ಗುರು-ಶುಕ್ರ ಸಮ್ಮಿಲನ

ಬೆಂಗಳೂರು: ನಭದಲ್ಲಿ ಗುರು ಮತ್ತು ಶುಕ್ರ ಗ್ರಹಗಳು ಒಂದೇ ಸರಳ ರೇಖೆಯಲ್ಲಿ ಕಂಡು ಬರಲಿವೆ. ಮಾರ್ಚ್ 14ರ ಬುಧವಾರ ಸಂಜೆ ಈ ಕೌತುಕವನ್ನು ಖಗೋಳ ಆಸಕ್ತರು ವೀಕ್ಷಿಸಬಹುದಾಗಿದೆ. ಸದ್ಯ ಮೇಷ ರಾಶಿಯಲ್ಲಿರುವ ಈ ಗ್ರಹಗಳು ಅಂದು ರಾತ್ರಿ ಹತ್ತು ಗಂಟೆಯ ವರೆಗೆ ಅತಿ ಸನಿಹದಲ್ಲಿ ಕಾಣಿಸಿಕೊಳ್ಳಲಿವೆ.

ಸಿಂಹ ರಾಶಿಯಲ್ಲಿರುವ ಕೆಂಪು ಗ್ರಹ ಮಂಗಳವನ್ನು ಪೂರ್ವ ದಿಕ್ಕಿನಲ್ಲಿ ಬರಿಗಣ್ಣಿನಿಂದಲೂ ವೀಕ್ಷಿಸಬಹುದಾಗಿದೆ ಎಂದು ಚಿತ್ರದುರ್ಗದ ಹವ್ಯಾಸಿ ಖಗೋಳ ವೀಕ್ಷಕ ಎಚ್.ಎಸ್.ಟಿ.ಸ್ವಾಮಿ ಅವರು ತಿಳಿಸಿದ್ದಾರೆ.