' ಎಂದು ಹೇಳಲು ಶುರು ಮಾಡಿದೆ.</p>.<p>ಮೊದಲು ರೋಗಿಯಾಗಿ ಈಗ ಆತ್ಮೀಯರಾಗಿರುವ ಒಬ್ಬ ಮಹಿಳೆ ಆರಂಭದಲ್ಲಿ `ಹೊಟ್ಟೆನೋವು' ಎಂದು ಬಂದಿದ್ದರು. ಪರೀಕ್ಷಿಸಿದಾಗ ಎಂದಿನಂತೆ ಆಹಾರದಲ್ಲಿ ವ್ಯತ್ಯಾಸವಾಗಿತ್ತು. `ಏನು ತಿಂದ್ರಿ?' ಎಂದೆ. `ಎರಡೇ ಎರಡು ಹಲಸಿನ ಹಣ್ಣು ಡಾಕ್ಟ್ರೇ' ಎಂದರು.</p>.<p>ಅವರ ಪ್ರಕಾರ ಹಲಸಿನ ಎರಡು ತೊಳೆ ಎಂದರ್ಥ. ಆದರೆ ನನ್ನ ಸುತ್ತ ಕುಳಿತಿದ್ದ ವೈದ್ಯರಲ್ಲಿ ಒಬ್ಬರಾದ ಡಾ. ವೀಣಾ ಕೈ ಸನ್ನೆ ಮೂಲಕ ಹೇಳುತ್ತಿದ್ದರು `ಮೇಡಂ, ಎರಡೇ ಎರಡು ಹಲಸಿನ ಹಣ್ಣು' ಅಂತ. ಯಾಕೆಂದರೆ ಎರಡೇ ತೊಳೆಗೆ ಅಷ್ಟು ತೀವ್ರವಾದ ನೋವು ಬರಲು ಸಾಧ್ಯವಿಲ್ಲವಲ್ಲ?!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮೇಡಂ ನಾನು ಎರಡೇ ಎರಡು ಹಲಸಿನ ಹಣ್ಣು ತಿಂದಿದ್ದೆ (ತೊಳೆಯಲ್ಲ) ಎಂದು ಅವರು ಹೇಳಿದಾಗ, ಅವರಿಗೆ ಹೊಟ್ಟೆನೋವು ಬಂದದ್ದು ಯಾಕೆ ಎಂಬುದು ನನಗೆ ಅರ್ಥವಾಗಿತ್ತು! </p>.<p>ಕ್ಲಿನಿಕ್ ಇಟ್ಟ ಆರಂಭದ ದಿನಗಳು. ಮೆಡಿಕಲ್ ಕ್ಯಾಂಪ್ಗಳಲ್ಲಿ ರೋಗಿಗಳನ್ನು ಮಾತನಾಡಿಸಿ ಗೊತ್ತಿತ್ತು. ಹಳ್ಳಿಗಳಲ್ಲೇ ಹೆಚ್ಚು ಕ್ಯಾಂಪ್ಗಳು ಇರುತ್ತಿದ್ದುದರಿಂದ ಕ್ಲಿನಿಕ್ಗೆ ಬರುವ ರೋಗಿಗಳನ್ನು ಹೇಗೆ ನಡೆಸಿಕೊಳ್ಳಬೇಕು ಎಂಬುದನ್ನು ಅರಿಯಲು ನನಗೆ ಹೆಚ್ಚು ಅನುಕೂಲವಾಯ್ತೇನೋ?</p>.<p>ನಾನು ಕ್ಲಿನಿಕ್ ಇಟ್ಟಿದ್ದು ಜಕ್ಕಸಂದ್ರ ಎಂಬ ಹಳ್ಳಿಯಲ್ಲಿ. ಆಯುರ್ವೇದದಲ್ಲಿ ಔಷಧಿಗಿಂತ ದಿನಚರ್ಯೆಗೇ ಹೆಚ್ಚು ಮಹತ್ವ. ಹಾಗಾಗಿ ಎಲ್ಲ ರೋಗಿಗಳ ದಿನಚರ್ಯೆ ಕೇಳುವುದನ್ನು ರೂಢಿ ಮಾಡಿಕೊಂಡಿದ್ದೆ. ಕ್ಯಾಂಪ್ನಲ್ಲಿದ್ದಾಗ ನಮ್ಮ ಗುರುಗಳು ಬೈಯ್ಯುತ್ತಿದ್ದರು `ತಲೆಗೆಲ್ಲ ಒಂದೇ ಮಂತ್ರ ಅನ್ನೋ ಹಾಗೆ, ಬೆಳಿಗ್ಗೆ ಸ್ನಾನಕ್ಕೆ ಮೊದ್ಲು ಎಣ್ಣೆ ಹಚ್ಬೇಕು, ಊಟದಲ್ಲಿ ತುಪ್ಪ ಇರ್ಬೇಕು ಅಂತೀರಲ್ಲ. ಅವ್ರ ಇದನ್ನೆಲ್ಲ ಮಾಡಕ್ಕಾಗುತ್ತಾ?' ಅಂತ.</p>.<p>ಇದರಿಂದ ನನ್ನ ರೋಗಿಗಳನ್ನು ಪ್ರಶ್ನೆ ಕೇಳುವಾಗ ಯಾವ ರೀತಿ ಎಚ್ಚರಿಕೆ ವಹಿಸಬೇಕು, ಯಾವ ರೀತಿ ನಾಜೂಕಿನಿಂದ ಅವರಿಂದ ಉತ್ತರ ಪಡೆಯಬೇಕು ಎಂಬುದನ್ನು ನಾನು ಚೆನ್ನಾಗಿಯೇ ಕಲಿತುಕೊಂಡಿದ್ದೆ. `ಏನಮ್ಮೋ, ವಾರಕ್ಕೊಮ್ಮೆ ಸ್ನಾನ ಮಾಡ್ತೀರಾ?' (ಅವ್ರ ಮನಸ್ಸಿಗೆ ನೋವಾಗದ ರೀತಿಯಲ್ಲಿ ಪ್ರಶ್ನೆ ಇರುತ್ತಿತ್ತು) ಆಗ ಅವರು ಖುಷಿಯಾಗಿ `ಇಲ್ಲ ಡಾಕ್ಟ್ರೇ, ವಾರಕ್ಕೆ ಎರಡು ಸಾರಿ ಮಾಡ್ತೀನಿ' ಎನ್ನುತ್ತಿದ್ದರು. ಶಾಲೆಗೆ ಹೋಗುವ ಬಹುತೇಕ ಮಕ್ಕಳು ಸಹ ವಾರಕ್ಕೊಮ್ಮೆಯೇ ಸ್ನಾನ ಮಾಡುತ್ತಿದ್ದುದು.</p>.<p>ಆಮೇಲೆ ನನ್ನ ಡೈಲಾಗುಗಳನ್ನೇ ಬದಲಾಯಿಸಿಕೊಂಡೆ. `ನೀವು ಯಾವತ್ತು ಸ್ನಾನ ಮಾಡ್ತೀರೋ ಆ ದಿನ ಎಣ್ಣೆ ಹಚ್ಚಿ ಹತ್ತು ನಿಮಿಷ ಬಿಡಿ' ಎಂದು ಹೇಳಲು ಶುರು ಮಾಡಿದೆ.</p>.<p>ಮೊದಲು ರೋಗಿಯಾಗಿ ಈಗ ಆತ್ಮೀಯರಾಗಿರುವ ಒಬ್ಬ ಮಹಿಳೆ ಆರಂಭದಲ್ಲಿ `ಹೊಟ್ಟೆನೋವು' ಎಂದು ಬಂದಿದ್ದರು. ಪರೀಕ್ಷಿಸಿದಾಗ ಎಂದಿನಂತೆ ಆಹಾರದಲ್ಲಿ ವ್ಯತ್ಯಾಸವಾಗಿತ್ತು. `ಏನು ತಿಂದ್ರಿ?' ಎಂದೆ. `ಎರಡೇ ಎರಡು ಹಲಸಿನ ಹಣ್ಣು ಡಾಕ್ಟ್ರೇ' ಎಂದರು.</p>.<p>ಅವರ ಪ್ರಕಾರ ಹಲಸಿನ ಎರಡು ತೊಳೆ ಎಂದರ್ಥ. ಆದರೆ ನನ್ನ ಸುತ್ತ ಕುಳಿತಿದ್ದ ವೈದ್ಯರಲ್ಲಿ ಒಬ್ಬರಾದ ಡಾ. ವೀಣಾ ಕೈ ಸನ್ನೆ ಮೂಲಕ ಹೇಳುತ್ತಿದ್ದರು `ಮೇಡಂ, ಎರಡೇ ಎರಡು ಹಲಸಿನ ಹಣ್ಣು' ಅಂತ. ಯಾಕೆಂದರೆ ಎರಡೇ ತೊಳೆಗೆ ಅಷ್ಟು ತೀವ್ರವಾದ ನೋವು ಬರಲು ಸಾಧ್ಯವಿಲ್ಲವಲ್ಲ?!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>