<p>`ಕೋಳಿ ಕೋತಿ~ಯ ಚೀನೀ ಕಥೆಯಿಂದ ಪ್ರೇರಿತಗೊಂಡು `ಕೋ...ಕೋ...~ ಚಿತ್ರ ನಿರ್ದೇಶಿಸಿದ ಮೈಲಾರಿ ಚಂದ್ರು ಈಗ ಮತ್ತೆ ಪ್ರೇಮಲೋಕದ ಟ್ರ್ಯಾಕ್ಗೆ ಮರಳಿದ್ದಾರೆ. `ತಾಜ್ಮಹಲ್~ ಎಂಬ ಪ್ರೇಮಸೌಧದ ಹೆಸರಿಟ್ಟು ಟ್ರ್ಯಾಜಿಡಿ ಸಿನಿಮಾ ಕೊಟ್ಟ ಅವರ ದೃಷ್ಟಿ ಈಗ ಬಿದ್ದಿರುವುದು ಮತ್ತೊಂದು ಪುರಾತನ ಸೌಧ `ಚಾರ್ಮಿನಾರ್~ ಮೇಲೆ. ಇದರ ಅಡಿ ಶೀರ್ಷಿಕೆ `ನಾಲ್ಕು `ಕಂಬ~ನಿಗಳ ಕಹಾನಿ~! <br /> <br /> ಅಂದಹಾಗೆ, `ಚಾರ್ಮಿನಾರ್~ ಟ್ರ್ಯಾಜಿಡಿ ಸಿನಿಮಾವಲ್ಲ. ನಾಲ್ಕು ಕಂಬನಿಗಳು ಉದುರುವುದು ಚಿತ್ರದ ಅಂತ್ಯದಲ್ಲಿ ಮಾತ್ರ. ಉಳಿದಂತೆ ಮನೆಮಂದಿಯೆಲ್ಲಾ ಖುಷಿಯಾಗಿ ಕುಳಿತು ನೋಡುವ ಚಿತ್ರ ಇದು ಎಂಬ ಭರವಸೆ ಅವರದು.<br /> <br /> `ಸಿನಿಮಾ ರಂಜನೆ~ ಜೊತೆ ಮಾತನಾಡಿದ ಅವರು, ಪ್ರೀತಿಯ ಮಡುವಿನಲ್ಲಿ ಹೊರಳಾಡುವ ಮಕ್ಕಳನ್ನು `ಚಾರ್ಮಿನಾರ್~ ನೋಡಲು ಚಿತ್ರಮಂದಿರಕ್ಕೆ ಪೋಷಕರೇ ಕಳುಹಿಸುತ್ತಾರೆ ಎಂದು ಆತ್ಮವಿಶ್ವಾಸ ವ್ಯಕ್ತಪಡಿಸಿದರು.<br /> <br /> `ಚಾರ್ಮಿನಾರ್~ ಬೆಂಗಳೂರು- ಹೈದರಾಬಾದ್ ಪಯಣದ ನಡುವಿನ ಒಂದು ಪ್ರೇಮಕಥೆ. ಚಿತ್ರ ವಾಸ್ತವಕ್ಕೆ ಹೆಚ್ಚು ಹತ್ತಿರವಾಗಿರಲಿ ಎಂದು ತಾನು ಕಂಡಿರುವ ಮತ್ತು ಕೇಳಿದ ಪ್ರೇಮ ಘಟನೆಗಳನ್ನೇ ಆಧಾರವಾಗಿಟ್ಟುಕೊಂಡು ಚಿತ್ರಕಥೆ ಹೆಣೆದಿದ್ದಾರಂತೆ. `ತಾಜ್ಮಹಲ್~ ಚಿತ್ರದಂತೆಯೇ ಮನಕಲಕುವ ಪ್ರೇಮಕಥೆಯ ಚಿತ್ರವನ್ನು ನೀಡುವಂತೆ ಚಂದ್ರು ಅಭಿಮಾನಿಗಳು ಒತ್ತಾಯಿಸಿದ್ದರಂತೆ. <br /> <br /> ತಮ್ಮ ಚಿತ್ರಗಳ ಬಗ್ಗೆ ಸಮೀಕ್ಷೆ ಮಾಡಿಸಿದ ಚಂದ್ರುಗೆ ತಿಳಿದುಬಂದಿರುವುದು, `ಚಂದ್ರು ನಿರ್ದೇಶನದ ಚಿತ್ರ~ ಎಂದು ಜನ ಗುರುತಿಸುತ್ತಾರೆ ಎಂದು. ಹೀಗಾಗಿ ಪ್ರೇಮಿಗಳಿಗಾಗಿ ಸತ್ಯಕಥೆಯನ್ನೇ ಚಿತ್ರವಾಗಿಸುತ್ತಿದ್ದೇನೆ ಎಂದರು.<br /> <br /> ಚಿತ್ರಕ್ಕೆ ಇನ್ನೂ ನಾಯಕ ನಾಯಕಿ ಸೇರಿದಂತೆ ಕಲಾವಿದರ ಆಯ್ಕೆ ನಡೆದಿಲ್ಲ. ಅಜಯ್ರಾವ್ ಚಿತ್ರದ ನಾಯಕರಾಗಿ ಆಯ್ಕೆಯಾಗಿದ್ದಾರೆ ಎಂಬ ಸುದ್ದಿ ಹರಡಿದ್ದರೂ ಅದಿನ್ನೂ ಖಚಿತವಾಗಿಲ್ಲ. ಚಿತ್ರದ ನಾಯಕನ ಪಾತ್ರ ಇಲ್ಲಿ ಪ್ರಮುಖವಾದುದು. <br /> <br /> ಹೀಗಾಗಿ ಪಾತ್ರಕ್ಕೆ ಬದ್ಧರಾಗಿ ದುಡಿಯುವ ಕಲಾವಿದರನ್ನು ಆಯ್ಕೆ ಮಾಡುವುದು ತಮ್ಮ ಮುಂದಿರುವ ಗುರಿ ಎನ್ನುವ ಚಂದ್ರು, ಚಿತ್ರದ ಮುಹೂರ್ತದ ದಿನ ಪಾತ್ರವರ್ಗವನ್ನು ಬಹಿರಂಗಪಡಿಸಲಿದ್ದಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>`ಕೋಳಿ ಕೋತಿ~ಯ ಚೀನೀ ಕಥೆಯಿಂದ ಪ್ರೇರಿತಗೊಂಡು `ಕೋ...ಕೋ...~ ಚಿತ್ರ ನಿರ್ದೇಶಿಸಿದ ಮೈಲಾರಿ ಚಂದ್ರು ಈಗ ಮತ್ತೆ ಪ್ರೇಮಲೋಕದ ಟ್ರ್ಯಾಕ್ಗೆ ಮರಳಿದ್ದಾರೆ. `ತಾಜ್ಮಹಲ್~ ಎಂಬ ಪ್ರೇಮಸೌಧದ ಹೆಸರಿಟ್ಟು ಟ್ರ್ಯಾಜಿಡಿ ಸಿನಿಮಾ ಕೊಟ್ಟ ಅವರ ದೃಷ್ಟಿ ಈಗ ಬಿದ್ದಿರುವುದು ಮತ್ತೊಂದು ಪುರಾತನ ಸೌಧ `ಚಾರ್ಮಿನಾರ್~ ಮೇಲೆ. ಇದರ ಅಡಿ ಶೀರ್ಷಿಕೆ `ನಾಲ್ಕು `ಕಂಬ~ನಿಗಳ ಕಹಾನಿ~! <br /> <br /> ಅಂದಹಾಗೆ, `ಚಾರ್ಮಿನಾರ್~ ಟ್ರ್ಯಾಜಿಡಿ ಸಿನಿಮಾವಲ್ಲ. ನಾಲ್ಕು ಕಂಬನಿಗಳು ಉದುರುವುದು ಚಿತ್ರದ ಅಂತ್ಯದಲ್ಲಿ ಮಾತ್ರ. ಉಳಿದಂತೆ ಮನೆಮಂದಿಯೆಲ್ಲಾ ಖುಷಿಯಾಗಿ ಕುಳಿತು ನೋಡುವ ಚಿತ್ರ ಇದು ಎಂಬ ಭರವಸೆ ಅವರದು.<br /> <br /> `ಸಿನಿಮಾ ರಂಜನೆ~ ಜೊತೆ ಮಾತನಾಡಿದ ಅವರು, ಪ್ರೀತಿಯ ಮಡುವಿನಲ್ಲಿ ಹೊರಳಾಡುವ ಮಕ್ಕಳನ್ನು `ಚಾರ್ಮಿನಾರ್~ ನೋಡಲು ಚಿತ್ರಮಂದಿರಕ್ಕೆ ಪೋಷಕರೇ ಕಳುಹಿಸುತ್ತಾರೆ ಎಂದು ಆತ್ಮವಿಶ್ವಾಸ ವ್ಯಕ್ತಪಡಿಸಿದರು.<br /> <br /> `ಚಾರ್ಮಿನಾರ್~ ಬೆಂಗಳೂರು- ಹೈದರಾಬಾದ್ ಪಯಣದ ನಡುವಿನ ಒಂದು ಪ್ರೇಮಕಥೆ. ಚಿತ್ರ ವಾಸ್ತವಕ್ಕೆ ಹೆಚ್ಚು ಹತ್ತಿರವಾಗಿರಲಿ ಎಂದು ತಾನು ಕಂಡಿರುವ ಮತ್ತು ಕೇಳಿದ ಪ್ರೇಮ ಘಟನೆಗಳನ್ನೇ ಆಧಾರವಾಗಿಟ್ಟುಕೊಂಡು ಚಿತ್ರಕಥೆ ಹೆಣೆದಿದ್ದಾರಂತೆ. `ತಾಜ್ಮಹಲ್~ ಚಿತ್ರದಂತೆಯೇ ಮನಕಲಕುವ ಪ್ರೇಮಕಥೆಯ ಚಿತ್ರವನ್ನು ನೀಡುವಂತೆ ಚಂದ್ರು ಅಭಿಮಾನಿಗಳು ಒತ್ತಾಯಿಸಿದ್ದರಂತೆ. <br /> <br /> ತಮ್ಮ ಚಿತ್ರಗಳ ಬಗ್ಗೆ ಸಮೀಕ್ಷೆ ಮಾಡಿಸಿದ ಚಂದ್ರುಗೆ ತಿಳಿದುಬಂದಿರುವುದು, `ಚಂದ್ರು ನಿರ್ದೇಶನದ ಚಿತ್ರ~ ಎಂದು ಜನ ಗುರುತಿಸುತ್ತಾರೆ ಎಂದು. ಹೀಗಾಗಿ ಪ್ರೇಮಿಗಳಿಗಾಗಿ ಸತ್ಯಕಥೆಯನ್ನೇ ಚಿತ್ರವಾಗಿಸುತ್ತಿದ್ದೇನೆ ಎಂದರು.<br /> <br /> ಚಿತ್ರಕ್ಕೆ ಇನ್ನೂ ನಾಯಕ ನಾಯಕಿ ಸೇರಿದಂತೆ ಕಲಾವಿದರ ಆಯ್ಕೆ ನಡೆದಿಲ್ಲ. ಅಜಯ್ರಾವ್ ಚಿತ್ರದ ನಾಯಕರಾಗಿ ಆಯ್ಕೆಯಾಗಿದ್ದಾರೆ ಎಂಬ ಸುದ್ದಿ ಹರಡಿದ್ದರೂ ಅದಿನ್ನೂ ಖಚಿತವಾಗಿಲ್ಲ. ಚಿತ್ರದ ನಾಯಕನ ಪಾತ್ರ ಇಲ್ಲಿ ಪ್ರಮುಖವಾದುದು. <br /> <br /> ಹೀಗಾಗಿ ಪಾತ್ರಕ್ಕೆ ಬದ್ಧರಾಗಿ ದುಡಿಯುವ ಕಲಾವಿದರನ್ನು ಆಯ್ಕೆ ಮಾಡುವುದು ತಮ್ಮ ಮುಂದಿರುವ ಗುರಿ ಎನ್ನುವ ಚಂದ್ರು, ಚಿತ್ರದ ಮುಹೂರ್ತದ ದಿನ ಪಾತ್ರವರ್ಗವನ್ನು ಬಹಿರಂಗಪಡಿಸಲಿದ್ದಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
