<p><strong>ನವದೆಹಲಿ (ಪಿಟಿಐ): </strong>ಚಿನ್ನಾಭರಣ ರಫ್ತು ವಹಿವಾಟು ಉತ್ತೇಜಿಸುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ ಶನಿವಾರ ಪ್ರತಿ ಗ್ರಾಂ ಚಿನ್ನದ ಮೇಲೆ ವಿಧಿಸುತ್ತಿದ್ದ ತೆರಿಗೆ ಮರುಪಾವತಿ ದರವನ್ನು (ಸೋಡಿಸುಂಕ)ರೂ100 ರಿಂದ ರೂ173ಕ್ಕೆ ಹೆಚ್ಚಿಸಿದೆ.<br /> <br /> ಆಮದು ಮಾಡಿಕೊಂಡ ಸರಕನ್ನು ರಫ್ತು ಮಾಡುವಾಗ, ಈ ಹಿಂದೆ ತೆತ್ತಿದ್ದ ಆಮದು ಸುಂಕದಲ್ಲಿ ಪಡೆಯುವ ರಿಯಾಯ್ತಿಗೆ ಸೋಡಿ ಸುಂಕ ಎನ್ನಲಾಗುತ್ತದೆ. ಈ ಮೊದಲು .995 ಅಥವಾ ಅದಕ್ಕಿಂತ ಹೆಚ್ಚಿನ ಶುದ್ಧತೆಯ ಪ್ರತಿ ಗ್ರಾಂ ಚಿನ್ನಕ್ಕೆ ರೂ100.70 ತೆರಿಗೆ ಮರುಪಾವತಿ ದರ ನಿಗದಿಪಡಿಸಲಾಗಿತ್ತು. ಈಗ ಇದನ್ನುರೂ73 ಹೆಚ್ಚಿಸಲಾಗಿದೆ ಎಂದು ಕೇಂದ್ರ ಅಬಕಾರಿ ಮತ್ತು ಸೀಮಾ ಸುಂಕ ಮಂಡಳಿ (ಸಿಬಿಇಸಿ) ಪ್ರಕಟಣೆಯಲ್ಲಿ ತಿಳಿಸಿದೆ.<br /> <br /> ಚಿನ್ನದ ಆಮದು ಹೆಚ್ಚಳದಿಂದ ದೇಶದ ಚಾಲ್ತಿ ಖಾತೆ ಕೊರತೆ (ಸಿಎಡಿ) ಹೆಚ್ಚಿದಾಗ ತೆರಿಗೆ ಮರು ಪಾವತಿ ದರ ಹೆಚ್ಚಿಸಲಾಗುತ್ತದೆ. ಸದ್ಯ `ಸಿಎಡಿ' ಒಟ್ಟಾರೆ ರಾಷ್ಟ್ರೀಯ ಉತ್ಪನ್ನದ (ಜಿಡಿಪಿ) ಶೇ 5 ದಾಟಿದೆ. ಚಿನ್ನದ ಬೇಡಿಕೆ ತಗ್ಗಿಸಲು ಸರ್ಕಾರ ಈಗಾಗಲೇ ಆಮದು ದರದಲ್ಲಿ ಶೇ 8ರಷ್ಟು ಹೆಚ್ಚಳ ಮಾಡಿದೆ. ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ಕೂಡ ಚಿನ್ನ ಆಮದಿಗೆ ಸಂಬಂಧಿಸಿದಂತೆ ಬ್ಯಾಂಕುಗಳಿಗೆ ನಿರ್ಬಂಧ ವಿಧಿಸಿವೆ.<br /> <br /> `ಚಿನ್ನ ಆಮದು ದರ ಹೆಚ್ಚಳ ಮಾಡಿದ್ದಕ್ಕೆ ಪರಿಹಾರ ಎನ್ನುವಂತೆ ಸರ್ಕಾರ ಈಗ ತೆರಿಗೆ ಮರುಪಾವತಿ ದರ ಏರಿಕೆ ಮಾಡಿದೆ. ಕಳೆದ ಜನವರಿಯಿಂದ ಈ ದರ ಪರಿಷ್ಕರಣೆ ಆಗಿರಲಿಲ್ಲ' ಎಂದು ಚಿನ್ನಾಭರಣ ರಫ್ತು ವಹಿವಾಟು ಸಂಸ್ಥೆಗಳ ಒಕ್ಕೂಟದ ಮಹಾನಿರ್ದೇಶಕ ಅಜಯ್ ಶಾಹಿ ಅಭಿಪ್ರಾಯಪಟ್ಟಿದ್ದಾರೆ. <br /> <br /> `ಸರ್ಕಾರದ ಕ್ರಮದಿಂದ ಚಿನ್ನಾಭರಣ ರಫ್ತು ವಹಿವಾಟು ನಡೆಸುವ ಸಂಸ್ಥೆಗಳಿಗೆ ಅನುಕೂಲವಾಗಲಿವೆ. ಈಗಾಗಲೇ ಶೇ 8ರಷ್ಟು ಆಮದು ದರದಿಂದ ಉದ್ಯಮ ನಷ್ಟದಲ್ಲಿತ್ತು' ಎಂದು ದೆಹಲಿ ಮೂಲದ ವರ್ತಕರೊಬ್ಬರು ಹೇಳಿದ್ದಾರೆ.<br /> <br /> ಚಿನ್ನ ಮತ್ತು ಬೆಳ್ಳಿ ಆಮದು ಮೇ ತಿಂಗಳಲ್ಲಿ ಶೇ 90ರಷ್ಟು ಹೆಚ್ಚಿದ್ದು 840 ಕೋಟಿ ಡಾಲರ್ಗಳಿಗೆ ಏರಿಕೆ ಕಂಡಿದೆ. ಏಪ್ರಿಲ್-ಮೇ ಅವಧಿಯಲ್ಲಿ ಒಟ್ಟಾರೆ 1,588 ಕೋಟಿ ಡಾಲರ್ ಮೌಲ್ಯದ ಚಿನ್ನ ಆಮದು ಮಾಡಿಕೊಳ್ಳಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ): </strong>ಚಿನ್ನಾಭರಣ ರಫ್ತು ವಹಿವಾಟು ಉತ್ತೇಜಿಸುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ ಶನಿವಾರ ಪ್ರತಿ ಗ್ರಾಂ ಚಿನ್ನದ ಮೇಲೆ ವಿಧಿಸುತ್ತಿದ್ದ ತೆರಿಗೆ ಮರುಪಾವತಿ ದರವನ್ನು (ಸೋಡಿಸುಂಕ)ರೂ100 ರಿಂದ ರೂ173ಕ್ಕೆ ಹೆಚ್ಚಿಸಿದೆ.<br /> <br /> ಆಮದು ಮಾಡಿಕೊಂಡ ಸರಕನ್ನು ರಫ್ತು ಮಾಡುವಾಗ, ಈ ಹಿಂದೆ ತೆತ್ತಿದ್ದ ಆಮದು ಸುಂಕದಲ್ಲಿ ಪಡೆಯುವ ರಿಯಾಯ್ತಿಗೆ ಸೋಡಿ ಸುಂಕ ಎನ್ನಲಾಗುತ್ತದೆ. ಈ ಮೊದಲು .995 ಅಥವಾ ಅದಕ್ಕಿಂತ ಹೆಚ್ಚಿನ ಶುದ್ಧತೆಯ ಪ್ರತಿ ಗ್ರಾಂ ಚಿನ್ನಕ್ಕೆ ರೂ100.70 ತೆರಿಗೆ ಮರುಪಾವತಿ ದರ ನಿಗದಿಪಡಿಸಲಾಗಿತ್ತು. ಈಗ ಇದನ್ನುರೂ73 ಹೆಚ್ಚಿಸಲಾಗಿದೆ ಎಂದು ಕೇಂದ್ರ ಅಬಕಾರಿ ಮತ್ತು ಸೀಮಾ ಸುಂಕ ಮಂಡಳಿ (ಸಿಬಿಇಸಿ) ಪ್ರಕಟಣೆಯಲ್ಲಿ ತಿಳಿಸಿದೆ.<br /> <br /> ಚಿನ್ನದ ಆಮದು ಹೆಚ್ಚಳದಿಂದ ದೇಶದ ಚಾಲ್ತಿ ಖಾತೆ ಕೊರತೆ (ಸಿಎಡಿ) ಹೆಚ್ಚಿದಾಗ ತೆರಿಗೆ ಮರು ಪಾವತಿ ದರ ಹೆಚ್ಚಿಸಲಾಗುತ್ತದೆ. ಸದ್ಯ `ಸಿಎಡಿ' ಒಟ್ಟಾರೆ ರಾಷ್ಟ್ರೀಯ ಉತ್ಪನ್ನದ (ಜಿಡಿಪಿ) ಶೇ 5 ದಾಟಿದೆ. ಚಿನ್ನದ ಬೇಡಿಕೆ ತಗ್ಗಿಸಲು ಸರ್ಕಾರ ಈಗಾಗಲೇ ಆಮದು ದರದಲ್ಲಿ ಶೇ 8ರಷ್ಟು ಹೆಚ್ಚಳ ಮಾಡಿದೆ. ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ಕೂಡ ಚಿನ್ನ ಆಮದಿಗೆ ಸಂಬಂಧಿಸಿದಂತೆ ಬ್ಯಾಂಕುಗಳಿಗೆ ನಿರ್ಬಂಧ ವಿಧಿಸಿವೆ.<br /> <br /> `ಚಿನ್ನ ಆಮದು ದರ ಹೆಚ್ಚಳ ಮಾಡಿದ್ದಕ್ಕೆ ಪರಿಹಾರ ಎನ್ನುವಂತೆ ಸರ್ಕಾರ ಈಗ ತೆರಿಗೆ ಮರುಪಾವತಿ ದರ ಏರಿಕೆ ಮಾಡಿದೆ. ಕಳೆದ ಜನವರಿಯಿಂದ ಈ ದರ ಪರಿಷ್ಕರಣೆ ಆಗಿರಲಿಲ್ಲ' ಎಂದು ಚಿನ್ನಾಭರಣ ರಫ್ತು ವಹಿವಾಟು ಸಂಸ್ಥೆಗಳ ಒಕ್ಕೂಟದ ಮಹಾನಿರ್ದೇಶಕ ಅಜಯ್ ಶಾಹಿ ಅಭಿಪ್ರಾಯಪಟ್ಟಿದ್ದಾರೆ. <br /> <br /> `ಸರ್ಕಾರದ ಕ್ರಮದಿಂದ ಚಿನ್ನಾಭರಣ ರಫ್ತು ವಹಿವಾಟು ನಡೆಸುವ ಸಂಸ್ಥೆಗಳಿಗೆ ಅನುಕೂಲವಾಗಲಿವೆ. ಈಗಾಗಲೇ ಶೇ 8ರಷ್ಟು ಆಮದು ದರದಿಂದ ಉದ್ಯಮ ನಷ್ಟದಲ್ಲಿತ್ತು' ಎಂದು ದೆಹಲಿ ಮೂಲದ ವರ್ತಕರೊಬ್ಬರು ಹೇಳಿದ್ದಾರೆ.<br /> <br /> ಚಿನ್ನ ಮತ್ತು ಬೆಳ್ಳಿ ಆಮದು ಮೇ ತಿಂಗಳಲ್ಲಿ ಶೇ 90ರಷ್ಟು ಹೆಚ್ಚಿದ್ದು 840 ಕೋಟಿ ಡಾಲರ್ಗಳಿಗೆ ಏರಿಕೆ ಕಂಡಿದೆ. ಏಪ್ರಿಲ್-ಮೇ ಅವಧಿಯಲ್ಲಿ ಒಟ್ಟಾರೆ 1,588 ಕೋಟಿ ಡಾಲರ್ ಮೌಲ್ಯದ ಚಿನ್ನ ಆಮದು ಮಾಡಿಕೊಳ್ಳಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
