<p><strong>ಕಾರವಾರ: </strong>ಸಮುದ್ರದಲ್ಲಿರುವ ಕಲ್ಲುಬಂಡೆಗಳ ಮಧ್ಯೆ ಹೆಚ್ಚಾಗಿ ವಾಸ ಮಾಡುವ ಕುರುಡೆ, ಕೊಕ್ಕರ್, ಕೆಮ್ಸು ಮೀನು ಹಿಡಿಯಲು ಪಾತಿ ದೋಣಿಯಲ್ಲಿ ತೆರಳಿದ್ದ ಮೀನುಗಾರರ ಗಾಳಕ್ಕೆ ಅಪರೂಪದ ಮೀನೊಂದು ಸಿಲುಕಿ ಬಿದ್ದು ಅಚ್ಚರಿ ಮೂಡಿಸಿದೆ.</p>.<p>ಈ ಅಪರೂಪದ ಮೀನಿಗೆ ಸ್ಥಳೀಯವಾಗಿ ಯಾವುದೇ ಹೆಸರಿಲ್ಲ. `ಬ್ಲಾಸ್ಟಿಡಾ~ ವರ್ಗಕ್ಕೆ ಸೇರಿದ ಮೀನಿನ ವೈಜ್ಞಾನಿಕ ಹೆಸರು `ಸಪ್ಲಾಮೆನ್ ಪ್ರೆನಟಮ್~. ಇವುಗಳ ಜೀವಿತಾವಧಿ 2ರಿಂದ3 ವರ್ಷ. ಗಾಳಕ್ಕೆ ಸಿಕ್ಕ ಈ ಮೀನು 26 ಸೆಂ.ಮೀ. ಉದ್ದ, ರೆಕ್ಕೆ ಸೇರಿ 10 ಅಂಗುಲ ಅಗಲ, 500 ಗ್ರಾಂ. ತೂಕವಿದೆ. ಹವಳದ ದಿಬ್ಬವಿರುವ ಪ್ರದೇಶದಲ್ಲಿ ಹೆಚ್ಚಾಗಿ ಕಂಡುಬರುವ ಈ ಮೀನುಗಳು ಸುಮಾರು 38 ಸೆಂ. ಮೀವರೆಗೆ ಬೆಳೆಯುತ್ತವೆ.</p>.<p>ಸಮುದ್ರದಲ್ಲಿ ಎಂಟರಿಂದ 180 ಮೀಟರ್ ಆಳದದಲ್ಲಿ ಇವು ವಾಸ ಮಾಡುತ್ತವೆ. ಕಪ್ಪೆಚಿಪ್ಪು, ಸಿಗಡಿ, ಮೃದ್ವಂಗಿ, ಸಣ್ಣ ಜಲಚರಗಳು ಇದರ ಪ್ರಮುಖ ಆಹಾರ. ಈ ಮೀನುಗಳು ಗಿಲ್ನೆಟ್ ಅಥವಾ ಆಳಸಮುದ್ರ ಮೀನುಗಾರಿಕೆ ನಡೆಸುವ ದೋಣಿಗಳ ಬಲೆಗೆ ಹೆಚ್ಚಾಗಿ ಬೀಳುತ್ತವೆ.</p>.<p>ಈ ಮೀನುಗಳು ರೆಡ್ಲಿಸ್ಟ್ ಅಥವಾ ಅಳಿವಿನಂಚಿನಲ್ಲಿರುವ ಜೀವಿಗಳ ಪಟ್ಟಿಯಲ್ಲಿ ಸೇರಿಲ್ಲ. ಬದಲಾಗಿ ವಿಶೇಷ ಆಕೃತಿಯ ಮೀನು ಎಂದು ಗುರುತಿಸಲಾಗಿದೆ.</p>.<p>`ಹಿಂದೂ ಮಹಾಸಾಗರ, ಹವಾಯಿ ದ್ವೀಪಗಳು, ದಕ್ಷಿಣಪೂರ್ವ ಆಫ್ರಿಕಾ ಕರಾವಳಿಯಲ್ಲಿ ಹೆಚ್ಚಾಗಿ ಇವು ಕಂಡುಬರುತ್ತವೆ. ನೀರಿನ ಸೆಳೆತಕ್ಕೆ ಅಥವಾ ಗುಂಪಿನಿಂದ ಪತ್ಯೇಕಗೊಂಡ ಈ ಮೀನು ಗಾಳಕ್ಕೆ ಸಿಕ್ಕಿರಬಹುದು~ ಎಂದು ಕರ್ನಾಟಕ ವಿವಿಯ ಕಡಲಜೀವಶಾಸ್ತ್ರ ವಿಭಾಗದ ಉಪನ್ಯಾಸಕರಾದ ಡಾ. ಉಲ್ಲಾಸ ನಾಯಕ ಮತ್ತು ಡಾ. ಶಿವಪ್ರಸಾದ ಹರಗಿ ಹೇಳುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಾರವಾರ: </strong>ಸಮುದ್ರದಲ್ಲಿರುವ ಕಲ್ಲುಬಂಡೆಗಳ ಮಧ್ಯೆ ಹೆಚ್ಚಾಗಿ ವಾಸ ಮಾಡುವ ಕುರುಡೆ, ಕೊಕ್ಕರ್, ಕೆಮ್ಸು ಮೀನು ಹಿಡಿಯಲು ಪಾತಿ ದೋಣಿಯಲ್ಲಿ ತೆರಳಿದ್ದ ಮೀನುಗಾರರ ಗಾಳಕ್ಕೆ ಅಪರೂಪದ ಮೀನೊಂದು ಸಿಲುಕಿ ಬಿದ್ದು ಅಚ್ಚರಿ ಮೂಡಿಸಿದೆ.</p>.<p>ಈ ಅಪರೂಪದ ಮೀನಿಗೆ ಸ್ಥಳೀಯವಾಗಿ ಯಾವುದೇ ಹೆಸರಿಲ್ಲ. `ಬ್ಲಾಸ್ಟಿಡಾ~ ವರ್ಗಕ್ಕೆ ಸೇರಿದ ಮೀನಿನ ವೈಜ್ಞಾನಿಕ ಹೆಸರು `ಸಪ್ಲಾಮೆನ್ ಪ್ರೆನಟಮ್~. ಇವುಗಳ ಜೀವಿತಾವಧಿ 2ರಿಂದ3 ವರ್ಷ. ಗಾಳಕ್ಕೆ ಸಿಕ್ಕ ಈ ಮೀನು 26 ಸೆಂ.ಮೀ. ಉದ್ದ, ರೆಕ್ಕೆ ಸೇರಿ 10 ಅಂಗುಲ ಅಗಲ, 500 ಗ್ರಾಂ. ತೂಕವಿದೆ. ಹವಳದ ದಿಬ್ಬವಿರುವ ಪ್ರದೇಶದಲ್ಲಿ ಹೆಚ್ಚಾಗಿ ಕಂಡುಬರುವ ಈ ಮೀನುಗಳು ಸುಮಾರು 38 ಸೆಂ. ಮೀವರೆಗೆ ಬೆಳೆಯುತ್ತವೆ.</p>.<p>ಸಮುದ್ರದಲ್ಲಿ ಎಂಟರಿಂದ 180 ಮೀಟರ್ ಆಳದದಲ್ಲಿ ಇವು ವಾಸ ಮಾಡುತ್ತವೆ. ಕಪ್ಪೆಚಿಪ್ಪು, ಸಿಗಡಿ, ಮೃದ್ವಂಗಿ, ಸಣ್ಣ ಜಲಚರಗಳು ಇದರ ಪ್ರಮುಖ ಆಹಾರ. ಈ ಮೀನುಗಳು ಗಿಲ್ನೆಟ್ ಅಥವಾ ಆಳಸಮುದ್ರ ಮೀನುಗಾರಿಕೆ ನಡೆಸುವ ದೋಣಿಗಳ ಬಲೆಗೆ ಹೆಚ್ಚಾಗಿ ಬೀಳುತ್ತವೆ.</p>.<p>ಈ ಮೀನುಗಳು ರೆಡ್ಲಿಸ್ಟ್ ಅಥವಾ ಅಳಿವಿನಂಚಿನಲ್ಲಿರುವ ಜೀವಿಗಳ ಪಟ್ಟಿಯಲ್ಲಿ ಸೇರಿಲ್ಲ. ಬದಲಾಗಿ ವಿಶೇಷ ಆಕೃತಿಯ ಮೀನು ಎಂದು ಗುರುತಿಸಲಾಗಿದೆ.</p>.<p>`ಹಿಂದೂ ಮಹಾಸಾಗರ, ಹವಾಯಿ ದ್ವೀಪಗಳು, ದಕ್ಷಿಣಪೂರ್ವ ಆಫ್ರಿಕಾ ಕರಾವಳಿಯಲ್ಲಿ ಹೆಚ್ಚಾಗಿ ಇವು ಕಂಡುಬರುತ್ತವೆ. ನೀರಿನ ಸೆಳೆತಕ್ಕೆ ಅಥವಾ ಗುಂಪಿನಿಂದ ಪತ್ಯೇಕಗೊಂಡ ಈ ಮೀನು ಗಾಳಕ್ಕೆ ಸಿಕ್ಕಿರಬಹುದು~ ಎಂದು ಕರ್ನಾಟಕ ವಿವಿಯ ಕಡಲಜೀವಶಾಸ್ತ್ರ ವಿಭಾಗದ ಉಪನ್ಯಾಸಕರಾದ ಡಾ. ಉಲ್ಲಾಸ ನಾಯಕ ಮತ್ತು ಡಾ. ಶಿವಪ್ರಸಾದ ಹರಗಿ ಹೇಳುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
