<p><strong>ಸೇಂಟ್ ಜಾನ್ಸ್, ಆ್ಯಂಟಿಗ ಮತ್ತು ಬಾರ್ಬುಡಾ (ಎಎಫ್ಪಿ): </strong>ವೆಸ್ಟ್ ಇಂಡೀಸ್ ತಂಡದ ಹಿರಿಯ ಆಟಗಾರ ಶಿವನಾರಾಯಣ ಚಂದ್ರಪಾಲ್ ಶನಿವಾರ ಅಂತರರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳಿದ್ದಾರೆ. ಇದರೊಂದಿಗೆ 22 ವರ್ಷದ ಕ್ರೀಡಾ ಬದುಕಿಗೆ ತೆರೆ ಎಳೆದಿದ್ದಾರೆ.<br /> <br /> ವಿಂಡೀಸ್ ತಂಡದ ಮಾಜಿ ನಾಯಕರೂ ಆಗಿದ್ದ ಗಯಾನದ ಚಂದ್ರ ಪಾಲ್ ಟೆಸ್ಟ್ ಮಾದರಿಯಲ್ಲಿ ಗರಿಷ್ಠ ರನ್ ಗಳಿಸಿದ ವಿಂಡೀಸ್ನ ಎರಡನೇ ಆಟ ಗಾರ ಎನಿಸಿದ್ದಾರೆ. ಚಂದ್ರಪಾಲ್ ಈ ಮಾದರಿಯಲ್ಲಿ 11,867ರನ್ ಪೇರಿಸಿ ದ್ದಾರೆ. ಲಾರಾ (11, 953) ಅವರ ದಾಖಲೆಯನ್ನು ಹಿಂದಿಕ್ಕಲು ಚಂದ್ರ ಪಾಲ್ಗೆ ಇನ್ನೂ ಕೇವಲ 86ರನ್ಗಳ ಅಗತ್ಯವಿತ್ತು.<br /> <br /> ಆದರೆ ವಿಂಡೀಸ್ ಕ್ರಿಕೆಟ್ ಮಂಡಳಿ ಇತ್ತೀಚಿನ ಕೆಲ ಸರಣಿಗಳಲ್ಲಿ ತಂಡದಿಂದ ಕೈಬಿಟ್ಟಿದ್ದರಿಂದ ಅವರ ಈ ಕನಸು ಕೈಗೂಡಲಿಲ್ಲ. 1994ರ ಮಾರ್ಚ್ನಲ್ಲಿ ಗಯಾನ ದಲ್ಲಿ ನಡೆದಿದ್ದ ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಆಡುವ ಮೂಲಕ ಟೆಸ್ಟ್ ಮಾದರಿಗೆ ಪದಾರ್ಪಣೆ ಮಾಡಿದ್ದ ಎಡಗೈ ಬ್ಯಾಟ್ಸ್ಮನ್ ಚಂದ್ರಪಾಲ್ ಆ ಪಂದ್ಯದಲ್ಲಿ ಅರ್ಧಶತಕ ಗಳಿಸಿ ವಿಂಡೀಸ್ ಗೆಲುವಿನಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿ ದ್ದರು. ಹೋದ ವರ್ಷದ ಮೇ ತಿಂಗಳಿ ನಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದ ಪಂದ್ಯ ಅವರ ಪಾಲಿಗೆ ಕೊನೆಯದ್ದಾಗಿತ್ತು.<br /> <br /> 41 ವರ್ಷದ ಚಂದ್ರಪಾಲ್ 2008ರಲ್ಲಿ ವಿಸ್ಡನ್ ವರ್ಷದ ಶ್ರೇಷ್ಠ ಆಟಗಾರ ಗೌರವಕ್ಕೂ ಭಾಜನರಾಗಿದ್ದರು. ಅಂತರರಾಷ್ಟ್ರೀಯ ಮಾದರಿಯಿಂದ ದೂರ ಸರಿದಿರುವ ಚಂದ್ರಪಾಲ್ ದೇಶಿಯ ಟೂರ್ನಿಗಳಲ್ಲಿ ಗಯಾನ ತಂಡದ ಪರ ಆಡಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸೇಂಟ್ ಜಾನ್ಸ್, ಆ್ಯಂಟಿಗ ಮತ್ತು ಬಾರ್ಬುಡಾ (ಎಎಫ್ಪಿ): </strong>ವೆಸ್ಟ್ ಇಂಡೀಸ್ ತಂಡದ ಹಿರಿಯ ಆಟಗಾರ ಶಿವನಾರಾಯಣ ಚಂದ್ರಪಾಲ್ ಶನಿವಾರ ಅಂತರರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳಿದ್ದಾರೆ. ಇದರೊಂದಿಗೆ 22 ವರ್ಷದ ಕ್ರೀಡಾ ಬದುಕಿಗೆ ತೆರೆ ಎಳೆದಿದ್ದಾರೆ.<br /> <br /> ವಿಂಡೀಸ್ ತಂಡದ ಮಾಜಿ ನಾಯಕರೂ ಆಗಿದ್ದ ಗಯಾನದ ಚಂದ್ರ ಪಾಲ್ ಟೆಸ್ಟ್ ಮಾದರಿಯಲ್ಲಿ ಗರಿಷ್ಠ ರನ್ ಗಳಿಸಿದ ವಿಂಡೀಸ್ನ ಎರಡನೇ ಆಟ ಗಾರ ಎನಿಸಿದ್ದಾರೆ. ಚಂದ್ರಪಾಲ್ ಈ ಮಾದರಿಯಲ್ಲಿ 11,867ರನ್ ಪೇರಿಸಿ ದ್ದಾರೆ. ಲಾರಾ (11, 953) ಅವರ ದಾಖಲೆಯನ್ನು ಹಿಂದಿಕ್ಕಲು ಚಂದ್ರ ಪಾಲ್ಗೆ ಇನ್ನೂ ಕೇವಲ 86ರನ್ಗಳ ಅಗತ್ಯವಿತ್ತು.<br /> <br /> ಆದರೆ ವಿಂಡೀಸ್ ಕ್ರಿಕೆಟ್ ಮಂಡಳಿ ಇತ್ತೀಚಿನ ಕೆಲ ಸರಣಿಗಳಲ್ಲಿ ತಂಡದಿಂದ ಕೈಬಿಟ್ಟಿದ್ದರಿಂದ ಅವರ ಈ ಕನಸು ಕೈಗೂಡಲಿಲ್ಲ. 1994ರ ಮಾರ್ಚ್ನಲ್ಲಿ ಗಯಾನ ದಲ್ಲಿ ನಡೆದಿದ್ದ ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಆಡುವ ಮೂಲಕ ಟೆಸ್ಟ್ ಮಾದರಿಗೆ ಪದಾರ್ಪಣೆ ಮಾಡಿದ್ದ ಎಡಗೈ ಬ್ಯಾಟ್ಸ್ಮನ್ ಚಂದ್ರಪಾಲ್ ಆ ಪಂದ್ಯದಲ್ಲಿ ಅರ್ಧಶತಕ ಗಳಿಸಿ ವಿಂಡೀಸ್ ಗೆಲುವಿನಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿ ದ್ದರು. ಹೋದ ವರ್ಷದ ಮೇ ತಿಂಗಳಿ ನಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದ ಪಂದ್ಯ ಅವರ ಪಾಲಿಗೆ ಕೊನೆಯದ್ದಾಗಿತ್ತು.<br /> <br /> 41 ವರ್ಷದ ಚಂದ್ರಪಾಲ್ 2008ರಲ್ಲಿ ವಿಸ್ಡನ್ ವರ್ಷದ ಶ್ರೇಷ್ಠ ಆಟಗಾರ ಗೌರವಕ್ಕೂ ಭಾಜನರಾಗಿದ್ದರು. ಅಂತರರಾಷ್ಟ್ರೀಯ ಮಾದರಿಯಿಂದ ದೂರ ಸರಿದಿರುವ ಚಂದ್ರಪಾಲ್ ದೇಶಿಯ ಟೂರ್ನಿಗಳಲ್ಲಿ ಗಯಾನ ತಂಡದ ಪರ ಆಡಲಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>