<p><strong>ನವದೆಹಲಿ (ಪಿಟಿಐ): </strong>ಗೃಹ ಸಾಲಕ್ಕೆ ನೀಡುವ ಶೇ 1ರಷ್ಟು `ಬಡ್ಡಿ ಸಬ್ಸಿಡಿ~ಯನ್ನು ಸರ್ಕಾರ ಇನ್ನೂ ಒಂದು ವರ್ಷದ ಅವಧಿಗೆ (2012-13) ವಿಸ್ತರಿಸಿದೆ. ಇದನ್ನು ಪಡೆಯಬೇಕಾದರೆ ಗೃಹ ಸಾಲದ ಮೊತ್ತ ರೂ.15 ಲಕ್ಷ ಮತ್ತು ಮನೆ ನಿರ್ಮಾಣ ವೆಚ್ಚ ರೂ.25 ಲಕ್ಷ ಮೀರಬಾರದು ಎಂಬ ಮಿತಿಯನ್ನೂ ವಿಧಿಸಿದೆ.<br /> <br /> ಪ್ರಧಾನಿ ಮನಮೋಹನ್ ಸಿಂಗ್ ಅಧ್ಯಕ್ಷತೆಯ ಸಂಪುಟ ಸಭೆ ಮಂಗಳವಾರವೇ ಯೋಜನೆ ವಿಸ್ತರಣೆಗೆ ಅನುಮೋದನೆ ನೀಡಿದೆ. ಕೇಂದ್ರ ಗೃಹ ಸಚಿವ ಪಿ.ಚಿದಂಬರಂ ಬುಧವಾರ ಇಲ್ಲಿ ಸಂಪುಟ ಸಭೆ ಬಳಿಕ ಸುದ್ದಿಗಾರರಿಗೆ ಈ ಮಾಹಿತಿ ನೀಡಿದರು. <br /> <br /> ಈವರೆಗೆ ರೂ.20 ಲಕ್ಷದಲ್ಲಿ ನಿರ್ಮಾಣವಾಗುತ್ತಿದ್ದ ಮನೆಗಳ ಗರಿಷ್ಠ ರೂ.10 ಲಕ್ಷದವರೆಗಿನ ಸಾಲಕ್ಕೆ ಈ ಸಬ್ಸಿಡಿ ನೆರವು ಇದ್ದಿತು. ಆದರೆ, ಗ್ರಾಮೀಣ ಮತ್ತು ನಗರ ಪ್ರದೇಶಗಳಲ್ಲಿ ಸೂರಿಲ್ಲದ ಕೆಳ ಮಧ್ಯಮ ವರ್ಗದವರ ಸಂಖ್ಯೆ ಹೆಚ್ಚುತ್ತಿರುವುದರಿಂದ ಸರ್ಕಾರ ಈ ಯೋಜನೆ ಮಿತಿಯನ್ನು ಹೆಚ್ಚಿಸಿದೆ.<br /> <br /> `ಬ್ಯಾಂಕ್ ಬಡ್ಡಿ ದರ ಗರಿಷ್ಠ ಮಟ್ಟದಲ್ಲಿರುವ ಪ್ರಸ್ತುತ ಸಂದರ್ಭದಲ್ಲಿ ಶೇ 1ರಷ್ಟು ಬಡ್ಡಿ ಸಬ್ಸಿಡಿ ವಿಸ್ತರಿಸಿರುವುದು ಮಧ್ಯಮ ಮತ್ತು ಕೆಳ ಮಧ್ಯಮ ವರ್ಗದವರಿಗೆ ಅದೆಷ್ಟೋ ಸಮಾಧಾನ ತಂದಿದೆ~ ಎಂದು ಚಿದಂಬರಂ ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು. <br /> <br /> ಈ ಯೋಜನೆಯಡಿ ವ್ಯಕ್ತಿಯೊಬ್ಬ ರೂ.15 ಲಕ್ಷದವರೆಗೆ ಸಾಲ ಪಡೆದಿದ್ದರೆ ಆತನಿಗೆ ವರ್ಷಕ್ಕೆ ರೂ.14,912 ಸಬ್ಸಿಡಿ ನೆರವು ಲಭಿಸಲಿದೆ. ರೂ.10 ಲಕ್ಷಕ್ಕೆ ರೂ.9,925 ಸಬ್ಸಿಡಿ ಮಿತಿ ನಿಗದಿಪಡಿಸಲಾಗಿದೆ. ಪ್ರಸಕ್ತ ಹಣಕಾಸು ವರ್ಷದಲ್ಲಿ ಬ್ಯಾಂಕುಗಳು ನೀಡುವ ಎಲ್ಲ ರೀತಿಯ ಗೃಹ ಸಾಲಗಳಿಗೂ ಈ ಯೋಜನೆ ಅನ್ವಯಿಸಲಿದೆ. <br /> <br /> ಈ ವರ್ಷ ಯೋಜನೆ ವಿಸ್ತರಣೆಗಾಗಿ ಸರ್ಕಾರ ಪ್ರಸಕ್ತ ಬಜೆಟ್ನಲ್ಲಿ ರೂ.400 ಕೋಟಿ ಮೀಸಲಿಟ್ಟಿದೆ. ನ್ಯಾಷನಲ್ ಹೌಸಿಂಗ್ ಬ್ಯಾಂಕ್ (ಎನ್ಎಚ್ಬಿ) ಈ ಯೋಜನೆ ಜಾರಿ ಉಸ್ತುವಾರಿ ನೋಡಿಕೊಳ್ಳಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ): </strong>ಗೃಹ ಸಾಲಕ್ಕೆ ನೀಡುವ ಶೇ 1ರಷ್ಟು `ಬಡ್ಡಿ ಸಬ್ಸಿಡಿ~ಯನ್ನು ಸರ್ಕಾರ ಇನ್ನೂ ಒಂದು ವರ್ಷದ ಅವಧಿಗೆ (2012-13) ವಿಸ್ತರಿಸಿದೆ. ಇದನ್ನು ಪಡೆಯಬೇಕಾದರೆ ಗೃಹ ಸಾಲದ ಮೊತ್ತ ರೂ.15 ಲಕ್ಷ ಮತ್ತು ಮನೆ ನಿರ್ಮಾಣ ವೆಚ್ಚ ರೂ.25 ಲಕ್ಷ ಮೀರಬಾರದು ಎಂಬ ಮಿತಿಯನ್ನೂ ವಿಧಿಸಿದೆ.<br /> <br /> ಪ್ರಧಾನಿ ಮನಮೋಹನ್ ಸಿಂಗ್ ಅಧ್ಯಕ್ಷತೆಯ ಸಂಪುಟ ಸಭೆ ಮಂಗಳವಾರವೇ ಯೋಜನೆ ವಿಸ್ತರಣೆಗೆ ಅನುಮೋದನೆ ನೀಡಿದೆ. ಕೇಂದ್ರ ಗೃಹ ಸಚಿವ ಪಿ.ಚಿದಂಬರಂ ಬುಧವಾರ ಇಲ್ಲಿ ಸಂಪುಟ ಸಭೆ ಬಳಿಕ ಸುದ್ದಿಗಾರರಿಗೆ ಈ ಮಾಹಿತಿ ನೀಡಿದರು. <br /> <br /> ಈವರೆಗೆ ರೂ.20 ಲಕ್ಷದಲ್ಲಿ ನಿರ್ಮಾಣವಾಗುತ್ತಿದ್ದ ಮನೆಗಳ ಗರಿಷ್ಠ ರೂ.10 ಲಕ್ಷದವರೆಗಿನ ಸಾಲಕ್ಕೆ ಈ ಸಬ್ಸಿಡಿ ನೆರವು ಇದ್ದಿತು. ಆದರೆ, ಗ್ರಾಮೀಣ ಮತ್ತು ನಗರ ಪ್ರದೇಶಗಳಲ್ಲಿ ಸೂರಿಲ್ಲದ ಕೆಳ ಮಧ್ಯಮ ವರ್ಗದವರ ಸಂಖ್ಯೆ ಹೆಚ್ಚುತ್ತಿರುವುದರಿಂದ ಸರ್ಕಾರ ಈ ಯೋಜನೆ ಮಿತಿಯನ್ನು ಹೆಚ್ಚಿಸಿದೆ.<br /> <br /> `ಬ್ಯಾಂಕ್ ಬಡ್ಡಿ ದರ ಗರಿಷ್ಠ ಮಟ್ಟದಲ್ಲಿರುವ ಪ್ರಸ್ತುತ ಸಂದರ್ಭದಲ್ಲಿ ಶೇ 1ರಷ್ಟು ಬಡ್ಡಿ ಸಬ್ಸಿಡಿ ವಿಸ್ತರಿಸಿರುವುದು ಮಧ್ಯಮ ಮತ್ತು ಕೆಳ ಮಧ್ಯಮ ವರ್ಗದವರಿಗೆ ಅದೆಷ್ಟೋ ಸಮಾಧಾನ ತಂದಿದೆ~ ಎಂದು ಚಿದಂಬರಂ ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು. <br /> <br /> ಈ ಯೋಜನೆಯಡಿ ವ್ಯಕ್ತಿಯೊಬ್ಬ ರೂ.15 ಲಕ್ಷದವರೆಗೆ ಸಾಲ ಪಡೆದಿದ್ದರೆ ಆತನಿಗೆ ವರ್ಷಕ್ಕೆ ರೂ.14,912 ಸಬ್ಸಿಡಿ ನೆರವು ಲಭಿಸಲಿದೆ. ರೂ.10 ಲಕ್ಷಕ್ಕೆ ರೂ.9,925 ಸಬ್ಸಿಡಿ ಮಿತಿ ನಿಗದಿಪಡಿಸಲಾಗಿದೆ. ಪ್ರಸಕ್ತ ಹಣಕಾಸು ವರ್ಷದಲ್ಲಿ ಬ್ಯಾಂಕುಗಳು ನೀಡುವ ಎಲ್ಲ ರೀತಿಯ ಗೃಹ ಸಾಲಗಳಿಗೂ ಈ ಯೋಜನೆ ಅನ್ವಯಿಸಲಿದೆ. <br /> <br /> ಈ ವರ್ಷ ಯೋಜನೆ ವಿಸ್ತರಣೆಗಾಗಿ ಸರ್ಕಾರ ಪ್ರಸಕ್ತ ಬಜೆಟ್ನಲ್ಲಿ ರೂ.400 ಕೋಟಿ ಮೀಸಲಿಟ್ಟಿದೆ. ನ್ಯಾಷನಲ್ ಹೌಸಿಂಗ್ ಬ್ಯಾಂಕ್ (ಎನ್ಎಚ್ಬಿ) ಈ ಯೋಜನೆ ಜಾರಿ ಉಸ್ತುವಾರಿ ನೋಡಿಕೊಳ್ಳಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
